Kepler-90i
Kepler-90i (tamén coñecido pola súa designación de obxecto de interese Kepler KOI-351 i)[2] é un exoplaneta do tipo super-Terra, cun 1,32 raios terrestres,[2] que orbita ó redor da estrela na secuencia principal tipo-G, Kepler-90, cada 14,45 días; foi descuberto polo telescopio Kepler.[3][4] Está situado a preto de 2.545 anos luz (780 parsecs), ou case 2,4078 × 1016 km) da Terra, na constelación de Draco. O exoplaneta é o oitavo no sistema multiplanetario da estrela. A partir de decembro de 2017, Kepler-90 é a estrela que alberga máis exoplanetas coñecidos. Atopouse a Kepler-90i co método de tránsito, no que se mide o efecto atenuante que provoca un planeta mentres cruza por diante da súa estrela, e cunha ferramenta informática acabada de utilizar, a aprendizaxe profunda, unha clase de algoritmos de aprendizaxe automática.[3][5][6]
| Planeta extrasolar | Lista de planetas extrasolares | |
|---|---|---|
 | ||
| Estrela nai | ||
| Estrela | Kepler-90 | |
| Constelación | Draco | |
| Ascensión recta | (α) | 18h 57m 44.04s |
| Declinación | (δ) | +49° 18′ 18.6″ |
| Magnitude aparente | (mV) | 13.89[1] |
| Distancia | 2545 al (780 pc) | |
| Tipo espectral | G0V | |
| Masa | (m) | 1.2 (± 0.1)[2] M☉ |
| Raio | (r) | 1.2 (± 0.1)[2] R☉ |
| Temperatura | (T) | 6080 K[2] K |
| Metalicidade | [Fe/H] | −0.12 (± 0.18)[2] |
| Idade | ~2 Ga | |
| Características físicas | ||
| Raio | (r) | 1.32±0.21[2] R⊕ |
| Temperatura | (T) | 709 K (436 °C; 817 °F)[2] K |
| Elementos orbitais | ||
| Eixo semimaior | (a) | 0.107+0.025 −0.040[3] UA |
| Período orbital | (P) | 14.44912±0.00020[2] a |
| Inclinación | (i) | 89.20 +0.59 −1.30[2]° |
| Información do descubrimento | ||
| Data do descubrimento | 2017 Shallue et al.[2][3] | |
| Descubridor(es) | Telescopio Kepler[3] | |
| Método do descubrimento | Tránsito[2] e aprendizaxe profunda, un tipo de algoritmos de aprendizaxe para computadoras.[3] | |
| Status do descubrimento | Publicado[3] | |
| Outras designacións | ||
KOI-351 i; KIC 11442793 i; iWISE J185744.03+491818.5 i; i2MASS J18574403+4918185 i; iKepler-90 i[2] | ||
| Referencias nas bases de datos | ||
| Enciclopedia Planetas Extrasolares | datos | |
| SIMBAD | datos | |
Características
Masa, raio e temperatura
Kepler-90i é un exoplaneta do tipo super-Terra cun raio de 1,32 R⊕,[2] indicando que é o suficientemente pequeno como para ser planeta rochoso. Cunha composición similar á Terra, Kepler-90i tería unha masa de aproximadamente 2,5 veces a masa terrestre.[Cómpre referencia] Ten unha temperatura de equilibrio de 709 K (436 °C; 817 °F), semellante á temperatura media de Venus.
Estrela nai
O planeta orbita unha estrela (tipo-G) chamada Kepler-90. A estrela ten unha masa de 1,2 masas solares e un raio de 1,2 raios solares. Ten unha temperatura superficial de 6080 K e ten unha idade estimada do arredor de 2 mil millóns de anos, cunha considerable incerteza. En comparación, o Sol ten uns 4.600 millóns de anos[7] e ten unha temperatura superficial de 5.778 K.[8]
A magnitude aparente da estrela, ou o brillante que aparece dende a perspectiva da Terra, é de 14. É moi feble para ser vista a simple vista.
Características orbitais
Kepler-90i orbita a súa estrela nai cada 14,45 días, cun eixe semimaior de 0,1234 UAs.
Debido á súa distancia moi próxima á súa estrela nai, é probable que estea ancorada orbitalmente, o que significa que un lado está mirando permanentemente cara a súa estrela nai, co cal esa cara vive nun día eterno, e pola contra, a cara oposta nunca ve á súa estrela nai e vive baixo unha noite eterna.
Descubrimento
No 2009, o telescopio Kepler da NASA estaba observando estrelas co seu fotómetro, o instrumento que usa para detectar eventos de tránsito nos que un planeta atravesa por diante da súa estrela nai, reducindo un pouquiño o seu brillo durante un período breve de tempo e relativamente regular. No seu último test, o telescopio Kepler xa levaba observadas unhas 50.000 estrelas no seu catálogo de entradas, incluíndo a Kepler-90; as curvas de luz preliminares foron enviadas ó equipo científico do "Kepler" para a súa análise, que elixiu ás que tiñan obvios compañeiros planetarios para o seu seguimento nos observatorios. O descubrimento do exoplaneta foi axudado por unha ferramenta informática acabada de utilizar, a aprendizaxe profunda, unha clase de algoritmos de aprendizaxe automática.[3][5]
Referencias
Véxase tamén
Outros artigos
- Kepler-80g
- Kepler-90