Comac C919
O Comac C919 é un avión de pasaxeiros de fuselaxe estreita desenvolvido polo fabricante chinés Comac. O programa lanzouse no ano 2008 e a fabricación do prototipo comezou en decembro de 2011. Presentouse o 2 de novembro de 2015 e o seu primeiro voo foi o 5 de maio de 2017. A entrada en servizo do C919 foi no 2023 con China Eastern Airlines. O avión, principalmente construído con aliaxes de aluminio, é impulsado tanto por motores turboventilador CFM International LEAP como por ACAE CJ-1000A, e pode transportar entre 156 e 168 pasaxeiros nunha configuración normal ata os 5 555 km. Vai competir principalmente co Boeing 737 MAX e co Airbus A320neo. En febreiro de 2018 Comac tiña 815 pedidos, principalmente de compañías de arrendamento e aeroliñas chinesas.
| Comac C919 | |
|---|---|
 Primeiro voo do prototipo | |
| Tipo | Pasaxeiros de fuselaxe estreita |
| Fabricante | Comac |
| Primeiro voo | 5 de maio de 2017[1] |
| Estado | 2 en servizo activo |
| Unidades construídas | 10, 2 en servizo |
Actualmente, o avión é usado soamente polo China Eastern Airlines.
Especificacións
| Tripulación: 2 en cockpit| Pasaxeiros: 150-180| Motores : 2 turboventiladores
Operadores
Actualmente, 2 avións están sendo usados pola China Eastern Airlines, con 815 pedidos.