Baekhyun
Byun Baek-hyun, nado en Bucheon, Corea do Sur, o 6 de maio de 1992, máis coñecido coma Baekhyun (백현), é un cantante, bailarín e actor surcoreano. Debutou en 2012 no grupo surcoreano EXO, dentro da subunidade EXO-K xunto a outros 5 membros e máis tarde en EXO-CBX, xunto a Chen e Xiumin. Tamén é o líder do grupo colaboración SuperM. [1]
  | |
| Biografía | |
|---|---|
| Nacemento | (ko) 변백현 6 de maio de 1992 (31 anos)Wonmi-gu, Corea do Sur (en)  |
| Datos persoais | |
| País de nacionalidade | Corea do Sur |
| Educación | Universidade Kyung Hee (pt) |
| Altura | 1,74 m |
| Actividade | |
| Ocupación | cantante , actor de televisión , cantautor , compositor de cancións , bailarín , modelo , deseñador de moda , actor , artista discográfico |
| Período de actividade | 2012 - |
| Membro de | |
| Xénero artístico | K-pop, R&B contemporâneo (pt) , música pop, balada e sentimental ballad (en) |
| Lingua | Lingua coreana e lingua xaponesa |
| Tesitura | Tenor |
| Instrumento | Voz |
| Selo discográfico | SM Entertainment Avex trax Capitol Records |
| Páxina web | baekhyun.smtown.com |
        | |
Tras participar co seu grupo de xeito activo, Baekhyun debutou coma artista en solitario co lanzamento do miniálbum City Lights (2019). O EP foi un éxito comercial, vendendo un total de máis de medio millón de copias e converténdose no álbum dun artista surcoreano máis vendido na década de 2010. Delight (2020), foi o seu segundo EP, co que vendeu máis dun millón de copias, converténdose no primeiro disco dun solista surcoreano en facelo en 19 anos. En abril de 2021 repetiu o seu logro con Bambi, vendendo máis dun millón de copias por segunda vez consecutiva.[2] Foi catalogado coma o «Ídolo xenio». [3]
Primeiros anos
Naceu o 6 de maio de 1992 en Bucheon, Provincia de Gyeonggi, sete anos despois do seu irmán maior Byun Baek-Beom.[4] Collendo insipración do cantante Rain, Baekhyun comezou a súa traxectoria ata converterse en cantante á idade de once anos, cando comezou o seu adestramento.[5] Durante o seu tempo na Escola Secundaria de Jungwon na súa cidade natal, Baekhyun destacouse como o vocalista dunha banda, que gañou un festival musical local. Ademais, recibiu clases de piano impartidas por Kim Hyun-woo de DickPunks.[6] Ademais das súas actividades musicais, durante a súa mocidade, Baekhyun tamén se adestrou en artes marciais e logrou alcanzar o grao de cinto negro en hapkido.[7]
Mentres preparaba o exame de ingreso á Escola de Artes de Seúl, foi captado por un axente da compañía SM Entertainment. Posteriormente, en 2011, ingresou á compañía mediante o SM Casting System.
Carreira
2012-2017: Debut e inicio da carreira
O 30 de xaneiro de 2012, Baekhyun foi revelado oficialmente coma membro do grupo EXO.[8] O grupo debutou en abril de 2012 e dende entón gañou unha significativa popularidade e un marcado éxito comercial.
En abril de 2015, Baekhyun lanzou a súa primeira canción en solitario, «Beautiful», parte da banda sonora do drama do seu grupo EXO Next Door. Foi a primeira banda sonora dun web drama en alcanzar posicións destacadas en varias listas musicais.[9] En maio do mesmo ano, revelouse que Baekhyun sería o protagonista da película Dokgo, compartindo pantalla co actor Yeo Jin-goo.[10] De todas formas, a produción de dita película foi cancelada en xaneiro de 2016.[11] En decembro, Baekhyun rendeu unha homenaxe ao defunto cantante Kim Hyun-sik ao interpretar a súa canción «Like Rain Like Music» no programa musical SBS Gayo Daejeon. A actuación foi tan apreciada que posteriormente a súa versión publicouse de xeito dixital. [12]
En xaneiro de 2016, Baekhyun e Suzy lanzaron un dueto titulado «Dream». A canción rapidamente converteuse nun éxito comercial, alcanzando o primeiro lugar no Gaon Dixital Chart.[13][14] Ademais do seu éxito nas listas, tamén logrou cinco vitorias en Music Bank e Inkigayo. En abril, Baekhyun foi galardoado co premio chinés YinYueTai V-Chart, sendo recoñecido coma o cantante máis popular de Corea do Sur. En maio, Baekhyun e K.Will lanzaron un dueto titulado «The Day» como parte do proxecto "SM Station".[15] En agosto, debutou coma actor de televisión no drama Moon Lovers: Scarlet Heart Ryeo, que lle valeu un premio nos SBS Drama Awards.[16] Tamén participou nunha colaboración cos seus compañeiros de grupo Chen e Xiumin, «For You», para o mesmo drama.[17] En outubro, Baekhyun, xunto cos seus compañeiros mencionados anteriormente, formaron a subunidade EXO-CBX. O seu debut tivo lugar o día 31 de outubro co lanzamento do miniálbum titulado Hey Mama.[18] En novembro, Baekhyun participou nun torneo do videoxogo League of Legends, o 2016 SM Super Celeb League, organizado pola súa compañía. Neste torneo, el e o seu compañeiro de empresa, Heechul, competiron xunto a xogadores profesionais e fanáticos de Corea do Sur e China. [19]
En febreiro de 2017, Baekhyun e Soyou realizaron un dueto titulado Rain.[20] A canción alcanzou o primeiro lugar en varias listas musicais e conseguiu o denominado all-kill, convertendo a Baekhyun no primeiro artista da súa empresa en acadar este logro. Ademais, en abril, Baekhyun lanzou un sinxelo titulado «Take You Home» para a segunda tempada de SM Station.[21] A canción acadou o posto número dezanove no Gaon Dixital Chart.
2018-2021: Debut coma solista e SuperM
O 5 de febreiro de 2018, Baekhyun interpretou o Himno Nacional de Corea do Sur durante a cerimonia de apertura da 132ª Sesión do Comité Olímpico Internacional. Neste evento, presentouse frente a Moon Jae-in, o expresidente de Corea do Sur, e Lee Hee-beom, presidente do Comité Organizador dos Xogos Olímpicos de Pyeongchang 2018.[22] En agosto de 2018, colaborou co rapeiro Loco para lanzar o título «Young» como parte do proxecto SM Station X 0.[23] O dueto acadou o cuarto posto da lista World Digital Song Sales.[24]
.jpg)
O 10 de xuño de 2019, anunciouse que Baekhyun debutaría coma solista en xullo, converténdose no terceiro integrante de EXO en facelo.[25] Revelouse que o cantante debutaría cun EP titulado City Lights, lanzado o 10 de xullo. O EP converteuse no álbum máis vendido de xullo de 2019 na lista de álbums de Gaon, cun total de 508,321 copias. Eventualmente, o disco vendeu máis de 576,029 copias, converténdose no álbum solista máis vendido en Corea do Sur desde Hestory (2003) de Kim Gun-mo, ata que rompeu o seu propio récord co miniálbum Delight ao ano seguinte. O 7 de agosto, confirmouse a participación de Baekhyun coma membro de SuperM, un «supergrupo de K-pop» formado por SM Entertainment en colaboración con Capitol Records.[26] As promocións do grupo comezaron en outubro, dirixidas principalmente ao mercado estadounidense.[27] O 4 de decembro, Baekhyun recibiu o premio ao mellor artista masculino nos Mnet Asian Music Awards en recoñecemento ao éxito do seu álbum City Lights e o seu sinxelo «UN Village».[28]
Baekhyun lanzou a canción "My Love", para a banda sonora do drama Dr. Romantic 2, o 7 de xaneiro de 2020.[29] Ao mes seguinte colaborou na banda sonora de Hyena, coa canción "On the Road", lanzada oficialmente o 29 de febreiro, a través de Danal Entertainment.[30] O 22 de abril de 2020, anunciouse que Baekhyun regresaría en solitario co seu segundo mini álbum a finais de maio.[31] O 7 de maio lanzouse a canción "Leo" de Bolbbalgan4, na que Baekhyun participou coma artista convidado.[32] O 25 de maio, Baekhyun lanzou Delight, xunto co sinxelo " Candy ". O EP obtivo máis de 732.000 copias anticipadas, polo que se converteu no álbum máis esperado dun artista en solitario na historia de Corea do Sur.[33] O 1 de xullo, anunciouse que o álbum vendera máis dun millón de copias, polo que acadou o logro de ser o primeiro álbum dun solista surcoreano en facelo dende Another Days (2001) de Kim Gun-mo.[34] Nese mesmo mes, lanzou unha versión da canción da cantante BoA "Garden in the Air" como parte dun proxecto para celebrar o vixésimo aniversario da cantante.[35] Máis tarde, en 2020, lanzou dúas bandas sonoras, "Every Second" para Record of Youth e "Happy" para Do You Like Brahms? . O 6 de decembro, Baekhyun obtivo o premio "Mellor artista masculino" nos Mnet Asian Music Awards por segundo ano consecutivo.[36] Máis tarde, en decembro, lanzou un sinxelo dixital titulado "Amusement Park". [37]
O 3 de xaneiro de 2021, Baekhyun realizou o seu primeiro concerto en solitario, Baekhyun: Light, transmitido dixitalmente a través de Beyond Live debido a restriccións relacionadas coa pandemia de COVID-19. O concerto contou con 110.000 espectadores de 120 países diferentes.[38] Un día máis tarde, lanzou "Get You Alone", o sencillo principal do seu EP debut xaponés. O disco obtivo unha certificación de ouro por parte da Recording Industry Association of Japan.[39] O 30 de marzo do mesmo ano, o cantante lanzou o seu terceiro EP en coreano, Bambi.[40]
2023-presente: Demanda a SM Entertainment
O 1 de xuño, anunciouse que Baekhyun xunto a Chen e Xiumin, aunlarían os seus contratos con SM para máis tarde presentar unha demanda en relación coa transparencia de ingresos.[41] En resposta, SM confirmou que os tres integrantes estaban estudando a forma de seguir promocionándose coma mebros de EXO tras os resultados da demanda.[42] O 19 de xuño, anunciouse que o conflito se resolveu e os tres seguirían formando parte da axencia.[43]
Moda e anuncios
En maio de 2018, Vogue revelou que Baekhyun colaboraría con Privé para lanzar a súa propia marca denominada Privé by BBH. Baekhyun agora é o director cocreativo da marca.[44] Nunha entrevista con Forbes, Baekhyun explicou que o seu obxectivo é alentar ás persoas a abrazar a valentía.[45]
En setembro de 2020, foi anunciado coma embaixador da marca Burberry. Ademais, logrou converterse no primeiro artista masculino de K-Pop en lograr a aparición en solitario na revista Harper's Bazaar Korea, na edición de outubro.[46] Tamén logrou converterse en embaixador da marca Life Pharm.[47]
Vida persoal
En xuño de 2014, SM Entertainment confirmou a relación sentimental entre Baekhyun e Taeyeon de Girls' Generation.[48] En setembro de 2015, a axencia confirmou a súa ruptura.[49]
Discografía
EP
- 2019: City Lights
- 2020: Delight
- 2021: Baekhyun
- 2021: Bambi