Receptor de anxiotensina II

Os receptores AT₁ e AT₂ teñen unha identidade de secuencia de ~30%, pero unha similar afinidade pola anxiotensina II, que é o seu principal ligando.

Táboa resumo

AT₁

O receptor AT₁ é o receptor de anxiotensina mellor caracterizado.

Localización no corpo

O subtipo AT1 encóntrase no corazón, vasos sanguíneos, córtex adrenal, pulmóns e cerebro e funciona como mediador dos efectos vasoconstritores.

Mecanismo

O receptor de anxiotensina é activado polo péptido vasoconstritor angiotensina II. O receptor activado á súa vez acóplase á G_q/11 e a G_i/o e así activa a fosfolipase C e incrementa as concentracións de Ca²⁺ citosólico, que á súa vez desencadea as respostas celulares como a estimulación da proteína quinase C. O receptor activado tamén inhibe a adenilato ciclase e activa varias tirosina quinases.^[2]

Efectos

Entre os efectos mediados polo receptor AT₁ están a vasoconstrición, síntese e secreción de aldosterona, incrementa da secreción de vasopresina, hipertrofia cardíaca, aumento da actividade noradrenérxica periférica, proliferación das células de músculo liso vasculares, diminución do fluxo sanguíneo renal, inhibición da renina renal, recaptación de sodio nos túbulos renais, modulación da actividade do sistema nervioso simpático central, contractilidade cardíaca, osmocontrol central e formación de matriz extracelular.^[4]

AT₂

Os receptores AT₂ son máis abondosos no feto e neonato. O receptor AT₂ segue sendo enigmático e controvertido, e probablemente está implicado no crecemento vascular. Os efectos mediados polo receptor AT₂ suxeriuse que inclúen a inhibición do crecemento celular, desenvolvemento do tecido fetal, modulación da matriz extracelular, rexeneración neuronal, apoptose, diferenciación celular e talvez vasodilatación e hipertrofia ventricular esquerda.^[5]

AT₃ e AT₄

Outros subtipos peor carfacterizados son os receptores AT₃ e AT₄. O receptor AT₄ é activado polo metabolito da anxiotensina II chamado anxiotensina IV, e pode xogar un papel na regulación da matriz extracellar do sistema nervioso central, e tamén na modulación da liberación de oxitocina.^{[6][7][8][9][10][11][12][13]}

Outros receptores

• Antagonista do receptor da anxiotensina II
• Anxiotensina

Ligazóns externas

• Receptors, Angiotensin Medical Subject Headings (MeSH) na Biblioteca Nacional de Medicina dos EUA.