Łučny ledźbjenc
 | |
| Łučny ledźbjenc (Lotus corniculatus) | |
| systematika | |
|---|---|
| Domena | Eukaryoty |
| Swět | Rostlinstwo |
| Eurosidy I | |
| rjad: | (Fabales) |
| swójba: | Łušćinowcy (Fabaceae) |
| podswójba: | Mjetelojte kwěty (Faboideae) |
| ród: | Ledźbjenc[1] (Lotus) |
| družina: | Łučny ledźbjenc |
| wědomostne mjeno | |
| Lotus corniculatus | |
| L. | |
Łučny ledźbjenc (Lotus corniculatus) je rostlina ze swójby łušćinowcow (Fabaceae).
Wariety
- (L. corniculatus var. maritimus)
- (L. corniculatus var. borealis)
- (L. corniculatus var. sativus)
- (L. corniculatus var. corniculatus)
- (L. corniculatus var. arenosus)
Wopis
Łučny ledźbjenc docpěje wysokosć wot 5 hač do 40 cm.
Stołpiki su róžkate, wobłukaće postupowace abo zrunane, najčasćišo nimale nahe, zrědka wotstejace kosmate.
Łopjena
Łopjena su 5-ličbowe. Hornje 3 łopješka su krótkostołpikowe, owalne hač do lancetojte, nahe, na kromje mikawčkate, abo na woběmaj bokomaj wotstejace kosmate. Delni por steji direktnje na stołpiku. Delni bok łopjenow je módrozelene.
Kćenja
Wón kćěje wot meje hač do oktobra (wot junija hač do awgusta). Kćenja su ćmowožołte (často čerwjenojće přeběhane), docpěja dołhosć wot 15 mm a steja we wokołkojtych, dołhostołpikowych hłójčkach. Kćenjowe łopjena často wobchowaja jich barbu tež po překćěću. Króna je dwójce tak dołho kaž keluch. Wokołki wobsahuja 2-7 (3-8) kćenjow.
Płody
Płody docpěja dołhosć wot 2 cm (wot 1,5 hač 3 cm), su kulojte, runy a zrale kastanijobrune.
Stejnišćo
Wón rosće na suchim trawniku, na syčołukach, pućnych kromach a swětłych lěsach. Ma radšo ćopłe, w prawej měrje suche pódy.
Rozšěrjenje
Łučny ledźbjenc je w nimale cyłej Europje, dźělach Azije, sewjernej a wuchodnej Africe rozšěrjeny.
Nóžki
Žórła
- GU Maxi-Kompaß Blumen, ISBN 3-7742-3852-9, strona 56 (němsce)
- GU Naturführer Blumen, ISBN 3-7742-1507-3, stronje 60-61 (němsce)
- Seidel/Eisenreich: BLV Bestimmungsbuch Blütenpflanzen, ISBN 3-405-13557-5, stronje 46-47 (němsce)
- Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 324 (němsce)
- Kral, Jurij: Serbsko-němski słownik hornjołužiskeje rěče. Maćica serbska, Budyšin (1927)
- Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)
- Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
- Völkel, Pawoł: Hornjoserbsko-němski słownik, Ludowe nakładnistwo Domowina, Budyšin (1981)
Wotkazaj
- Botanický herbář (čěsce)
- ARKive (jendź.)
- USDA plants database (jendź.)
- Gartendatenbank (němsce)
- Plants for a Future (jendź.)