Bauchi (jiha)

Dangane da tarihi na gargajiya, garin ya samo asali ne daga wani mafarauci mai suna Baushe, wanda ya zauna a yankin kafin zuwan jagoran masarutar na farko wato Yakubu (wacce aka samar a tsakanin alif ta 1800–10).^[7] Jihohin Bauchi da Adamawa sun kasance kasashen 'yanci da kasuwanci ga mutanen Daular Fulani na Sokoto.^[8]

Wurin da ake kira Bauchi ta kasance kafin shakarar alif ta 1976 gunduma a yankin Jihar Arewa ta Gabas. Danagne da kidayar shekara ta 2006, Jihar tana da mutane kimanin 4,653,066.

Jihar Bauchi ta sama cigaba iri-iri a cikin 'yan shekarun nan. Akwai harshen Ajawa da akayi amfani dashi a jihar Bauchi, amma daga bisani ya bace a tsakanin shekarun 1920 da shekara ta 1940 inda asalin masu amfani da harshe suka sauya zuwa Hausa.^[9]

A lokacin mulkin Turawa har zuwa samun 'yanci, tana cikin yankin Plateau da Yankin Arewacin Najeriya, har zuwa 1967 lokacin da aka samar da jihohi, yayin da yankunan Bauchi, Borno, da Adamawa suka hade wajen samar da Jihar Arewa ta Gabas.

Bayan samar da Jihar Bauchi a shekara ta 1976, a lokacin Jihohi biyu Bauchi da Gombe na hade, jihar nada kananan hukumomi 16. Daga bisani an kara yawan kananan hukumomin zuwa 20 sannan daga bisani 23. Haka zalika, a shekara ta 1997, an samar da Jihar Gombe, daga Jihar Bauchi inda aka samu karin kananan hukumomi a kasar, inda aka bar Jihar Bauchi da kananan hukumomi 20 kamar yadda aka zayyano a kasa:

Jihar Bauchi nada adadin Kananan hukumomi ashirin (20). Sune:

Kirfi Ta kasance Garine cikin Birnin Bauchi wanda keda aƙalla faɗin aƙalla 700 meters kewaye da gefenta ne rafin Gongola wanda ke isar da ruwa zuwa cikin garin. Wanda ya haɗe da babban kogin Benue. Gari ne mai tarin albarkoki, a ɓangaren Noma da Kiwo.^[10] A al’adance ta kasance tana maraba ne kaɗai da mutanen da ake kira Kirfawa kuma ta faɗa ƙarƙashin gundumar Hausawa. Bincike akan garin Kirfi ya nuna cewa amsoshin da suka ƙunshi al’ada, da Addini da harkan Siyasa a ƙasar Hausa ana iya samun sa a garin Kirfi ta garin Bauchi.^[10]

Jihar Bauchi ta mamaye fadin kasa kimanin 49,119 km² (18,965 sq mi) inda ta mamaye kaso 5.3% na daukakin fadin Najeriya kuma tana zaune akan lambobin wuri na latitudes 9° 3' da 12° 3' arewa da kuma longitudes 8° 50' da 11° gabas.

Jihar tana da iyaka da jihohi bakwai, Kano da Jigawa daga arewa, Taraba da Plateau daga Kudu, Gombe da Yobe daga Gabas sai kuma Kaduna daga Yamma.

Jihar Bauchi na daga cikin jihohin arewan Najeriya dake da yanayin tsirrai iri biyu, Sudan savannah da kuma Sahel savannah. Haka zalika akwai tsaunuka a kudancin yankin garin, dangane da alakarta da tsaunukan Jos Plateau.

Akwai Kabilu daban daban har guda 55 a garin wanda suka hada da: Gerawa, Sayawa, Jarawa, Kirfawa, Hausawa Bolewa, Karekare, Kanuri, Fa'awa, Butawa, Warjawa, Zulawa, Boyawa, Badawa. Amma Fulani ne asalin kabilar garin. Hakan na nufin cewa suna da nasu asalin, al'adu, addinai da makamantansu.

Akwai kamaiceceniya tsakanin harsunan garin, dangane da ayyuka, al'adu, sutura, da kuma cudanya a tsakaninsu musamman ta hanyar auratanya da kasuwanci. Wasu daga cikin harsunan na da ba'a a tsakaninsu. da Sayawa da dai sauransu.

Bikin hawan sallah na daya daga cikin muhimman bukukuwa da ke jawo 'yan kallo a duk shekara.^[11]

Jami'ar Abubakar Tafawa Balewa^[12] na nan acikin babban birnin Bauchi.^[13] Wasu daga cikin wuraren koyarwa sun hada da; Jami'ar Jihar Bauchi,^[14] Abubakar Tatari Ali Polytechnic^[15] , Federal Polytechnic, Bauchi.^[16], Aminu saleh college of Education Azare^[17]Federal university of health science Azare^[18]

Ire-iren harsunan West Chadic language da ake amfani dasu a Bauchi sun hada da:^[19]

• North Bauchi languages
• South Bauchi languages

Yarukan Bauchi a jere da kananan hukumominsu.^[20]

Sauran harsunan Bauchi sun hada da: Ajawa, Beele, Berom, Kanuri, Kwaami, Manga, Pero, da kuma Piya-Kwonci.

Gwamnan garin shine babban mai zartarwa, tare da fannin shari'a na garin na nan a birnin Bauchi.^[21]

Gwamna

Gwamna Bauchi shine Mr. Bala AbdulKadir Mohammed, wanda ya lashe zabe a ranar 9 ga watan March,shekara ta 2019 a karkashin jam'iyyar PDP. An rantsar dashi a ranar May 29, ga watan shekara ta 2019, wanda hakan tasa ya zamo gwamna na shida a Bauchi a karkashin mulkin dimukradiyya sannan kuma gwamna na 16 gaba daya. Baba Tela ne mataimakin gwamnan Bauchi.^[22][23]

Jihar Bauchi na da tarin asibitoci daman hukumomin kiwon lafiya, wannnan sun hada da:

• Abubakar Tafawa Balewa Teaching Hospital^[24][25]
• Bauchi State Hospital
• Al-amin Hospital
• Niima Consultants Hospital
• Albishir Clinic and Maternity
• Proactive Clinic and Hospital Ltd.

• Abubakar Tafawa Balewa, first and only Prime Minister of Nigeria
• Jude Rabo, vice-chancellor of Federal University, Wukari
• Tjjani Yusuf Guruntum

• Haour, Anne., Rossi, Benedetta (2010) Being and becoming Hausa : interdisciplinary perspectives.Leiden: Brill. ISBN 978-90-04-1854-25