Iceage
Iceage é unha banda de punk rock dinamarquesa procedente de Copenhaguen.[1] O grupo formouse no ano 2008 e ata a data leva publicados cinco álbums de estudio: New Brigade (2011), You're Nothing (2013), Plowing Into the Field of Love (2014), Beyondless (2018), e Seek Shelter (2021).
| Iceage | |
|---|---|
_in_Toronto.jpg) | |
| Orixe | Copenhaguen, Dinamarca  |
| Período | 2008 - presente |
| Xénero(s) | punk rock, post-punk, noise rock, post-hardcore |
| Selo(s) discográfico(s) | Escho, Posh Isolation, Dais Records, Big Love, What's Your Rupture?, Tambourhinoceros, Matador |
| Membros | Johan Surrballe Wieth Dan Kjær Nielsen Elias Bender Rønnenfelt Jakob Tvilling Pless |
| Artistas relacionados | Sexdrome, Cult of Youth, Lower, Marching Church, War (Vår), Lust For Youth, Sky Ferreira |
| Na rede | |
| web oficial | |
          | |
Historia
Iceage formouse no ano 2008 cando os membros da banda tiñas unha media de 17 anos de idade.[2] O grupo asinou con Escho para publicar o seu 7" de estrea en 2009[3] e posteriormente ficharon polo selo Tambourhinoceros en Dinamarca e por Dais Records nos Estados Unidos. Despois disto asinaron coa discográfica What's Your Rupture? Records para lanzamentos internacionais e editaron o seu álbum de estrea, New Brigade, en xaneiro de 2011 in Dinamarca e o 21 de xuño dese ano nos Estados Unidos.[4]
En febreiro de 2013 Iceage publicou o seu segundo álbum, You're Nothing, tras fichar polo selo independente Matador Records.[5] O terceiro disco do grupo, Plowing Into the Field of Love, editouse en outubro de 2014 tamén a través de Matador. Os tres álbums foron nomeados ao premio ao mellor álbum independente europeo da asociación IMPALA.
Iceage lanzou o seu cuarto traballo, Beyondless, o 4 de maio de 2018 a través de Matador,[6] e o seu quinto e derradeiro álbum ata a data, Seek Shelter , apareceu o 7 de maio de 2021.[7]
Discografía
| Álbum | Ano | Selo |
|---|---|---|
| New Brigade | 2011 | What's Your Rupture? |
| You're Nothing | 2013 | Matador Records |
| Plowing Into the Field of Love | 2014 | Matador Records |
| Beyondless | 2018 | Matador Records |
| Seek Shelter | 2021 | Mexican Summer |