Fritz Lang

Fritz LANG (naskiĝis la 5-an de decembro, 1890, mortis la 2-an de aŭgusto, 1976) estis germana reĝisoro kaj scenaristo.

Fritz Lang
Persona informo
Fritz Lang
Naskonomo	Friedrich Christian Anton Lang
Naskiĝo	5-an de decembro 1890 (1890-12-05) en Vieno
Morto	2-an de aŭgusto 1976 (1976-08-02) (85-jaraĝa) en Beverly Hills, Kalifornio,  Usono
Tombo	Forest Lawn Memorial Park vd
Religio	kristanismo • judismo vd
Lingvoj	angla • germana vd
Ŝtataneco	Germanio • Usono • Aŭstrio vd
Alma mater	Königliche Kunstgewerbeschule München • Teknika Universitato ĉe Vieno vd
Familio
Edz(in)o	Thea von Harbou • Lily Latté • Lisa Rosenthal vd
Profesio
Okupo	filmreĝisoro • scenaristo • aktoro • filmmuntisto • filmaktoro • filmproduktoro • reĝisoro vd
Aktiva dum	1919–1960 vd
Verkado
Verkoj	Metropolis ❦ M ❦ Der müde Tod ❦ Die Nibelungen ❦ Dr. Mabuse the Gambler vd
Postenoj Postenoj President of the Jury at the Cannes Festival vd
Honorigoj Honorigoj Germana Film-Premio • Oficiro de la Artoj kaj de la Leteroj • Komandora Kruco de la Ordeno de Merito de Federacia Respubliko Germanio • stelo sur la Trotuaro de famo en Holivudo • Karl Troop Cross vd
vd	Fonto: Vikidatumoj
v • d • r

Naskiĝinte en Vieno, li komencis sian filmkarieron en Germanio kaj famiĝis pro ekspresionismaj mutfilmoj, kiuj brilis pro lertaj lumefektoj kaj ofte koŝmaraj kulisoj. Poste Lang lerte eluzis ankaŭ la sonteknikon: Ekzemple en la filmo M – eine Stadt sucht einen Mörder (= M – urbo serĉas murdiston) la murdisto daŭre fajfas la saman melodion.

En la jaro 1933 Fritz Lang elmigris al Usono. Lia filmo Das Testament des Dr. Mabuse (= La testamento de d-ro Mabuse), temanta pri krimeca personeco kies trajtoj parte similis al tiuj de Adolf Hitler, ĵus estis malpermesita en Germanio. En Hollywood Lang povis daŭrigi sian sukcesan filmkarieron. En 1956 li revenis al Germanio, sed la filmoj, kiujn li faris tie, ne plu rikoltis tiel grandan entuziasmon. Fritz Lang mortis en Los-Anĝeleso, Kalifornio.