Handrij Palman
serbski farar a wudawar Misionskich powěsćow
Handrij Palman (němsce Andreas Pallmer; * 20. nowembra 1788 w Bjedrusku, † 8. septembra 1862 w Smělnej) bě serbski ewangelski farar a wudawar prěnich serbskich Misionskich powěsćow.
Wón narodźi so jako syn Bjedrušćanskeho chěžkarja a wopytowaše wot 1803 do 1810 Budyski gymnazij. Wot 1810 do 1813 studowaše jako posledni serbski student we Wittenbergu ewangelsku teologiju. Po nawróće do Łužicy skutkowaše wot 1813 do 1817 jako pomocny prědar w Hrodźišćanskej wosadźe a wot 1817 hač do swojeje smjerće w Smělnjanskej.
W lěće 1817 započa pod titulom Duchowne rěče a podaća w Božim a Jězusowym kralestwi prěnje serbske Misionske powěsće wudawać, wot kotrychž stej pak jenož dwě čisle wušłej, poslednje 1818.
Žórło
- Rudolf Kilank: Palman, Handrij. W: Jan Šołta, Pětr Kunze, Franc Šěn (wud.): Nowy biografiski słownik k stawiznam a kulturje Serbow. Ludowe nakładnistwo Domowina, Budyšin 1984, str. 426
🔥 Top keywords: Hłowna stronaWikipedija:PomocDruha swětowa wójnaWikipedijaJendźelšćinaSpecialnje:Aktualne změnyWikipedija:KorčmaWaginalny wobchadZjednoćene staty AmerikiDiskusija:Hłowna stronaHornjoserbšćinaCSSFinskaSpecialnje:PytaćIndiskaWikipedija:Ekscelentne nastawkiZjednoćene kralestwoDonjeckKozarcyHTMLGooglePředłoha:Cite webIndoneskaWikipedija:Požadane přełožkiWikipedija:ŽórłaPornografijaSernjanyKumkwatJužna KorejaPomoc:Kak stronu spisaćRuskaPomoc:PřizjewjenjeNižozemskaWikipedija:AdministratorojoEuropaWodowa krasnica17. aprylaBiologijaKoordinowany swětowy čas