Ceto

Na mitoloxía grega, Ceto (en grego Κητώ Kētō, 'peixe grande' e en particular 'balea', de aí «cetáceo») era un espantoso monstro acuático, filla de Gaia e Ponto.

Era a personificación dos perigos do mar, os terrores descoñecidos e as criaturas estrañas. A palabra «ceto» terminou sendo unha abreviatura para calquera monstro mariño, e segue usándose así.

O seu marido foi Forcis e con el tivo moitos fillos, coñecidos colectivamente como Fórcides.

Na arte grega era representada como un peixe con forma de serpe. Ceto tamén deu nome á constelación Cetus.