Oskar Merikanto
Frans Oskar Merikanto, nado en Helsinqui (Finlandia) o 5 de agosto de 1868 e finado en Oitti (Hausjärvi, Finlandia) o 17 de febreiro de 1924, foi un compositor, músico, director de orquestra e mestre finlandés. Merikanto tivo unha especial relevancia no desenvolvemento da música relixiosa e as representacións operísticas en Finlandia. Entre as súas composicións salientan as súas obras para piano, que lle proporcionaron gran popularidade, e as súas cancións.[1]
| Oskar Merikanto | |
|---|---|
.jpg) Oskar Merikanto a principios da década de 1900. | |
| Nome completo | Frans Oskar Mattsson |
| Nacemento | 5 de agosto de 1868 |
| Helsinqui | |
| Falecemento | 17 de febreiro de 1924 |
| Oitti | |
| Soterrado | cemiterio de Hietaniemi |
| Nacionalidade | Finlandia |
| Educado en | Escola Superior de música e arte dramática Felix Mendelssohn Bartholdy |
| Instrumento(s) | Órgano e piano |
| Parella/s | Liisa Häyrysen |
| Fillos | Aarre Merikanto |
| Na rede | |
             | |
| [ editar datos en Wikidata ] | |
Traxectoria
O pai de Oskar Merikanto, Frans Ferdinand Ala-Kanto, de Jalasjärvi (Ostrobotnia do Sur, que tiña o apelido sueco Mattsson cando se uniu ao exército Finlandés. En 1882 mudou o seu apelido por Merikanto, "meri" significa "mar" e fai referencia á súa viaxe dende Vaasa ata Helsinqui, mentres que "Kanto" fai referencia ás súas orixes na propiedade Kanto.[2]
En 1887 foi admitido para estudar no Conservatorio de Leipzig, onde se formou ata 1889 co apoio de Aurora Karamzin. Dende 1892 ata a súa morte exerceu como organista na igrexa de San Xoán de Helsinquii.[3][4]
Pianista e organista
Oskar Merikanto foi un salientado pianista e organista. Como pianista percorreu Finlandia dando concertos como acompañante de cantantes e instrumentistas, traballo no que era recoñecido non só pola súa calidade como instrumentista senón por apoiar ás persoas ás que acompañaba por todos os medios posibles.[5]