Konflikto de la Gazaa Sektoro (2008-2009)

Temas pri la atako kun plej alta nombro de mortintoj de la arabisraela konflikto dum la lastaj kvardek jaroj,^[5][11] ĝis nun 13 israelaj mortintoj, el ili dek soldatoj kaj tri civiluloj; palestinaj kuracistoj informas pri pli da 1100 palestinaj mortintoj,^[12][13][14] ĉirkaŭ duono civiluloj, laŭ la informoj de la urĝoservoj de la Gazaa Sektoro.^{[15][16][17][18][19]} Same, Unuiĝintaj Nacioj ĉirkaŭkalkulas, ke almenaŭ 257 de la palestinaj mortintoj estas geinfanoj.^[20] Pro la granda nombro de gravaj vunditoj kaj detruitaj konstruaĵoj, la nombro de mortintoj estas provizora kaj eble pliiĝos dum la daŭro de la operaco.

Je la 15-a de januaro ankoraŭ pluis la Konflikto de la Gazaa Sektoro (2008-2009) en kiu la armeo de Israelo jam kaŭzis pli da 1,000 mortintojn (inter ili ĉirkaŭ la duono civiluloj, el ili ĉirkaŭ 100 virinoj kaj pli da 300 geinfanoj), dum la milicarmeo de Hamas kaŭzis inter israelanoj 13 mortintoj (inter ili 3 civiluloj). Krome la israleanoj bombardis, krom siajn militajn celojn, ejojn de kuracistoj, ĵurnalistoj, rifuĝintoj kaj manĝomagazenon.

La 19-an de januaro komencis militpaŭzo en la Konflikto. Unue la registaro de Israelo kaj poste Hamas proklamis militpaŭzon, kvankam kelkaj izolitaj konfliktoj pludaŭris. La rezulto estas pli da 1,300 mortintoj inter palestinanoj (duono civiluloj, ĉefe virinoj kaj geinfanoj) kaj 13 inter israelanoj (el ili 3 civiluloj). Oni supozas, ke la internacia komunumo helpos en la kontrolo de la landlimoj kun Egipto por eviti paso de armiloj al palestinaj organizaĵoj. Oni supozas, ankaŭ ke la nombro de palestinaj mortintoj estos bedaŭrinde multe pli alta ĉar aperos pliaj sub la ruinoj de konstruaĵoj detruitaj, disvolviĝos malsanoj kaj hospitaloj ne povos zorgi pri tiom da vunditoj.^[21]

Hamas

Hamas (prononce [hamAs]) estas islamisma palestina organizaĵo kies celo estas starigo de Islama Ŝtato en Palestino historie konsiderata, tio estas, en la aktualaj Israelo kaj Palestinaj Teritorioj. Pro tio, Hamas dekomence agnoskis nek la Israelan Ŝtaton nek ties rajton ekzisti. Ĝia organizo estas komplika, kaj ene de si enhavas kaj bonfarajn organizaĵojn, kiuj zorgas pri la plej bezonantajn palestinojn, ĝis la Rotoj Izz-al-din al-Qassam, la armita branĉo de la organizaĵo, kiuj atencis ofte kontraŭ la civila israela populacio kaj kiu lanĉis raketojn kontraŭ najbaraj regionoj de Israelo.

Hamas havas ankaŭ politikan branĉon, kiu venkis en la lastaj balotadoj de Palestino de 2006 per absoluta majoritato. Post tiu balotado, Hamas, ĝis tiam konsiderata kiel terorista organizaĵo de Israelo, Usono,^[22] kaj ties aliancanoj, de la Eŭropa Unio,^[23] Japanio,^[24] Kanado^[25] kaj Aŭstralio,^[26] estis malakceptita kiel registara organizaĵo, post kio ekis frata lukto inter Al Fatah kaj la organizaĵo islamisma, kio finis per la forpelo de la membroj de Al Fatah de la Gazaa Sektoro, kaj la absoluta ekkontrolo de la Sektoro fare de Hamas. La registaro de Ismail Haniye ekadministris fakte la Sektoron, kreante siajn proprajn ministeriojn kaj sian propran policon en la ĉefaj kvartaloj kaj vilaĝoj de la marborda regiono. Gazao kaj Cisjordanio ekadministriĝis de diferencaj registaroj, de Hamas tiu de la Sektoro, kaj de Al Fatah tiu de Cisjordanio.

Por malfortigi la Hamas-registaron, Israelo enkondukis fortan blokadon, faris "dieto"n por la Hamas-gvidata sektoro per malfaciligo de provizado de la Gaza-anoj. Celo estis kolerigi la loĝantojn kontraŭ la registaro kaj tiel pace ŝanĝi la registaron favore al Fatah.

Lanĉado de pafaĵoj

La israela registaro asertis, ke la lanĉado de Kassam-raketoj fare de Hamas kaj aliaj palestinaj organizaĵoj kontraŭ la sudo de Israelo estis la ĉefa kaŭzo por lanĉi atakon kontraŭ la Gazaa Sektoro.^[11] La Kassam-raketo estas simplaj raketoj el stalo, kun malpli detrupovo kaj certeco ol aliaj raketoj kiel la Katjuŝa, konataj ĉar ili estis uzataj de Hizbulaho dum la Israela-Libana konflikto de 2006. Laŭ la Ministerio de Eksterlandaj Aferoj de Israelo, la Kassam-raketoj mortigis 16 personojn ekde junio de 2004.^[27] Tamen se oni konsideras, la malproporcio de la nombro de tiuj viktimoj antaŭ la suba tabelo de mortintoj, oni povas kompreni, ke la ŝtato de Israelo tute ne priokupiĝas pri la mortintoj almenaŭ de la najbara teritorio (ĉirkaŭ 100 mortintoj po 1) kaj ke alia pli certa kialo de la atako povus esti la neceso finigi la povon de islamisma partio (demokratie elektita) en tiu teritorio.

En Israelo, la lanĉo de raketoj kontraŭ la sudo de ĝia teritorio estas temo pri kiu la socio troviĝas konscia. Ekde januaro de 2008 ĝis la komenco de la bombardado, ĉirkaŭ 3.000 raketoj lanĉitaj ekde la Gazaa Sektoro falis en israelan teritorion. Tiuj lanĉoj kaŭzis la morton de kvar personoj kaj ĉirkaŭ 270 vunditojn. La plej afektataj urboj estas la plej proksimaj al la Gazaa Sektoro, ĉefe Sderot kaj Aŝkelon, krom Aŝdod kaj Netivot.^[28]

La unua klara sekvo estas, ke la tuta sektoro estis detruita de la bombardado kaj mortis multaj palestinanoj, ĉefe civiluloj, inter ili geinfanoj kaj virinoj. Krome la vivkondiĉoj malpliboniĝis ĝis la fakto, ke multaj vunditoj mortis en hospitaloj kaj simile aliaj personoj malfortigitaj pro la atako mortis. Ekde la politika vidpunkto Hamas plibonigis sian imagon ene de Palestino kaj ĉefe eksterlande ĉar estis ĉefa viktimo de la atako, tute kontraŭleĝe ĉar la israela armeo malobeis multajn internaciajn militregulojn. Krome ekis nova konflikto inter la palestinanoj sekvantoj de Hamas kaj tiuj sekvantoj de Fatah: laŭ informo en multaj eŭropaj amaskomunikiloj, membroj de Fatah komunikis per poŝtelefono al israela armeo la situon de diversaj gravuloj de Hamas kaj tre verŝajne pro tio multaj estis atingitaj de la israela bombardado. Sekve multaj sekvantoj de Fatah ĉu kulpuloj ĉu nekulpuloj estis arestitaj de la milicoj de Hamas kaj kelkaj eĉ ekzekutitaj dum la bombardado. Laŭ nepruvita informo dum tiu konflikto Fatah havis preparitan armeeton por ekkontroli la Sektoron kaze de malvenko de Hamas.^[29]

Mortintoj