Sterling Brown
Sterling Damarco Brown, nado o 10 de febreiro de 1995 en Maywood, Illinois, é un xogador profesional estadounidense de baloncesto que xoga no Alba Berlín da Basketball Bundesliga. Con 1,96 metros de estatura xoga nas posicións de ala e escolta.
Alba Berlin – No. 0 | |
Información persoal | |
---|---|
Nacemento | 10 de febreiro de 1995 (29 anos) Maywood, Illinois |
Nacionalidade | Estados Unidos |
Altura | 1,96 m (6 ft 5 in) |
Peso oficial | 99 kg (219 lb) |
Posición | Ala / Escolta |
Información da carreira | |
Instituto | Proviso East (Maywood, Illinois) |
Universidade | SMU (2013–2017) |
NBA Draft | 2017 / Rolda: 2 / Elección: 46 Por Philadelphia 76ers |
Carreira | dende 2017 |
Historial de equipos | |
Milwaukee Bucks (2017–2020) → Wisconsin Herd (2017–2018) Houston Rockets (2020–2021) Dallas Mavericks (2021–2022) Raptors 905 (2022–2023) Los Angeles Lakers (2023) Raptors 905 (2023) Alba Berlin (2023–presente) |
Traxectoria profesional
Brown foi seleccionado na 46ª posición do Draft da NBA de 2017 polos Philadelphia 76ers. O 6 de xullo de 2017, os 76ers traspasaron os seus dereitos do Draft ós Milwaukee Bucks.[1] Brown debutou na NBA o 20 de outubro de 2017 contra os Cleveland Cavaliers, facendo tres puntos en seis minutos de xogo.[2]
O 26 de novembro de 2020, Brown asinou cos Houston Rockets.[3]
O 10 de agosto de 2021, Brown asinou cos Dallas Mavericks.[4] Debutou cos Mavericks o 21 de outubro de 2021, facendo tres puntos na derrota dos Mavericks por 87–113 contra os Atlanta Hawks.[5]
O 24 de xuño de 2022, os Mavericks traspasaron a Brown xunto a Boban Marjanović, Trey Burke, Marquese Chriss e os dereitos do Draft de Wendell Moore Jr. ós Houston Rockets, a cambio de Christian Wood.[6] O 30 de setembro de 2022, os Mavericks traspasaron de novo a Brown, xunto a David Nwaba, Trey Burke e Marquese Chriss ós Oklahoma City Thunder, a cambio de Derrick Favors, Ty Jerome, Maurice Harkless, Théo Maledon e unha futura elección da segunda rolda do Draft.[7] O 2 de outubro de 2022, os Thunder cortaron a Brown.[8]
O 6 de xaneiro de 2023, Brown asinou un contrato de dez días cos Los Angeles Lakers,[9] e participou en catro partidos cos Lakers antes do remate do seu contrato e asinar cos Raptors 905 da NBA G League.[10]
O 14 de agosto de 2023, Brown asinou co Alba Berlín da Basketball Bundesliga.[11]