Interpopola Kompreniĝo
Sub Interpopola Kompreniĝo oni komprenas intense efikantan konversacion inter diversaj popolgrupoj, kulturrondoj aŭ aliaj kompareblaj grandaj grupoj sur ĉiuj kampoj. La celo estas, ke pro la kompreniĝo, renkonto kaj interkultura lernado reduktiĝu la negativaj antaŭjuĝoj kaj limoj inter diversaj grupoj kaj tio ebligu kulturan kaj sciencan interŝanĝon. Tiun ĉi celon alstrebas privataj personoj, asocioj (UEA), ŝtataj kaj internaciaj institucioj (UNESKO).
Ĉar Esperanto estas lingvo artefarite komponita el vortotrezoro de diversaj devenoj kaj per konstruo kiu ne favoras iun ajn lingvon de iu ajn popolo, oni povas konsideri ke, ekde sia kreado, ĝi klopodas kontribui al la Interpopola Kompreniĝo.
Unua eŭropa urbo de la interpopola kompreniĝo
Klostronovburgo, (germane Klosterneuburg) urbokomunumo en Malsupra Aŭstrio, ricevis de la Internacia Societo por Interpopola Kompreniĝo la 21-an de oktobro 1989, kiel unua urbo de Eŭropo, la titolon Urbo de la Interpopola Kompreniĝo.
Post la distingo de la titolo fondiĝis en Klostronovburgo, en la jaro 1990, la Aŭstria Societo por Interpopola Kompreniĝo.
Esterordinara aranĝo okazis la 18-an de januaro 2011 en kiu parolis pri la temo "Interpopola Kompreniĝo en Aŭstrio" la 4 ambasadoroj:
s-ro Hans-Henning Horst Blomeyer-Bartenstein, Germanio,s-ro Alejandro Diaz y Perez Duarte, Meksiko,s-ro d-ro Jan Koukal, Ĉeĥio, (eksurbestro de Prago) kaj sinjoro SHI Mingde, Ĉinio.
Ambasadoro Jan Koukal menciis ke Esperanto estas ankaŭ rimedo por la interpopola kompreniĝo. La diskuton gvidis la prezidanto de la Societo s-ro d-ro Josef Höchtl.
Institucioj
- Brazila Kultura Centro, Brazilo
- Institut Ramon Llull, Katalunio
- Konfucea Instituto, Ĉina Popola Respubliko
- Instituto Caro kaj Cuervo, Kolombio
- Ĉeĥaj Centroj, Ĉeĥio
- Dana Kultura Instituto, Danio (1940–)
- Eŭropa Unio Naciaj Institutoj por Kulturo, Eŭropa Unio
- Alliance Française, Francio
- Institut français, Francio
- Finnaj Kulturaj kaj Akademiaj Institutoj, Finnlando
- Goethe-Institut, Germanio
- Centro por la Greka Lingvo, Grekio
- Helena Fondaĵo por Kulturo, Grekio
- Instituto Balassi, Hungario (1927–)
- Hinda Konsilio por Kulturaj Rilatoj, Barato
- Kulturo Irlando, Irlando
- Istituto Italiano di Cultura, Italio
- Societo Dante Alighieri, Italio
- EMMA por Paco, Italio
- Juda Agentejo por Israelo, Israelo
- Japana Fondumo, Japanio
- Korea Amikeca Asocio, Nord-Koreio
- Sentro Rizal, Filipinoj
- Instituto Adam Mickiewicz, Pollando
- Pola Instituto, Pollando
- Instituto Camões, Portugalio
- Rumana Kultura Instituto, Rumanio
- Russkij Mir (fondaĵo), Rusio
- Korea Kultura Centro, Sud-Koreio
- Korea Fondaĵo, Sud-Koreio
- Instituto Cervantes, Hispanio
- Sveda Instituto, Svedio
- Ukraina Instituto, Ukrainio
- British Council, Unuiĝinta Reĝlando (1934–)
- Agentejo de Edukaj kaj Kulturaj Aferoj, Usono
- United States Information Agency, Usono (1953-99)
- Instituto Yunus Emre, Turkio
Galerio
Afiŝo de Aŭstria Societo por Interpopola Kompreniĝo
SHI, KOUKAL, HÖCHTL, BARTENSTEIN, DUARTE (de maldekstre)
Prezidanto prof. d-ro Josef HÖCHTL manpremas je la fino de la aranĝo
