Jěwa-Marja Čornakec

Jěwa-Marja Čornakec narodźi so 1959 jako dźowka bura we Worklecach a wotrosće we Wotrowje. Po wopyće Wotrowskeje (1965–1967) a Pančičanskeje šule (1967–1975) wuwuči so wona na Budyskej Serbskej rozšěrjenej wyšej šuli, hdźež 1977 maturowaše. Po studiju na Fachowej šuli za wědomostne bibliotekarstwo w Lipsku (1977–1980) dźěłaše wona mjez 1980 do 1984 jako wědomostna bibliotekarka na Serbskim wučerskim wustawje w Budyšinje a w lětomaj 1984/85 jako wědomostno-techniska sobudźěłaćerka w Instituće za serbski ludospyt. Wot lěta 1985 do 1990 studowaše Jěwa-Marja Čornakec na Lipšćanskej uniwersiće kulturne wědomosće a sorabistiku, hdźež spisa diplomowe dźěło k temje Serbske pismowstwo mjez 1937–1945.^[1] Po studiju wróći so wona na Institut za serbski ludospyt. Dnja 1. januara 1992 bu wona šefredaktorka kulturneho časopisa Rozhlad w Ludowym nakładnistwje Domowina a skutkuje wot 1. awgusta 2011 jako dramaturgowka w Serbskim ludowym ansamblu w Budyšinje.^[2]

Jěwa-Marja Čornakec je čłonka Maćicy Serbskeje a wot lěta 2008 zdobom čłonka předsydstwa. Za jeje wukony na polu serbskeje dźěćaceje literatury a za skutkowanje jako awtorka dźiwadłowych hrow spožči jej Załožba za serbski lud 15. oktobra 2011 Spěchowanske myto k Mytu Ćišinskeho.^[3]

Dźěćace knihi

• Potajnstwo zeleneho kamjenja. LND, Budyšin 1994. ISBN 978-3-7420-1596-9
• Matej w štwórtej dimensiji. LND, Budyšin 1996. ISBN 978-3-7420-1657-7
• Myška w mróčelach. LND, Budyšin 2001. ISBN 978-3-7420-1874-8
• Zakuzłana sroka. LND, Budyšin 2004. ISBN 978-3-7420-1975-2
• Kak je wroblik Frido lětaś nawuknuł. LND, Budyšin 2006. ISBN 978-3-7420-2050-5 (hornjoserbsce), ISBN 978-3-7420-2041-3 (delnjoserbsce)
• Kak je myška Pip-pip płuwać nawuknyła. LND, Budyšin 2007. ISBN 978-3-7420-2083-3 (hornjoserbsce), ISBN 978-3-7420-2084-0 (delnjoserbsce)
• Kak je žabka Šlapka spěšnje skakać nawuknyła. LND, Budyšin 2008. ISBN 978-3-7420-2103-8 (hornjoserbsce), ISBN 978-3-7420-2104-5 (delnjoserbsce)
• Kak je jěžik Kałačik skónčnje spać nawuknył. LND, Budyšin 2009. ISBN 978-3-7420-2133-5 (hornjoserbsce), ISBN 978-3-7420-2134-2 (delnjoserbsce)
• Zmiječk Paliwak. LND, Budyšin 2010, ISBN 978-3-7420-2169-4
• Wroblik Frido a jeho přećeljo. LND, Budyšin 2011, ISBN 978-3-7420-2205-9
• Kak su šwjerce kólasowaś nawuknuli. LND, Budyšin 2011, ISBN 978-3-7420-2204-2
• Kak je žabka Šlapka z wětřikom lećała. LND, Budyšin 2014, ISBN 978-3-7420-2288-2

Młodźinske knihi

• Łójerjo sonow. LND, Budyšin 2018, ISBN 978-3-7420-2464-0

Činohry

• W sćinje swěčki. Prapremjera 21. měrca 2009 w Němsko-Serbskim ludowym dźiwadle Budyšin (Ludowe nakładnistwo Domowina, Budyšin 2009. ISBN 978-3-7420-2128-1)

němska wersija: Im Schatten der Kerze, premiera 18. septembra 2009 w Němsko-Serbskim ludowym dźiwadle Budyšin.

• Za sydom durjemi. Prapremjera 17. měrca 2012 w Němsko-Serbskim ludowym dźiwadle Budyšin.
• Chodźić po rukomaj. Hudźbna drama (hudźba: Ulrich Pogoda), prapremjera 12. apryla 2014 w Němsko-Serbskim ludowym dźiwadle Budyšin.

Powědančka

• Hołbik čornej nóžce ma. Ludowe nakładnistwo Domowina, Budyšin 1999. ISBN 978-3-7420-1792-5

Wěcna kniha

• Kleine sorbische Ostereierfibel. 7. nakład, Ludowe nakładnistwo Domowina, Budyšin 2010. ISBN 978-3-7420-1908-0

• Oficialna webstrona (hsb.)
• Jěwa-Marja Čornakec – Literatura w katalogu Němskeje narodneje biblioteki (Datowa sadźba k Jěwa-Marja Čornakec • PICA-datowa sadźba) (němsce) (němsce)
• Literatura Jěwy-Marje Čornakec w Serbskej bibliografiji (němsce)
• Jěwa-Marja Čornakec na webstronach Literarneho konopeja z tekstowymaj přikładomaj (Tryptichon a Hołbik čornej nóžce ma) (hsb.)