Johnny Depp

1960au–1970au

Ganwyd Depp yn Owensboro, Kentucky,^[4] a'i fagu yn Florida. Ef oedd yr ifancaf o bedwar o blant Betty Sue Palmer (née Wells), gweinyddes, a John Christopher Depp, peiriannydd sifil.^[5] Ysgarodd y ddau pan oedd Johnny yn 15 oed.^[6] Mewn cyfweliad yn 2002, dywedodd Depp ei fod yn credu ei fod o dras yr Americanwyr Brodorol;^[7] yn 2011, manylodd trwy ddweud, "I guess I have some Native American [in me] somewhere down the line. My great-grandmother was quite a bit of Native American, she grew up Cherokee or maybe Creek Indian. Makes sense in terms of coming from Kentucky, which is rife with Cherokee and Creek."^[8]Symudodd ei deulu'n rheolaidd yn ystod plentyndod Depp, ac roedd ef a'i siblingiaid wedi byw mewn dros 20 o leoliadau gwahanol, cyn ymgartrefu yn Miramar,^[9] Florida, yn 1970. Ym 1978, ysgarodd rhieni Depp.^[9] Fel ei hail ŵr, priododd ei fam, Robert Palmer (bu farw 2000), gŵr a ddisgrifiwyd gan Depp fel "ysbrydoliaeth i mi".^[10] Aeth Depp tryw gyfnod o hunan-niweidio pan oedd yn ifanc, o ganlyniad i'r straen o ymdopi â phroblemau teuluol, ac oherwydd hyn mae ganddo nifer o greithiau. Mewn cyfweliad yn 1993, myfyriodd ar ei hunan-niweidio gan ddweud "Mae fy nghorff yn rhyw fath o gyfnodolyn. Mae'n debyg i'r hyn byddai morwyr arfer gwneud, lle mae pob tatŵ yn golygu rhywbeth, amser penodol o'ch bywyd pan rydych yn gwneud eich marc ar eich hunan, p'un ai os ydych yn ei wneud gyda chyllell neu artist tatŵ proffesiynol".^[11]

1980au

Pan dderbyniodd Depp gitâr wrth ei fam pan oedd yn 12, dechreuodd Depp chwarae mewn nifer o fandiau garej.^[9] Flwyddyn ar ôl ysgariad ei rieni, gadawodd Depp yr ysgol er mwyn dod yn gerddor roc.^[9] Ceisiodd ddychwelyd i'r ysgol bythefnos yn ddiweddarach, ond dywedodd Pennaeth yr ysgol wrtho i ddilyn ei freuddwyd o fod yn gerddor.^[9] Chwaraeodd gyda "The Kids", band a gafodd rhyw faint o lwyddiant lleol. Symudodd "The Kids" i Los Angeles gyda'r nod o gael cytundeb recordio. Newidion nhw eu henw i "Six Gun Method", ond chwalodd y grŵp cyn arwyddo cytundeb recordio. Wedi hyn, perfformiodd Depp gyda'r band Rock City Angels^[12] a chyd-ysgrifennodd eu cân "Mary", a ymddangosodd ar albwm cyntaf Rock City Angels ar gyfer Geffen Records o'r enw Young Man's Blues.

Bywyd personol

Mae'n ef wedi cael perthynas gyda nifer o fenywod enwog, yn cynnwys y model Kate Moss a'r gantores Ffrengig Vanessa Paradis.