Voo 261 de Thai Airways International
O voo 261 de Thai Airways International (TG261/THA261) era un voo de pasaxeiros regular dende o Aeroporto Internacional Don Mueang en Bangkok ata o Aeroporto de Surat Thani en Surat Thani, Tailandia. O voo estaba operado por Thai Airways International, a aeroliña nacional de Tailandia. O 11 de decembro de 1998 o avión, un Airbus A310-204 con rexistro HS-TIA, entrou en perda e estrelouse nun arrozal ao intentar aterrar no Aeroporto de Surat Thani. Morreron un total de 101 persoas no accidente.
| Voo 261 de Thai Airways International | |
|---|---|
 Un A310 semellante ao do accidente. | |
| Resumo | |
| Data | 11 de decembro de 1998 |
| Causa | perda, desorientación con mal tempo, erro do piloto |
| Lugar | a 0,7 km ao sur do Aeroporto de Surat Thani |
| Coordenadas | 99°08′26″L / 9.1275, 99.1406 |
| Orixe | Aeroporto Don Mueang |
| Destino | Aeroporto de Surat Thani |
| Finados | 101 |
| Feridos | 45 |
| Aeronave | |
| Tipo de aeronave | Airbus A310-204 |
| Operador | Thai Airways International |
| Rexistro | HS-TIA |
| Pasaxeiros | 132 |
| Tripulación | 14 |
| Superviventes | 45 |
O Comité de Investigación de Accidentes de Aviación de Tailandia (AAIC) abriu unha investigación sobre o suceso. Esta investigación revelou que a tripulación desorientárase. A visibilidade era limitada e o estrés causou que a tripulación perdese o control do avión. O AAIC destacou tamén a escasa iluminación de Surat Thani e os avisos defectuosos do avión.
O accidente foi o segundo con máis vítimas mortais en Tailandia, tras o voo 004 de Lauda Air. Foi tamén o quinto peor accidente dun Airbus A310.
Avión
O HS-TIA era un Airbus A310-204, con número de serie 415 e anteriormente rexistrado como F-WWBI para probas de voo con Airbus. Estaba bautizado co nome Phitsanulok e voara por vez primeira o 3 de marzo de 1986 e fora entregado a Thai Airways o 29 de abril dese ano.[1]