Rafael Balsa
Rafael Balsa de la Vega (adoitaba asinar R. Balsa de la Vega), nado en Padrón en 1859 e finado en Madrid o 2 de xuño de 1913, foi un pintor, crítico de arte, e tradutor galego.
| Biografía | |
|---|---|
| Nacemento | 1859  Padrón, España |
| Morte | 2 de xuño de 1913 (53/54 anos) Madrid, España |
| Datos persoais | |
| País de nacionalidade | España |
| Actividade | |
| Ocupación | pintor , crítico de arte , escritor , autor |
| Período de actividade | 1877 - |
| Lingua | Lingua castelá |
 | |
Traxectoria
Pintou acuarelas e óleos, retratos de persoeiros como Juan Rodríguez del Padrón[1] ou Emilia Pardo Bazán e outros títulos como En una aldea de Galicia (100x60cm), presentado á Exposición Nacional de Belas Artes de 1884,[2] Un rato de conversación (16x23) ou Devotos de Santa María de los Arcos (16x26), ámbolos dous incluídos na Exposición Nacional de Belas Artes de 1887.[3] Viaxou por Europa e América. Xa como crítico, colaborou en La Ilustración Española y Americana, Blanco y Negro, La Ilustración Artística, Galicia. Revista Regional[4] e o Boletín de la Real Academia Gallega[5].
Pertenceu á redacción de El Liberal. Participou no deseño do Pazo de Meirás.[6] Asistiu aos faladoiros cotiás da Cova Céltica[7] e foi membro correspondente da Real Academia Galega.[8]
Cando morreu estaba a traballar, por encarga do Ministerio de Instrución Pública e Belas Artes, na confección dun catálogo artístico e monumental das provincias galegas.[9]
Obra bibliográfica
- Artistas y críticos españoles, 1891, Barcelona.
- Los bucólicos, la pintura de costumbres rurales en España, 1892, Barcelona
- Eugenio Lucas, 1911, Madrid.
- Orfebrería gallega. Notas para su historia, 1912, Hauser y Menet, Madrid.
Traducións
Traduciu ao castelá varias obras, a maioría delas de Emilio Salgari:
- Sandokan, los tigres de Mompracen, de Salgari.
- La mujer del pirata, segunda parte de Sandokan, de Salgari.
- El corsario negro, de Salgari.
- La venganza de Sandokan, de Salgari.
- Los náufragos del Liguria, de Salgari.
- Devastaciones de los piratas, de Salgari.
- Noruega literaria, de Jacques de Coussange
Recoñecementos
Unha rúa do centro de Padrón leva o seu nome.
Notas
Véxase tamén
Bibliografía
- Couceiro Freijomil, Antonio (1951). Diccionario bio-bibliográfico de escritores (en castelán) I. Bibliófilos Gallegos. p. 113.
- "Balsa de la Vega, Rafael". Diccionario enciclopédico galego universal 7. La Voz de Galicia. 2003-2004. p. 76. ISBN 84-7680-429-6.
- "Balsa de la Vega, Rafael". Enciclopedia Galega Universal 3. Ir Indo. 1999-2002. p. 37. ISBN 84-7680-288-9.
- Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.
Ligazóns externas
- "Pintor, crítico e historiador del arte y traductor de «Sandokan»". La Voz de Galicia. 5/12/2013.
- Listaxe de bibliografía sobre Rafael Balsa en pintoresgallegos.com