Serra do Mar
A Serra do Mar é un sistema montañoso de 1 500 km de longo que se atopa no sueste do Brasil. Esténdese dende o leste cara ao sur do país, dende o Estado de Río de Xaneiro até o norte do Estado de Santa Catarina.[1] O punto máis elevado é o pico Maior de Friburgo, cunha altura de 2 310 metros.
| Serra do Mar | |
|---|---|
 Serra do Mar | |
  Serra do Mar Localización da serra. | |
| Patrimonio da Humanidade - UNESCO | |
| País |  Brasil |
| Localización | São Paulo e Paraná, Brasil |
| Tipo | Natural |
| Criterios | VII, IX, X |
| Inscrición | 1999 (23ª sesión) |
| Rexión da UNESCO | Latino América e o Caribe |
| Identificador | 893rev |
Debido ao seu valor xeolóxico, a riqueza da súa fauna e flora, parte do treito paulista da serra do Mar foi protexido polo Condephaat e foi incluído no Patrimonio Histórico do Estado de São Paulo o 6 de xuño de 1985.[2]
De acordo co artigo 225, §4.º da Constitución do Brasil, a Serra do Mar, a selva amazónica, a mata atlántica, o Pantanal Mato-Grossense e a zona costeira constitúen patrimonio nacional.[3] Unha parte da serra do Mar foi declarada en 1999 Patrimonio da Humanidade, como parte do sitio "Reserva de mata atlántica do sueste» (ref. 893rev).