Angry Birds
Angry Birds yito yitohe tuwawu u sadi-sadia to hape wawu ma woluwo olo to komputer wawu to media uwewoliyo.Yitohe botiye mā ilotohila lotawu ngohuntuwa to dunia monto t ākeke'ingo sambe tā dudula'a wawu mā pilopohuliliyo to media sambe 1 miliyari tā hipopohunawa.
Pilākasi u modukungi
Masatiya yitohe Angry Birds mowali popohuliyolo wawu poyitohu to pilākasi odelo iOS, Maemo, MeeGo, HP webOS, Android, Symbian^3, Series 40, PSP, PlayStation 3, Mac OS X, Windows, WebGL, Windows Phone 7, Google Plus, Google Chrome (Chrome Web Store), BlackBerry Tablet OS, Bada,[1] Java untuk mobile,[2] Facebook pada 14 Februari 2012, Samsung SmartT,[3] Xbox 360, Nintendo 3DS.
Wolōlo moyitohu
To delomo yitohu Angry Birds botiye, ito mongaturu burungi u mohelu ngōlo rupa lakuliyo, mohehu potita u ma tila'o lo boyi. Caraliyo burungi popota'ela to katapeli wawu popolā'olo, poma'i boyi hewanto'a to rupa-rupa lo tambati potiwanto'a limongoliyo.Mā tumombota mola burungi botiya wawu mā mola ohupa'aliyo boyi hewanto'a sambe ma mopūnungo. Pohilēlo nga'amila boyi mopowate sambe putita u ma tila'o lo boyi salamati wawu ito ma mobotula pōli lenggotaliyo.Odito turusi botiye yitohu sambe tawu-tawuwalo osanagiyaliyo wawu olipata wakutu.
Mopobohu
Yitohe botiye hepopobohuwoliyo timi'idu wakutu alihu tawu dīla motolu wonu yitohe bo uwitoma'o mololayita. Mā lumonggumayi u bohu pōli tuheta tawu debo donggo motohila moyitohu lo yitohe botiye.
Būrungi
Būrungi u mā lowali karakter utama to delomo yitohe botiye. Laku lo burungi tēye de'uyito u mēla, moyidu, molalahu, wahu'ente wawu moyitomo.
Boyi
Boyi mā lowali bali lo burungi to delomo yitohe botiye. Timongoliyo he wanto'a to delomo hudungu, to lilungo ayu meyalo hewanto'a to gowa.