Čećorička
Tutón nastawk Čećorička z temu družina čećorička (Hippocrepis comosa) je po hesle na druhi nastawk podobny. Druhe hesło Čećorička (ród) ma temu ród čećorička (Hippocrepis). |
Ilustacija čećorički (Hippocrepis comosa) | |
systematika | |
---|---|
Domena | Eukaryoty |
Swět | Rostlinstwo |
rjad: | (Fabales) |
swójba: | Łušćinowcy (Fabaceae) |
podswójba: | Mjetelojte kwěty (Faboideae) |
tribus: | (Loteae) |
podtribus: | Coronillinae |
ród: | Čećorička[1] (Hippocrepis) |
družina: | Čećorička[1] |
wědomostne mjeno | |
Hippocrepis comosa | |
L. | |
Čećorička[1] (Hippocrepis comosa) je rostlina ze swójby łušćinowcow (Fabaceae).
Wopis
Čećorička je nimale kaž małoróstny kerčik rostuca, rozpjeršenje přilěhawje kosmata rostlina, kotraž docpěwa wysokosć wot 20 cm (wot 8 hač do 25 cm).
Stołpiki su nižoležace-postupowace, na spódku wodrjewjowane, bohaće lisćate.
Łopjena
Łopjena steja nimale jenož na stołpiku a su jednory pjerite. Delnja łopjena su dołhostołpikowe. Łopješka su nawopačnje owalne hač do linealne a ćěmnozelene abo módrozelene.
Kćenja
Wona kćěje wot meje hač do oktobra (julija). Kćenja su žołte, wonjate a docpěwaja dołhosć wot 1 cm (wot 8 hač do 12 mm). Wone steja w małokćenjowych (4-8(12)) kćenjow) wokołkach na stołpikach z dołhosću wot maksimalnje 10 cm.
Płody
Płód je z maksimalnje 6 pódkowoformowych wotrězkow hromadźe sedźany a docpěwa dołhosć wot 1,5 hač do 3,5 cm. Zrały płód do jednotliwych dźělow so złama, kotrež na kóncach su słabje křidłate, zo so móžeja wot wětra preč zduć.
Stejnišćo
Wona rosće na skalnych zwisach, suchim trawniku, suchich łukach, najčasćišo na wapnu. Preferuje ćopłe, suche, bazojte, zwjetša kamjentne pódy.
Rozšěrjenje
Čećorička je w Europje, wosebje w juhu a alpskich krajach rozšěrjena.
Wobraz
- Kćenja
Nóžki
Žórła
- GU Maxi-Kompaß Blumen, ISBN 3-7742-3852-9, strona 55 (němsce)
- Seidel/Eisenreich: BLV Bestimmungsbuch Blütenpflanzen, ISBN 3-405-13557-5, stronje 46-47 (němsce)
- Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 326 (němsce)
- Kral, Jurij: Serbsko-němski słownik hornjołužiskeje rěče. Maćica serbska, Budyšin (1927)
- Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)
- Völkel, Pawoł: Hornjoserbsko-němski słownik, Ludowe nakładnistwo Domowina, Budyšin (1981)
Eksterne wotkazy
Čećorička. W: FloraWeb.de. (němsce)