Kozarcy
Kozarcy (němsce Caseritz) su wjeska z 48 wobydlerjemi[2] w srjedźišću hornjołužiskeho wokrjesa Budyšin. Leža při Klóšterskej wodźe a słušeja z lěta 1957 ke gmejnje Chrósćicy. Wjeska słuša do katolskeho jadra serbskeho sydlenskeho ruma; wjetšina wobydlerjow serbuje.
gmejna: | Chrósćicy | |
zagmejnowanje: | 1957 | |
wobydlerstwo: | 48 (31. decembra 2023)[1] | |
wysokosć: | 160 metrow n.m.hł. | |
51.24722222222214.226666666667160 | ||
póstowe čisło: | 01920 | |
předwólba: | 035796 | |
starše mjena: | Kosericz (1327), Kozericz (1350/1374), Kosseritz (1545), Caseritz/Coseritz (1791) | |
Napohlad wjeski z wuchoda | ||
wikidata: Kozarcy (Q160693) |
Geografija
Wjeska leži na prawej kromje łučiny Klóšterskeje wody, něhdźe 600 metrow južnje wuliwa Satkule a połdra kilometra sewjerozapadnje Chrósćic. Dalše susodne wsy su Worklecy na sewjeru, Stara Cyhelnica na juhu a Wudwor na zapadźe.
Stawizny
Prěnje historiske naspomnjenje jako Kosericz[3] bě w lěće 1327. Ležownostne knjejstwo měješe Klóšter Marijina hwězda. Hač do lěta 1957 běchu Kozarcy samostatna gmejna bjez wjesnych dźělow.
Wobydlerstwo a rěč
W lěće 1884 měješe wjes po Mukowej statistice 79 wobydlerjow, mjez nimi 77 Serbow.[4] Arnošt Černik zwěsći w lěće 1954, potajkim po zasydlenju němskich wusydlencow z wuchoda, serbskorěčny podźěl wobydlerstwa wot 87,2 %.[5]
Wjetšina Kozarčanow je katolska a přisłuša Chróšćanskej wosadźe.