Queimadura
Unha queimadura é un tipo de lesión da pel causada por diversos axentes, como a calor, o frío, a electricidade, os químicos, a fricción e a radiación.[1] A maioría das queimaduras son debidas a lapas, líquidos quentes, superficies quentes e outras fontes de altas temperaturas[2]
| Queimadura | |
|---|---|
| Clasificación e recursos externos | |
 Man cunha queimadura de 2º grao. | |
| MedlinePlus | 000030 |
 Se cre que pode requirir tratamento, por favor, consúltello ao médico. | |
As queimaduras son polo xeral previbles.[3] O tratamento inmediato como medida de primeiros auxilios para as queimaduras leves consiste en facer correr auga a temperatura ambiente sobre a área afectada, para tratar de normalizar a temperatura dos tecidos queimados e eliminar contaminantes.[4] É preferible que a auga bañe a parte afectada en lugar de facer inmersión, sempre coidando non utilizar auga fría debido á posibilidade de xerar unha reacción térmica que separará os estratos superiores da pel, dificultando a súa curación.