Soiuz TMA-8
Soiuz TMA-8 foi unha misión espacial tripulada lanzada cara a Estación Espacial Internacional o 30 de marzo de 2006 mediante un foguete Soiuz FG desde o cosmódromo de Baikonur.[2][3][4]
Soiuz TMA-8 | |
---|---|
Parche da misión Soiuz TMA-8. | |
Tipo | Tripulada |
Data de lanzamento | 30 de marzo de 2006, 2:30 GMT[1][2][3] |
Foguete portador | Soiuz FG[2][4] |
Sitio de lanzamento | Cosmódromo de Baikonur[2][5] |
Duración da misión | 182,95 días[5] |
Obxectivo da misión | Acoplamento coa Estación Espacial Internacional.[2][5] |
Regreso | 29 de setembro de 2006[1][5] |
NSSDC ID | 2006-009A |
Masa | 7250 kg[5] |
Características
Soiuz TMA-8 foi lanzada cos cosmonautas Marcos Pontes, Pavel Vinogradov e Jeffrey Williams a bordo para acoplarse coa Estación Espacial Internacional e levar a cabo tarefas de mantemento mentres a frota de transbordadores espaciais permanecía parada despois do accidente do transbordador espacial Columbia. A nave acoplouse ao módulo Zaria e durante a súa estancia a ISS recibiu a visita das misións STS-121 (o primeiro voo dun transbordador despois do accidente do Columbia) e STS-115 e dos cargueiros Progress M-56 e Progress M-57. Regresou o 29 de setembro de 2006 con Vinogradov, Williams e Anousheh Ansari.[2][3][4]