Chórice
Chórice (prjedy tež Górice; němsce Göritz) su delnjołužiska wjes w braniborskim wokrjesu Hornje Błóta-Łužica a wot lěta 2002 gmejnski dźěl Wětošowa. Maja něhdźe 180 wobydlerjow a nadeńdu so tři kilometry sewjerozapadnje Wětošowskeho stareho města. Přez wjes wjedu zwjazkowa awtodróha 15 (Błóta–Baršć), krajna dróha L 49 do Lubnjowa kaž tež železniska čara Choćebuz–Berlin.
| |||||
| město: | Wětošow | ||||
| zagmejnowanje: | 2002 | ||||
| wobydlerstwo: | 179 (31. decembra 2022)[1] | ||||
| wysokosć: | 64 metrow n.m.hł. | ||||
51.80166666666714.04694444444464 | |||||
| póstowe čisło: | 03229 | ||||
| předwólba: | 035433 | ||||
| wotwodźene słowa: |
| ||||
.jpg) Něhdyše kubło w Chóricach | |||||
wikidata: Chórice (Q1559516) | |||||
Susodne wjeski su Raduš na sewjeru, Tšadow na sewjerowuchodźe, Wóškalawa na juhowuchodźe kaž tež Běłośin na juhu. Na zapadźe nadeńdźe so Wótšowski jězor, něhdyša brunicowa jama, a na sewjerozapadźe Radušanske słowjanske hrodźišćo.
Stawizny
Wjes naspomni so prěni raz w lěće 1452 jako Goritz. Po statistice Arnošta Muki mějachu Chórice we 1880tych lětach cyłkownje 178 wobydlerjow, z nich 60 Serbow (34 %) a 118 Němcow.[2] W lěće 1956 zliči Arnošt Černik jenož hišće dweju serbskorěčneju wobydlerjow.[3]
W lěće 1986 přesydlichu so tři swójby při zapadnej kromje Chóric dla rozšěrjenja brunicoweje jamy Bzež-wuchod.
Hač do 31. decembra 2001 běchu Chórice samostatna gmejna.
Wosobinje
- Jan Nowak (1745–1825) – farar a słownikar; narodźeny w Chóricach
- August Wilhelm von Trosky (1746–1808) – knježi kubler, čłon Lubinskeho knježerstwa, germanizator
Nóžki
Wotkazy
Commons: Chórice – Zběrka wobrazow, widejow a awdiodatajow- Chórice w datowej bance delnjoserbskich městnych mjenow na dolnoserbski.de (delnjoserbsce)
- Informacije na webstronach města Wětošowa (němsce)
městnostne dźěle:Herpna (Repten) |Hogrozna (Ogrosen) |Chórice (Göritz) |Kósojce (Koßwig) |Łaz (Laasow) |Njabožkojce (Naundorf) |Pšyne (Missen) |Raduš (Raddusch) |Tšadow (Stradow) |Zušow (Suschow)
gmejnske dźěle:Běłośin (Belten) |Długi (Fleißdorf) |Gołyń (Gahlen) |Huštań (Wüstenhain) |Łoboźice (Lobendorf) |Tarnojsk (Tornitz) |Wusoka (Märkischheide)