Գալինա Հաթչինս
Գալինա Հաթչինս (ուկրաիներեն՝ Галина Анатольевна Андросович, ապրիլի 9, 1979[1], Գորոդեց, Օվրուչի շրջան, Ժիտոմիրի մարզ, Ուկրաինական ԽՍՀ, ԽՍՀՄ[2] - հոկտեմբերի 21, 2021[3], Ալբուկերկե, Նյու Մեքսիկո[3]), ամերիկացի կինոօպերատոր և հետաքննող լրագրող[14]։ Նա աշխատել է ավելի քան երեսուն լիամետրաժ և կարճամետրաժ ֆիլմերի և հեռուստասերիալների վրա[15]։
Գալինա Հաթչինս | |
---|---|
Ծնվել է | ապրիլի 9, 1979[1] |
Ծննդավայր | Գորոդեց, Օվրուչի շրջան, Ժիտոմիրի մարզ, Ուկրաինական ԽՍՀ, ԽՍՀՄ[2] |
Մահացել է | հոկտեմբերի 21, 2021[3] (42 տարեկան) |
Մահվան վայր | Ալբուկերկե, Նյու Մեքսիկո[3] |
Գերեզման | Լոս Անջելես |
Քաղաքացիություն | Ուկրաինա[4] |
Կրթություն | Ամերիկայի կինոարվեստի ինստիտուտի կոնսերվատորիա (2015)[5], Կիևի համալսարանի ժուռնալիստիկայի ինստիտուտ (2005)[6], Կենսառեսուրսների և բնօգտագործման ազգային համալսարան (2001), UCLA թատրոնի, կինոյի և հեռուստատեսության դպրոց (2010)[7][8] և Fox DP Lab? (2018)[9] |
Երկեր | Darlin? և Archenemy? |
Մասնագիտություն | օպերատոր-բեմադրիչ և investigative journalist |
Ամուսին | Matthew Hutchins? |
Պարգևներ և մրցանակներ | |
Անդամություն | International Cinematographers Guild?[11], International Alliance of Theatrical Stage Employees?[12] և Կինոօպերատորների ամերիկյան միություն[13] |
Կայք | halynahutchinsdp.com |
Կենսագրություն
Գալինա Հաթչինսը ծնվել է 1979 թվականին Ուկրաինայի ԽՍՀ Ժիտոմիրի շրջանի Գորոդեց գյուղում։ Հայրը՝ Անատոլի Անդրոսովիչը, զինվորական նավաստի է, որը ծառայել է Մուրմանսկ քաղաքում[16]։ Մայրը՝ Օլգան և քույրը՝ Սվետլանա[17], ապրում էին Ինդոնեզիայում[18]։ Գալինայի ընտանիքը երկար ժամանակ ապրել է Արկտիկայի խորհրդային ռազմաբազայում, մինչև Ուկրաինա վերադառնալը[16]։
2001 թվականին գերազանցությամբ ավարտել է Ազգային ագրարային համալսարանը[16]։ Այնուհետև ավարտել է Կիևի ազգային համալսարանը՝ միջազգային լրագրության մասնագիտությամբ։
Մինչ կինոկարիերան սկսելը, Հաթչինսն աշխատել է որպես լրագրող Արևելյան Եվրոպայում[14] և աշխատել վավերագրական ֆիլմերի վրա Մեծ Բրիտանիայում։ Նա տեղափոխվեց ԱՄՆ՝ կենտրոնանալու իր կինոկարիերայի վրա[14]։ 2013-2015 թվականներին նա սովորել է Ամերիկյան կինոինստիտուտի կոնսերվատորիայում, որտեղ նրա ղեկավարն Սթիվեն Լայթհիլը։ Նրա «Թաքնված» ավարտական նախագիծը, որը նկարահանվել է ռեժիսոր Ռայան Ֆարզադի հետ, ցուցադրվել է Camerimage միջազգային կինոփառատոնում։
Ամուսնացած է Մեթյու Հաթչինսի հետ[17]։ Ունի որդի՝ Անդրոսը (2021 թվականի հոկտեմբերի դրությամբ՝ 8 տարեկան)[17]։
2018 թվականին նա դարձավ առաջին ութ կին կինոգործիչներից մեկը, որը մասնակցեց Fox DP Lab ծրագրին։ Այն ստեղծվել էր՝ ավելի մեծ հնարավորություններ ընձեռելու կին կինոգործիչներին[[19]: 2019 թվականին American Cinematographer ամսագիրը նրան անվանել է կինոյի «ծագող աստղ»[14]։ 2020 թվականին նա եղել է Ադամ Մորտիմերի «Մաքս Ֆիստ» ֆիլմի օպերատորը[20]։
2021 թվականի հոկտեմբերի 21-ին Սանտա Ֆեում (Նյու Մեքսիկո նահանգ) Վեսթերն «Rust» ֆիլմի նկարահանման ժամանակ Գալինա Հաթչինսը մահացու հրազենային վիրավորում ստացավ դերասան Ալեք Բոլդուինի կողմից։ Նկարահանումների ժամանակ Ալեք Բոլդուինի օգտագործած ատրճանակը լիցքավորված է եղել մարտական փամփուշտներով։ Գալինա Հաթչինսը մահացել է կրծքավանդակի վերքից Ալբուկերկեի հիվանդանոց տեղափոխվելու ճանապարհին։ Գալինա Հաթչինսի հետ վիրավորվել է նաեւ ռեժիսոր Ջոել Սոուզան, սակայն նրա վերքը մահացու չի եղել[21][20][22]։
Հոկտեմբերի 23-ի երեկոյան Ալբուկերկեի Civic Plaza-ում մոմավառություն է կազմակերպվել՝ ի հիշատակ Հաթչինսի։ Ակցիան կազմակերպել են IATSE Local 600 և IATSE Local 480 ասոցիացիաները Թատերական միությունների միջազգային դաշինքից[18]։
Ֆիլմեր
Արտաքին հղումներ
- Գալինա Հաթչինս Internet Movie Database կայքում
- Halyna Hutchins International Collective of Female Cinematographers
- Halyna Anatoliivna Androsovych Hutchins 1979-2021 Find a Grave