Nowe Małsecy
Nowe Małsecy (němsce Neumalsitz) su małe sydlišćo w Hornjej Łužicy, kotrež twori wot lěta 2020 po wobydlerstwje najmjeńši měšćanski dźěl Budyšina.
město: | Budyšin | ||||
wobydlerstwo: | 24 (31. decembra 2022)[1] | ||||
wysokosć: | 170 metrow n.m.hł. | ||||
51.20686314.435263170 | |||||
póstowe čisło: | 02625 | ||||
předwólba: | 03591 | ||||
wotwodźene słowa: |
| ||||
Połoženje Nowych Małsec w Budyšinje | |||||
wikidata: Nowe Małsecy (Q60029232) |
Geografija
Sydlišćo nadeńdźe so při sewjernym pobrjóhu zaliwa Budyskeho spjateho jězora, něhdźe 1,8 kilometrow sewjerowuchodnje Ćichońcy a tři kilometry sewjernje Budyskeho stareho města. Do twarjenja rěčneje zawěry spočatk 1970tych lět běše tule włóžna łučina z Lubochowa pochadźaceje rěčki, kotraž so pozdźišo wot jězora powodźi. Dla jězora měješe so jedna ležownosć w Nowych Małsecach wopušćić. Přez sydlišćo wjedźeše dróha z Budyšina do Chwaćic.
Juhowuchodnje Nowych Małsec při brjoze jězora nadeńdźe so zepěranišćo wodowych sportowcow a wudźerjow.
Stawizny
Prěnje pisomne naspomnjenje pochadźa hakle z lěta 1821.
Nowe Małsecy njeběchu dźěl Małsečanskeje gmejny, ale słušachu do Wownjowa a přińdźechu hromadźe z nim w lěće 1936 do Bórkowskeje gmejny. Po wottorhanju Małsec w lětomaj 1972/73 přesydlichu so někotři wobydlerjo do Nowych Małsec, mjeztym zo přećahny wjetši dźěl do Budyšina.
Hač do lěta 2020 słušeše sydlišćo oficielnje k měšćanskemu dźělej Ćichońca.
Žórła
- Lubachau/Lubochow, Neuteichnitz/Nowa Ćichońca und Neumalsitz/Nowe Małsecy. W: Oberlausitzer Heide- und Teichlandschaft (= Werte der deutschen Heimat. Zwjazk 67). 1. nakład. Böhlau, Köln/Weimar/Wien 2005, ISBN 978-3-412-08903-0, str. 260.
Błohašecy |Bobolcy |Bolborcy |Bórk |Bozankecy |Ćichońca |Ćemjercy |Debrikecy |Delni Wunjow |Delnja Kina |Horni Wunjow |Hornja Kina |Južne předměsto |Lešawa |Lubochow |Mały Wjelkow |Nadźanecy |Nowe Małsecy |Nutřkowne město |Sćijecy |Sewjerowuchodny wobkruh |Słona Boršć |Smochćicy |Strowotna studnja |Wownjow |Wuchodne předměsto |Wulki Wjelkow |Wuricy |Zajdow |Zapadne předměsto (ze Židowom)