Goosebumps (filme)

Goosebumps é un filme estadounidense de 2015 escrito por Darren Lemke e dirixido por Rob Letterman. Baséase na serie de libros de terror infantil escritos por R. L. Stine, e conta a historia dun adolescente que tenta salvar a súa vila coa axuda de Stine logo de que tódolos monstros da franquía Goosebumps escaparan dos libros. Está protagonizado por Jack Black, Dylan Minnette, Odeya Rush, Amy Ryan, Ryan Lee e Jillian Bell.

Goosebumps
Logo do filme.
Ficha técnica
Título orixinal	Goosebumps
Director	Rob Letterman
Produtor	Deborah Forte Neal H. Moritz
Guión	Darren Lemke
Baseado en	Goosebumps de R. L. Stine
Intérpretes	Jack Black Dylan Minnette Odeya Rush Amy Ryan Ryan Lee Jillian Bell
Música	Danny Elfman
Fotografía	Javier Aguirresarobe
Montaxe	Jim May
Estudio	Columbia Pictures Sony Pictures Animation[1] LStar Capital[1] Village Roadshow Pictures[1] Original Film[1] Scholastic Entertainment[1]
Distribuidora	Sony Pictures Releasing
Estrea	CineEurope: 24 de xuño de 2015 16 de outubro de 2015[2]
Duración	103 minutos[3]
Orixe	Estados Unidos
Xénero	Aventuras
Orzamento	58–84 millóns de dólares[4][5]
Recadación	158,3 millóns de dólares[5]
Filme seguinte	Goosebumps 2: Haunted Halloween
Na rede
http://www.goosebumps-movie.com/

O desenvolvemento dun filme de Goosebumps comezou en 1998, con Tim Burton como director. Logo de non conseguir determinar cal libro debía ser adaptado, o proxecto foi detido. A comezos de 2008, Columbia Pictures adquiriu os dereitos co obxectivo de crear un filme baseado en Goosebumps, e o proxecto entrou de novo en fase de desenvolvemento. A fotografía principal estendeuse dende abril até xullo de 2014 en Candler Park, Atlanta.

Goosebumps estreouse nos cinemas dos Estados Unidos o 16 de outubro de 2015, por Columbia Pictures. O filme foi un éxito comercial e da crítica, que eloxiou o humor, o uso dos personaxes orixinais de Goosebumps así como as interpretacións (particularmente as de Black e Minnette)^[6] e conseguiu recadar máis de 158 millósn de dólares sobre un orzamento de 84 millóns.^[7] Unha secuela, titulada Goosebumps 2: Haunted Halloween, estreouse o 12 de outubro de 2018.