Gaborone
Gaborone (do 1969 Gaberones) je stolica a z něhdźe 230.000 wobydlerjemi zdobom najwjetše město a hospodarske srjedźišćo južnoafriskeho kraja Botswana.
| ||
| Zakładne daty | ||
|---|---|---|
| stat |  Botswana | |
| wysokosć | 983 metrow n.m.hł. | |
| přestrjeń | 196 km² | |
| wobydlerstwo | 231.592 (2011)[1] | |
| hustosć zasydlenja | 1.181,6 wob./km² | |
Geografija
Stolica leži we wysokosći wot 1000 metrow na juhowuchodźe kraja při rěce Notwane, jenož dźesać kilometrow wot hranicy Južneje Afriki a słuša do distrikta South East. Wothladajo wot 1287 metrow wysokich horin Kgale Hills je wokolina chětro płona. Na juhu nadeńdźe so rěčna zawěra Gaborone Dam při Notwane.
Stawizny
Město so w lěće 1890 wot hłowy kmjena Batklowa, Kgosi Gaborone, załoži. Britiska kolonialna administracija mjenowaše je Gaberones a přepołoži w lěće 1965 zarjadniske sydło kolonije Betšuana wot južnoafriskeho Mahikeng sem. Z tym zahaji so wutwar dotal jenož 1000 wobydlerjow ličaceho městačka. Lěto pozdźišo sta so Gaborone ze stolicu noweje njewotwisneje Botswany.
W lěće 1982 załoži so w měsće Uniwersita Botswany jako prěnja wysoka šula w kraju.
Žórła
Wotkazaj
Commons: Gaborone – Zběrka wobrazow, widejow a awdiodatajow