Pětr Hila
serbski wučer, kantor a dirigent
Pětr Hila (němsce Peter Hille; * 31. julija 1860 w Šunowje, † 21. nowembra 1932 w Chrósćicach) bě serbski wučer, kantor a dirigent.
Narodźi so jako syn Šunowskeho młynka a wopytowaše wot 1875 do 1879 Katolski wučerski seminar w Budyšinje. 1879 dźěłaše jako pomocny wučer w Šěrachowje a wot 1880 do 1924 jako wučer při Chróšćanskej šuli. Wot 1904 běše tam kantor a šulski nawoda; 1924 poda so na wuměnk.
Hila běše přez 40 lět dirigent Chróšćanskeho spěwarskeho towarstwa Jednota. Jako jedyn z prěnich serbskich solistow spěwaše na tačele za gramofon. Nimo toho běše tež znaty pčołar.
Wón bě wot 1885 čłon Maćicy Serbskeje.
Literatura
- Pětr Hila: Včelařství u lužických Srbů. Zapisní včelařsky kalendař 1914
- Kantor wyši wučer Pětr Hila 70 lět. W: Krajan 64 (1931), str. 42
- Nekrolog. W Katolskim Posole 70 (1932), str. 379
Žórło
- Jurij Młynk: Hila, Pětr. W: Jan Šołta, Pětr Kunze, Franc Šěn (wud.): Nowy biografiski słownik k stawiznam a kulturje Serbow. Ludowe nakładnistwo Domowina, Budyšin 1984, str. 196
🔥 Top keywords: Hłowna stronaWikipedija:PomocDruha swětowa wójnaWikipedijaJendźelšćinaSpecialnje:Aktualne změnyWikipedija:KorčmaWaginalny wobchadZjednoćene staty AmerikiDiskusija:Hłowna stronaHornjoserbšćinaCSSFinskaSpecialnje:PytaćIndiskaWikipedija:Ekscelentne nastawkiZjednoćene kralestwoDonjeckKozarcyHTMLGooglePředłoha:Cite webIndoneskaWikipedija:Požadane přełožkiWikipedija:ŽórłaPornografijaSernjanyKumkwatJužna KorejaPomoc:Kak stronu spisaćRuskaPomoc:PřizjewjenjeNižozemskaWikipedija:AdministratorojoEuropaWodowa krasnica17. aprylaBiologijaKoordinowany swětowy čas