Britio (insulo)

Tiu ĉi artikolo traktas la geografian insulon de Granda Britio. Vidu ankaŭ Britio (apartigilo).

Britio, Britujo aŭ granda Britio (angle Great Britain, kimre Prydain Fawr) estas insulo en la okcidenta Eŭropo. Ĝi estas unu el la insuloj de la brita insularo kaj la plej granda insulo en Eŭropo. Ĝi dividiĝas inter la komponantaj landoj Anglio, Skotlando kaj Kimrio. Kune kun Nord-Irlando, Britio estas unu el la du ĉefaj regionoj de la Unuiĝinta Reĝlando.

Britio
Situo ene de la Britaj insuloj
insulo
Akvejo	Atlantiko
Insularo	Britaj Insuloj
Geografia situo	, 2° 25′ U (mapo)53.833333333333-2.4166666666667134553° 50′ N, 2° 25′ U (mapo) f1
DEC
Areo	229 850 km² [1]
Plej alta loko	Ben Nevis 1 345 mf5
Loĝantaro	60 462 600 (2010) 263 loĝ./km²
Ĉefurbo	Londono
Satelita bildo
v • d • r

Pro areo de 229.893 km², Granda Britio estas la oka plej granda insulo en la mondo.

La esprimo Granda Britio foje estas uzata kiel sinonimo por Britio: tiu tamen ne estas preciza. En la mezepoka angla lingvo, estis du lokoj nomataj "Britain" - Britio kaj Bretonio. Oni aldonis la vorton "Great" al la britia nomo por indiki la pli grandan lokon, dum la nomo por Bretonio fariĝis "Brittany" - la sufikso "-y" estis samvalora al la esperanta "-et". Kaj en la franca ili estas "Grande-Bretagne" kaj "Bretagne".

• Plej granda urbo: Londono (7'300 mil).
• Urboj: Birmingamo (2'333 mil), Manĉestro (1'640 mil), Liverpolo (964 mil).
• Loĝantaro: 57'103'927 (2001), inter ili 85% angloj, 10% skotoj, 5% kimroj.
• Parolataj lingvoj: angla, kimra, skota, skota gaela, kornvala (hejma lingvo en 10 familioj), brita gestlingvo.