રેણુકા તળાવ, હિમાચલ પ્રદેશ

રેણુકા તળાવ એ ભારત દેશના ઉત્તર ભાગમાં આવેલા હિમાચલ પ્રદેશ રાજ્યમાં આવેલા સિરમૌર જિલ્લામાં આવેલ એક જળાશય છે. આ જળાશય દરિયાઈ સપાટી થી ૬૭૨ મીટર જેટલી ઊંંચાઈ પર આવેલું છે.^[૧] ૩,૨૧૪ મીટર જેટલી પરિમિતિ ધરાવતું આ જળાશય હિમાચલ પ્રદેશનાં મોટાં જળાશયો પૈકીનું એક ગણાય છે. આ સ્થળનું નામ રેણુકાદેવીના નામ પર થી પડ્યું છે. આ સ્થળ સડક માર્ગ વડે જોડાયેલ હોવાથી સહેલાઈથી પંહોચી શકાય છે.

આ જળાશય ખાતે પર્યટકો માટે નૌકા-વિહારની સવલત પણ છે. આ ઉપરાંત પર્યટકો માટે અહીં પ્રાણી સંગ્રહાલય તેમ જ જંગલ સફારી જેવાં આકર્ષણો પણ હાજર છે. અહીં દર વર્ષે નવેમ્બર મહિનામાં મેળો ભરાય છે.