Peseta
| Peseta † | |
|---|---|
| Peseta en castelán | |
 | |
| Código: | ESP |
| Ámbito: |  España Andorra |
| Símbolo: | Ptas, ₧ |
| Fracción: | 100 céntimos |
| Moedas: | 1, 5, 10, 25, 50,100, 200, 500 ₧ |
| Billetes: | 1000, 2000, 5000 e 10000 ₧ |
| Emisor: | Banco de España |
| Taxa de troco: fixa | 1 EUR = 166,386 ESP |
A peseta foi unha moeda española de curso legal en España e Andorra (nesta última, xunto ao franco francés) dende o 19 de outubro de 1868 até o 31 de decembro de 2001, cando foi substituída polo euro. A peseta abreviábase pta, sendo incorrecta a abreviación pts para o plural.
Historia
Antes, a peseta era a forma popular coa que se denominaba os catro reais de billón ou os dous reais de prata. É moi posíbel que o termo peseta proveña da palabra catalá peçeta (peciña), diminutivo de peça.[1] Na Idade Media, designaba ao real de a dous e en 1737, no Diccionario de autoridades castelán, aparece a peseta como «a peza que vale dous reais de prata de moeda provincial, formada de figura redonda. É voz modernamente introducida».[2]
O 19 de outubro de 1868, o ministro de Facenda do Goberno provisional do Xeneral Serrano, Laureano Figuerola, asinou o decreto polo cal se implantaba a peseta como unidade monetaria de España, ao mesmo tempo que entraba en vigor oficialmente o Sistema métrico. A primeira peseta foi cuñada en 1869 e, pouco despois, en 1875, apareceu a primeira peseta emitida en papel que seguiu a ser emitida até 1953 polo Banco de España.[3]
A peseta foi substituída polo euro no ano 1999 nos mercados de divisas. O 1 de xaneiro de 2002 o euro (€) entrou en circulación xunto coa peseta convivindo as dúas moedas até o 1 de marzo de 2002 en que peseta deixou de ser unha moeda de curso legal en España[4] e Andorra, aínda que existe o compromiso oficial do Banco de España de cambiar o seu importe en euros en non importa cal data, ó cambio oficial único establecido, 1 euro = 166,386 pta, co arredondamento correspondente ó terceiro decimal.
Moedas
- Artigo principal: Lista das moedas de peseta de España.
Billetes
| Imaxe do anverso | Imaxe do reverso | Denominación | Cor predominante | Dimensións | Descrición do anverso | Descrición do reverso |
|---|---|---|---|---|---|---|
 |  | 200 pesetas | Laranxa | 120 × 65 mm | Leopoldo Alas | Texto de La Regenta. e imaxe dun carballo asturiano |
| |  | 500 pesetas | Azul | 129 × 70 mm | Rosalía de Castro | Texto de Follas Novas e casa da Matanza |
 |  | 1.000 pesetas | Verde | 138 × 75 mm | Benito Pérez Galdós | Texto dos Episodios nacionales e opaisaxe co Teide |
 | .jpg) | 2.000 pesetas[5] | Vermello | 147 × 80 mm | Juan Ramón Jiménez | Fragmento do poema Alegría nocturna e Concello de Moguer (Huelva) |
 |  | 5.000 pesetas | Marrón | 156 × 85 mm | Xoán Carlos I de España | Manuscrito asinado e Palacio Real de Madrid |
 | 10.000 pesetas | Gris | 165 × 85 mm | Xoán Carlos I de España e Filipe, príncipe de Asturias | Busto e manuscrito asinado de Filipe como Príncipe de Asturias |
| Imaxe do anverso | Imaxe do reverso | Denominación | Cor predominante | Dimensións | Descrición do anverso | Descrición do reverso |
|---|---|---|---|---|---|---|
 |  | 1.000 pesetas | Verde | 130 × 65 mm | Hernán Cortés | Francisco Pizarro |
 | 2.000 pesetas | Vermello | 138 × 68 mm | José Celestino Mutis | ||
 | 5.000 pesetas | Marrón | 146 × 71 mm | Cristovo Colón | ||
 | 10.000 pesetas | Gris | 154 × 74 mm | Xoán Carlos I de España | Jorge Juan y Santacilia |
Notas
Véxase tamén
Bibliografía
- Corbacho, Xesús (2001). O Euro e a construcción europea. Vigo: Xerais. ISBN 84-8302-670-8.