Bremerhaven

Bremerhaven (delnjoněmsce Bremerhoben) je bjezwokrjesne město na sewjerozapadźe Němskeje, kotrež słuša jako eksklawa k Bremenej.

Bremerhaven

DEC
Wopon a chorhoj
Chorhoj
Zakładne daty
stat	Němska
zwjazkowy kraj	Bremen Bremen
wokrjes	bjezwokrjesne
wysokosć	2 metraj n.m.hł.
přestrjeń	93,82 km²
wobydlerstwo	113.173 (31. dec 2021)[1]
hustosć zasydlenja	1206 wob. na km²
póstowe čisła	27568–27580
předwólba	(+49) 0471
awtowa značka	HB
Politika a zarjadnistwo
wyši měšćanosta	Melf Grantz (SPD)
adresa	Hinrich-Schmalfeldt-Straße 27576 Bremerhaven
webstrona	bremerhaven.de
Połoženje w Bremenje
wikidata: Bremerhaven (Q2706)

Wulkoměsto ze 113.000 wobydlerjemi je dźěl metropoloweho regiona Bremen/Oldenburg a nadeńdźe so při wuliwje Wesery do Sewjerneho morja něhdźe połsta kilometrow sewjernje Bremenskeho centruma a 90 kilometrow zapadnje Hamburga. W Bremerhavenje wuliwa so nimo toho rěčka Geeste do Wesery. Měšćanski teritorij je wobdaty wot Cuxhavenskeho wokrjesa.

Tradicija jako přistawne město započa w lěće 1830 z wotewrjenjom prěnjeho přistawa a je hač do dźensnišeho wuznamna. Zdobom přetwari so město wot industrijneho na wědomostne a posłužbowe stejišćo. Znaty je Bremerhaven tež za swoju swětłownju a kulturne zběrki w Němskim namórniskim muzeju, w Domje wupućowarjow a w Klimowym domje.

Přistawny teritorij blisko něhdyšeje šwedskeje twjerdźizny Carlsburg ze 17. lětstotka bu w lěće 1827 wot města Bremena kupjeny ze zaměrom twarjenja noweho mórskeho přistawa. W bliskosći nadeńdźeštej so hižo cyrkwinskej wsy Geestendorf a Wulsdorf, kotrejž běštej so w lěće 1139 prěni raz naspomniłoj.