Kieveko Mamua
Kieveko Mamua (ukraineraz: Привид Києва)[1] MiG-29 Fulcrum bat daraman baieztatu gabeko aparteko hegazkin-pilotu bati eman zaion ezizena da, 2022ko otsailaren 24an Kieveko erasoaldian sei hegazkin errusiar eraitsi izana egozten zaiona.[1][2] Kieveko Mamua, ziur aski, hiri-legenda bat da, Ukrainako biztanleentzako moral-injekzio handi bat bezala sortua.[3]
| Kieveko Mamua | |
|---|---|
 | |
| Bizitza | |
| Jarduerak | |
| Jarduerak | gerra-pilotua |
| Zerbitzu militarra | |
| Adar militarra | Ukrainako Aire Indarrak Aireko indar |
| Parte hartutako gatazkak | Errusia-Ukraina gerra (2022) Kieveko gudua Kieveko erasoaldia |
Historia
Sare sozialetan, Ukrainan zeuden borroka-egazkinen bideoak zabaltzen hasi ziren Errusiaren inbasioaren lehen egunean, 2022ko otsailean, non esaten zen pilotu bakar batek hainbat hegazkin errusiar eraitsi zituela.[4] Bideo horietan, ustezko MiG-29 baten pilotu batek, "Kieveko Mamua" ezizenez ezagutzen dena, ustez sei aire-borroka irabazi zituen Kieveko zeruan, inbasioaren lehen 30 orduetan; informazioaren arabera, sei hegazkin horiek bi Su-35, bi Su-25, Su-27 bat eta G-29 bat dira.[5][6][7] Kieveko Mamua existitzekotan, XXI. mendean erregistratutako lehen aparteko pilotua izango litzateke, bai eta Aparta Egun Batean ere.[8]
Ukrainako Defentsa Ministerioak dioenez, eraistea baieztatzen bada, Kieveko Mamua Errusiaren inbasioaren hasieran Ukrainako Indar Armatuetara berehala itzuli ziren erreserba militarreko dozenaka pilotu esperientziadunetako bat izan daitekeela.[9] Txio batean, Kieveko Mamua "airearen mendekatzaile" gisa aipatu zuen Ministerioak ere.[10] Gainera, Ukrainako Komandanteburu den Valerii Zaluzhnii-k esan zuen Ukrainako borroken lehen egunean eraitsitako sei hegazkin errusiar baino ezin zituela baieztatu, nahiz eta gehiago izan zitezkeen.[2]
Ukrainako agintari ofizialek eta komunikabideek ez dute modu independentean egiaztatu Kieveko Mamuaren existentzia, baina Petro Poroxenko-k, Ukrainako Presidente-ohiak, txio baten bidez argitaratu zuen borroka-pilotu baten argazkia, esanez argazki horretako soldadua Kieveko Mamua zela; beraz, Poroxenkoren arabera, benetako pilotua.[11][12]
Morala
Kieveko Mamua errefortzu moral gisa egiaztatu dute ukrainarrek, 2022ko Ukrainako inbasio errusiarraren aurrean baikortasuna indartzeko.[13][14] Hiri-legenda hau ez da, seguruenik, nahita egindako sorkuntza bat, baizik eta ukrainarrek sare sozialetan partekatzen dituzten istorioetan sortua, Ukrainako komunikabideen kontu ofizialek pilotuari eguneratze erregularra eman aurretik hasitakoa.[15]
Ordenagailu bidez sortutako dogfight-borroka baten bideoa 2013ko Digital Combat Simulator bideojokoa erabiliz egin zen ere, YouTubeko erabiltzaile batek kargatuta. Erabiltzaileak, halere, argi eta garbi adierazi zuen deskribapenean bideoa ez zela benetakoa, eta Kieveko Mamuaren omenaldia besterik ez zela, hau benetakoa edo faltsua izan, Ukrainako indarrek borrokatzen jarraitzeko helburuarekin. Ukrainako Indar Armatuen Twitter-kontu ofizialak ere partekatu zuen bideoa.[16] Orduan, bideoa Twitterrera igo eta zabaldu zen bertan, Snopes-ek fingidatuta zegoela argitu zuen arte.[17][18]
Task & Purposek argudiatu zuenez, nahiz eta oso zaila izan aipatutako sei aire-eraisteak egiazkoak izatea, XXI. mendean horrek zuen bitxitasunagatik eta Ukrainaren misilen-aurkako defentsa sendoagatik, Kieveko Mamua ukrainarren izpiritua bezain "erreala" zen. The Aviationisteko Tom Demerly-k argudiatu zuen Kieveko Mamua "gerraren kaosak anplifikatutako distortsio arraroen adibide bat" dela.[19] Kieveko Mamua bezala, 2022ko otsailaren 26an Ukrainako Lehorreko Indarren soldadu bati buruzko informazioa agertu zen sare sozialetan, "Ukrainako Herioa" ezizenaz ezaguna, ustez, hogei soldadu errusiar baino gehiago akatu zituena.[20]
Erreferentziak
Kanpo estekak
Datuak: Q111015917
Multimedia: Ghost of Kyiv / Q111015917
