Caderno de campo

Os cadernos de campo son normalmente blocks de notas no que os investigadores debuxan e anotan as súas observacións. Esta ferramenta de investigación é xeralmente usada por biólogos, xeólogos, ambientólogos, xeógrafos, paleontólogos, arqueólogos, antropólogos (etnógrafos), Traballadores Sociais e sociólogos.

Tras servir para a elaboración de investigacións, os cadernos de campo transfórmanse en documentos, xeralmente presentes nos arquivos persoais dos académicos e, dependendo do valor histórico das súas obras, poden pasar a integrar arquivos públicos.

• 
  Estudos de embrións (1510–1513) nos que Leonardo da Vinci recolle as súas observacións
• 
  Anotacións xeolóxicas nun caderno de campo.
• 
  Páxina do cadeno de campo de Robert Henry Gibbs
• 
  Caderno do xeólogo Samuel Ward Loper, 1901
• 
  Folla de caderno feita a base de esbozos. Os pormenores anatómicos foron engadidos como etiquetas
• 
  Esbozo dunha árbore evolutiva na páxina 36 do "diario B" de Charles Darwin

Os cadernos tamén son usados para facer bosquexos de debuxo, xeralmente a man alzada. En ocasións a liña entre caderno de campo, caderno de artista e caderno de laboratorio e mesmo caderno de bitácora é difusa. Algúns exemplos de autores relvantes son:

• Os debuxos realizados polo sueco Sven Hedin nas súas viaxes por Asia.
• O alemán Wilhelm Filchner nas súas viaxes por Asia e Antártida.
• O español Julio Caro Baroja nas súas viaxes por España e norte de África.
• Os cadernos de Charles Darwin nas súas viaxes polo mundo.
• A bitácora de viaje e de apuntamentos científicos de Rosamund Georgina Lloyd e o seu esposo químico e botánico Thomas Taylor.
• Os múltiples cadernos de Leonardo da Vinci, cinco deles conservados no Victoria and Albert Museum (V&A) en Londres.
• Os traballos de Alfonso Rodríguez Castelao sobre as cruces de pedra na Bretaña e na Galiza.
• O volume sobre cultura material de Xaquín Lorenzo na obra Historia de Galiza baixo a dirección de Ramón Otero Pedrayo.

Bibliografía

• Caro Baroja, Julio (1979). Cuadernos de Campo. Madrid.
• Filchner, Wilhem (1922). Zum sechsten Erdteil. Berlín.
• Hedin, Sven (1965). Mein Leben als Zeichner. Wiesbaden.
• Cadernos de Leonardo da Vinci, expostos no Victoria and Albert Museum (V&A) en Londres.

Outros artigos

• Investigación
• Traballo de campo
• As cruces de pedra na Bretaña

Ligazóns externas

• Base de datos on-line sobre cadernos de Charles Darwin
• Traballo de campo sobre a danza vasca