Comité do Patrimonio da Humanidade
O Comité do Patrimonio da Humanidade é o organismo encargado de escoller os sitios para ser listados como Patrimonio da Humanidade da UNESCO, incluídas a Lista do Patrimonio Mundial e a Lista do Patrimonio Mundial en Perigo. O comité define o uso do Fondo do Patrimonio Mundial e asigna asistencia financeira a petición dos estados membros.[1] Está formado por representantes de 21 estados membros[2][1] que son elixidos pola Asemblea Xeral dos Estados Membros para un mandato de catro anos.[3] Estes membros votan nas decisións e propostas relacionadas coa Convención do Patrimonio da Humanidade e a Lista do Patrimonio Mundial.
| Comité do Patrimonio da Humanidade | |
|---|---|
 | |
 | |
 | |
| Tipo | painel |
| Data de fundación | 1977 |
| Na rede | |
| https://whc.unesco.org/fr/comite/ | |
| [ editar datos en Wikidata ] | |
Segundo a Convención do Patrimonio Mundial, o mandato dun membro dun comité é de seis anos. Porén, moitos estados membros optan por limitar voluntariamente o seu mandato a catro anos, co fin de darlle a outros estados a oportunidade de servir.[3] Todos os membros elixidos na XV Asemblea Xeral (2005) optaron voluntariamente por reducir o seu mandato de seis a catro anos.[3]
As deliberacións do Comité do Patrimonio Mundial contan coa axuda de tres órganos consultivos, a UICN, o ICOMOS e o ICCROM.[4][5]
Notas
Véxase tamén
Ligazóns externas
- UNESCO World Heritage portal – páxina oficial (en inglés), (en francés)
- The World Heritage List – lista oficial de todas as propiedades inscritas (en inglés)