Douwe Hoogland
Douwe Hoogland (Bartlehiem, 3 maart 1952), is in Frysk PvdA-politikus út Aldtsjerk.
| Douwe Hoogland | ||
 politikus | ||
| nasjonaliteit |  Nederlânsk | |
| bertedatum | 3 maart 1952 | |
| berteplak | Bartlehiem (Fryslân) | |
| etnisiteit |  Frysk | |
| partij | PvdA | |
| deputearre fan Fryslân | ||
| amtsperioade | 2019 – .... | |
| lid fan de Provinsjale Steaten fan Fryslân | ||
| amtsperioade | 2011 - 2019 | |
| algemien bestjoerslid fan Wetterskip Fryslân | ||
| amtsperioade | 2003 – 2007 | |
| offisjele webside | ||
| Douwe Hoogland op Twitter | ||
Biografy
Hoogland hat sa’n fjirtich jier feehâlder west yn Wyns, dêr't er de helte fan - nei eigen sizzen - biologysk buorke. Hy wie njoggen jier lang foarsitter fan de agraryske natuerferiening Noardlike Fryske Wâlden. Dêrnjonken hat er yn it bestjoer sitten fan lânbou-organisaasje LTO Noard en siet er fjouwer jier yn it algemien bestjoer fan Wetterskip Fryslân. Hoogland is ek aktyf lid fan de Protestanske Gemeente Trynwâlden.[1]
Politike karriêre
Yn 2010 hold er op as feehâlder. In jier letter waard er foar de PvdA ferkeazen yn Provinsjale Steaten.
Yn de perioade 2015 oant en mei 2019 siet Hoogland ek yn de Steaten. Hy wie doe boppedat fise-foarsitter, de earste ferfanger fan de kommissaris fan de Kening.
Hoogland as deputearre
Nei de provinsjale ferkiezingen fan 2019 waard de PvdA ien fan de koälysjepartijen, mei CDA, FNP en VVD. Nei in perioade sûnder deputearre mocht de PvdA no dus wer in deputearre ôfleverje. Dat waard net Marijke Roskam, dy't listlûker wie by de ferkiezingen, mar Hoogland.
Hy hat yn ûnder oare natuer en miljeu yn ‘e portefúlje, lykas de mynbou, sûnens en feilichheid.
Keppelings om utens
- Douwe Hoogland (PvdA), profyl by de provinsje Fryslân
| Boarnen, noaten en/as referinsjes: |
