Sahival

• areo: 58,27 km²
• supermara alteco: 152 m
• loĝantaro: 389,605 (2017 [1])
• horzono: UTC+ 5 (PKT)
• poŝtkodo: 57000 – 57490
• telefonkodo: (+92) 040

Sahival situas sur vasta ebenaĵo de Induso. Fajsalabado troviĝas 83, Lahoro 155, Multano 166, Rawalpindi 327, Islamabado 340, Peŝavaro 400, Sukur 528, Kveta 585, Hajderabado 749, Karaĉio 881 kilometrojn (aere) [2].

En la apudaĵo la loĝantaro akceptis la islamon pro misiistoj. Post disfalo de la Mogola Imperio la sikoj prenis kontrolon ankaŭ tie ĉi, ekde 1849 la britoj. En tiu loko estis nur malgranda vilaĝo, sed en 1865 la ĉefa arteria fervoja linio ekfunkciis inter Karaĉio-Lahoro. Ĉi tie la haltejo estis nomita pri brita estro Robert Montgomery. Poste, la jam urbeto fariĝis la ĉefurbo de la Distrikto Montgomery. En 1857 la urbeto aliĝis al ribelo de sipojoj, sed fine la britoj venkis. La britaj soldatoj tiam kaŭzis severajn punojn al la ribelantoj. En 1867 Montgomery ricevis municipan statuson. La loknomo iĝis Sahival ekde 1969, kiu estas indiĝena familia nomo.

En Sahival oni parolas plejparte panĝabe.

En Sahival pluraj altlernejoj funkcias, kiel filioj de universitato.

Sahival estas grava kotona centro kun produktadoj kaj tekstilaĵoj, ledoj kaj tapiŝoj. Aliaj manufakturoj produktas manĝaĵojn, laktaĵojn, oleojn por kuiro kaj farmaciaĵojn eĉ elektrajn maŝinojn. La agrikulturo estas grava al la loka ekonomio, precipe la kotonoj bredado de grenoj. La ĉefkultivaĵoj de la distrikto estas tritikoj, kotonoj, sukerkanoj, maizoj kaj rizoj, citrusoj, tabakoj, terpomoj helpe de irigaciaj kanaloj.

Sahival situas en duonarida klimato laŭ klimata klasifiko de Köppen kun influo de musono. La temperaturo somere estas ofte 45 °C, sed vintre tio falas preskaŭ al frostopunkto. La averaĝa jara precipitaĵo nesufiĉas por la agrikulturo.

Sahival kuŝas laŭ ĉefvojo kaj fervoja linio inter Lahoro kaj Multano.

• ĉirkaŭaĵo de Sahival havas arkeologiaĵojn pri la civilizacio de Induso antaŭ Kristo 3 mil.

Rochdale, Anglio

• WikiTrans
• [3]