Pobo palestino

Os palestinos^[8] (árabe: الفلسطينيون, al-Filasṭīniyyūn, hebreo: פָלַסְטִינִים), tamén coñecidos como pobo palestino (árabe: الشعب الفلسطيني, ash-sha‘b al-Filasṭīnī), ou árabes palestinos (árabe: العربي الفلسطيني, al-'arabi il-filastini), son un grupo etnonacional^{[9][10][11][12][13][14][15]} que abrangue os modernos descendentes dos pobos que viviron en Palestina durante séculos, incluíndo xudeus e samaritanos, e que hoxe son cultural e lingüisticamente árabes.^[16][17] Malia os diversos conflitos e éxodos (como o de éxodo de 1948), case a metade da poboación palestina no mundo segue a residir na Palestina histórica, que comprende Cisxordania, a Franxa de Gaza e Israel.^[18] Nesta área combinada, no ano 2005, os palestinos constituían o 49% de tódolos habitantes,^[19] que abrangue toda a poboación da Franxa de Gaza (1,865 millóns),^[20] a maioría da poboación de Cisxordania (arredor de 2 785 000 contra os 500 000 xudeus de nacionalidade israelí), e o 20,8% da poboación de Israel.^[21][22] Moitos palestinos son refuxiados ou desprazados internamente, e representan máis dun millón de persoas na Franxa de Gaza,^[23] tres cuartos dun millón en Cisxordania,^[24] e un cuarto de millón en Israel. Da poboación palestina que vive fóra de Palestina, coñecida como diáspora palestina, máis da metade son apátridas sen cidadanía.^[25] Entre 2,1 e 3,24 millóns de palestinos na diáspora viven na veciña Xordania,^[26][27] máis dun millón viven entre Siria e o Líbano, un cuarto de millón en Arabia Saudita, e medio millón en Chile, sendo a maior concentración de palestinos fóra do Mundo árabe.

Pobo palestino
Protesta de mulleres palestinas en Xerusalén en 1930 contra o Mandato Británico. O cartel di: "Non diálogo, non negociacións ata o remate [do Mandato]".
Poboación
Poboación total: c  12,37 millóns[1]
Rexións principais:
Palestina	4 750 000[2]
Xordania	2 144 233 (2016, só refuxiados)[3]–3 240 000 (2009)[4]
Israel	1 750 000[5]
Siria	560 000 (2016, só refuxiados)[3]
Chile	500 000
Líbano	458 369 (2016, só refuxiados)[3]
Arabia Saudita	400 000[6]
Qatar	295 000
Estados Unidos	255 000[7]
Emiratos Árabes Unidos	91 000
Aspectos culturais
Lingua	árabe, hebreo, neoarameo e grego
Relixión	islam sunní
Grupos relacionados	árabes