Península do Iucatán

89°12′00″O / 19.36667, -89.20000

A península do Iucatán^[1] (en castelán: Yucatán) é unha gran península do continente americano que penetra no océano Atlántico en América Central, constituíndo o extremo sueste do territorio do actual México, a ao oeste de Cuba e ao nordés de Guatemala. Separa o mar Caribe do golfo de México, coa costa do norte na canle do Iucatán. A península limita ó leste do istmo de Tehuantepec, unha separación xeográfica da rexión de América Central e o resto de América do Norte. Ten arredor de 181 000 km² de extensión, e componse case completamente de rocha calcaria.^[2][3] Foi palco de grandes civilizacións precolombianas como a dos maias e maila dos olmecas.