Դավիդ Պրինոսիլ

Դավիդ Պրինոսիլ
Սեռ	արական
Քաղաքացիություն	Գերմանիա
Բնակվելու վայր	Պրահա
Ծննդյան ամսաթիվ	1973 թվական մարտի 9
Ծննդավայր	Օլոմոուց, Չեխոսլովակիա
Հասակ	185 սմ
Քաշ	82 կգ
Կարիերայի սկիզբ	1991 թվական
Կարիերայի ավարտ	2003 թվական
Աշխատող ձեռք	աջ
Հարված ձախից	երկձեռքանի
Պարգևավճար, USD	4 016 496
Մենախաղ
Խաղեր Հ/Պ	169–221
Ամենաբարձր վարկանիշ	28 (2001 թվականի ապրիլի 23)
Մեծ Սաղավարտի մրցաշարեր
Ավստրալիա	3-րդ շրջան (1995, 2001)
Ֆրանսիա	3-րդ շրջան (1992)
Ուիմբլդոն	4-րդ շրջան (2000)
ԱՄՆ	2-րդ շրջան (1996, 1999)
Օլիմպիական խաղեր
Զուգախաղ
Խաղեր Հ/Պ	254–208
Ամենաբարձր վարկանիշ	12 (2001 թվականի օգոստոսի 20)
Մեծ Սաղավարտի մրցաշարեր
Ավստրալիա	Եզրափակիչ (2001)
Ֆրանսիա	Եզրափակիչ (1993)
Ուիմբլդոն	1/4 եզրափակիչ (2002)
ԱՄՆ	1/2 եզրափակիչ (1999)
	Ավարտել է կարիերան

Դավիդ Պրինոսիլ (չեխ․՝ David Prinosil, մարտի 9, 1973(1973-03-09)^[1], Օլոմոուց, Հյուսիսծովյան երկրամաս, Չեխիայի սոցիալիստական հանրապետություն, Չեխոսլովակիա^[1]), գերմանացի նախկին պրոֆեսիոնալ թենիսիստ, ով պրոֆեսիոնալ է դարձել 1991 թվականին։

Պրինոսիլը ծնվել է Օլոմոուց քաղաքում, Չեխոսլովակիա, սակայն ավելի ուշ տեղափոխվել է Գերմանիա։ Նա Գերմանիան է ներկայացրել 1996 թվականի Ատլանտայի Օլիմպիական խաղերում, որտեղ մենախաղի առաջին շրջանում պարտություն էր կրել Դանիել Վացեկից։ Սթոուն Մաունթին այգում նա, Մարկ-Քևին Գյոլների հետ զույգով, շահել են օլիմպիական խաղերի բրոնզե մեդալ։

Պրինոսիլը հասել է 2000 թվականի Ուիմբլդոնի մրցաշարի չորրորդ շրջան և քառորդ եզրափակիչ 1999 թվականի Հռոմի և 2000 թվականի Փարիզի «Մասթերս» մրցաշարերում։ Կարիերայի ընթացքում Պրինոսիլը հաղթել է մենախաղի 3 և զուգախաղի 10 մրցաշարերում և կարիերայում ամենաբարձր ATP վարկանիշին հասել է 2001 թվականի ապրիլի 23-ին՝ դառնալով աշխարհի թիվ 28 ռակետ։

Մարզական կարիերա

Դավիդ Պրինոսիլը թենիս սկսել է խաղալ 7 տարեկան հասակում։ Նրա առաջին խաղընկերը և մարզիչը եղել է նրա հայրը՝ Իրժի, ով եղել է թենիսի չեխոսլովակյան առաջին լիգայի և հոկկեյի երկրորդ լիգայի խաղացող։ 14 տարեկեն հասակում Դավիդը տեղափոխվել է Գերմանիա, որտեղ շուտով քաղաքացիություն է ստացել^[2], սակայն կարիերայի ընթացքում հաճախ զույգով հանդես էր գալիս նախկին հայրենակիցների հետ։

Պրոֆեսիոնալ մրցաշարերում ելույթները սկսել է 1990 թվականի վերջին, իսկ 1992 թվականի փետրվարին Պրինոսիլն արդեն առաջին տիտղոսն է նվաճել ATP Tour-ի մրցաշարում, հաղթելով Ռոտերդամի մրցաշարում, Մարկ-Քևին Գյոլների հետ զույգով։ Մինչև տարվա վերջը նրանք հաղթանակ են տարել ևս մեկ ATP մրցաշարում, իսկ 1993 թվականի Ֆրանսիայի բաց առաջնությունում հասել են մինչև եզրափակիչ, ճանապարհին հաղթելով, սկզբից, 5-րդ դասակարգված Պատրիկ Մաքինրոյ-Ջոնաթան Սթարկ զույգին, այնուհետև 3-րդ դասակարգված Մարկ Կրատցման-Ուոլի Մազուր զույգին և, վերջապես, առաջին համարի տակ դասակարգված Մարկ Վուդֆորդ-Թոդ Վուդբրիջ զույգին։ Եզրափակիչում, սակայն, նրանց նկատմամբ հաղթանակ են տարել ևս մեկ չդասակարգված զույգ՝ Լյուկ և Մերֆի Ջենսենները^[3]։

Չնայած Պրինոսիլը, նույն, 1993 թվականին, իր առաջին հաղթանակներն է տարել ATP «Չելենջեր» մրցաշարերում, մինչ 1995 թվականը նրա հիմնական հաջողությունները եղել են զուգախաղերում, որտեղ նա 1992 թվականի իր երոկւ տիտղոսներին ավելացրել է ևս մեկը և մի քանի անգամ հասել է մինչև եզրափակիչ։ 1995 թվականին, վերջապես, դուսր է եկել Նյուպորտի ATP մրցաշարի մենախաղի եզրափակիչ և անմիջապես հաղթանակ է տարել, իսկ 1996 թվականի վերջին այդ հաղթանակին ավելացրել է նաև երկրորդ հաղթանակը՝ Օստրավայում։ Այդ տարի զուգախաղում նրա գլխավոր նվաճումը դարձել է բորնզե մեդալը Ատլանտայի Օլիմպիական խաղերում, որը նա շահել է վաղեմի խաղընկեր Մարկ-Քևին Գյոլների հետ, 3-րդ համարի տակ դասակարգված Պաուլ Հաարհյուս-Յակո Էլթինգ զույգի հետ խաղում։ 1996 թվականին Պրինոսիլը Գերմանիայի հավաքականի կազմում նաև նորամուտել է Դևիսի գավաթում, իսկ 1998 թվականին նրան հաջողվել է Գերմանիայի հավախականի հետ միասին նվաճել Աշխարհի թիմային գավաթը, որն անց էր կացվում Դյուսելդորֆում։

1999 թվականի վերջին Պրինոսիլը վիրահատության է ենթարկվել աքիլլեսյան ջիլի վրա^[2] և հաջորդ մրցաշարջանը սկսել է անվստահ, մենախաղի մրցաշարերում մեկը-մյուսի հետևից պարտություններ կրելով խաղերում և ATP վարկանիշային աղյուսակըում իջնում է մինչև 130-րդ հորիզոնականը, իսկ զուգախաղերում համարյա ելույթ չէր ունենում (տարվա սկզբին Կոպենհագենում հաղթանակի հասած մրցաշարը եզակի բացառություններից էր)։ Հունիսին, սակայն, նա անակնկալ է մատուցել Հալլեի ATP մրցաշարում, որտեղ կարիերայի ընթացքում իր երրորդ տիտղոսն է նվաճել մենախաղում, մրցաշարի ընթացքում հաղթելով աշխարհի 9-րդ ռակետ Նիկոլաս Լապենտիին, իսկ այնուհետև նաև 5-րդ ռակետ Եվգենի Կաֆելնիկովին։ Դրանից անմիջապես հետո նա հասել է մինչև Ուիմբլդոնի մրցաշարի չորրորդ շրջան, որտեղ նրան կանգնեցրել է միայն աշխարհի առաջին ռակեիտ Անդրե Աղասին, իսկ մրցաշարջանի վերջին մոտ դուրս է եկել Մոսկվայի Կրեմլի գավաթի եզրափակիչ՝ աշխարհի 2-րդ ռակետ Մարատ Սաֆինի նկատմամբ հաղթանակից հետո։ Հաջորդ տարվա գարնանը նա դասակարգման վարկանիշային աղյուսակում բարձրացել է մինչև 28-րդ հորիզոնականը՝ բարձրագույնը նրա մենախաղային կարիերայի ընթացքում։ Մենախաղային հաջողություններին զուգընթաց Պրինոսիլը հաջող ելույթներ է ունեցել նաև զուգախաղում, 2000 թվականի երկրորդ կեսի ընթացքում երեք անգամ դուրս գալով եզրափակիչ (մեկ հաղթանակ), իսկ 2001 թվականին հասել է կարիերայի ընթացքում իր երկրորդ եզրափակիչին Մեծ Սաղավարտի մրցաշարերում (այժմ Ավստրալիայի բաց առաջնությունում, Բայրոն Բլեյքի հետ) և կարիերայում առաջին եզրափակիչին բարձր մակարդակի ATP մրցաշարում (Ցինցինատիում)։ Ցինցինատիի եզրափակիչից մեկ շաբաթ անց, Մարտին Դամի հետ, Պրինոսիլը հաղթանակ է տարել Վաշինգտոնի ATP Gold մակարդակի մրցաշարում, ATP զուգախաղի վարկանիշային աղյուսակում հասնելով 12-րդ հորիզոնական և մրցաշարջանն ավարտում է 18-րդ հորիզոնականում։

ATP մրցաշարերում իր վերջին տիտղոսը Պրինոսիլը նվաճել է 2002 թվականի ամռանը Հալլեում, չեխ Դավիդ Ռիկլի հետ զույգով։ Դա նրա 10-րդ հաղթանակն էր զուգախաղում և 13-րդը ընդհանուր հաշվարկում։ Գերմանիայի հավաքականի կազմում նա խաղացել է մինչ 2003 թվականը, ընդհանուր առմամբ հաղթանակ տանելով իր խաղացած մենախաղի 10 խաղերից չորսում և զուգախաղի 12 խաղերից յոթում։ Փաստացիորեն իր պրոֆեսիոնալ կարիերան ավարտելով նույն թվականի վերջին, իր վերջին հանդիպումը նա անց է կացրել 2004 թվականի մայիսին Պրահայում։

Արդեն խաղային կարիերայի ավարտին մոտ Պրինոսիլը սկսել է աշխատել որպես մարզիչ։ Այդ կարգավիճակում նա համագործակցել է Պրահայի «Սպարտա» ակումբի հետ և մարզել է չեխ թենիսիստներ Ռոբին Վիկին և Լուկաշ Դլոուգիին, ինչպես նաև կարճատև ժամանակ աշխատել է Լուկաշ Կուբոտ-Օլիվեր Մարախ ինտերնացիոնալ զույգի հետ^[4]։

Մասնակցությունը Մեծ Սաղավարտի մրցաշարերի եզրափակիչներում (2)

Տղամարդկանց զուգախաղ (0+2)

Պարտություններ (2)

Թվական	Մրցաշար	Ծածկույթ	Խաղընկեր	Մրցակիցենր	Հաշիվ
1993	Ֆրանսիայի բաց առաջնություն	Գրունտ	Մարկ-Քևին Գյոլներ	Լյուկ Ջենսեն Մերֆի Ջենսեն	4-6, 7-6, 4-6
2001	Ավստրալիայի բաց առաջնություն	Հարդ	Բայրոն Բլեյք	Յոնաս Բյորկման Թոդ Վուդբրիջ	1-6, 7-5, 4-6, 4-6

ATP մրցաշարերի եզրափակիչներ (27)

Պատմություն
Մեծ Սաղավարտի մրցաշարեր (2)
ATP Աշխարհի առաջնություն/Մասթերս գավաթ (0)
ATP Մասթերս 1000 (1)
ATP Gold 500 (3)
ATP մրցաշարեր (21)

Մենախաղ (3+3)

Արդյունք	№	Ամսաթիվ	Մրցաշար	Ծածկույթ	Մրցակից	Հաշիվ
Հաղթանակ	1.	1995 հուլիսի 10	Hall of Fame Tennis Championships Նյուպորտ, ԱՄՆ	Խոտածածկ	Դևիդ Ուիտոն	7-6³, 5-7, 6-2
Հաղթանակ	2.	1996 հոկտեմբերի 14	Օստրավա, Չեխիա	Գորգ(i)	Պետր Կորդա	6-1, 6-2
Պարտություն	1.	1998 մարտի 9	Կոպենհագեն, Դանիա	Գորգ(i)	Մագնուս Գուստաֆսոն	6-3, 1-6, 1-6
Պարտություն	2.	1999 փետրվարի 8	Սանկտ Պետերբուրգ, Ռուսաստան	Գորգ(i)	Մարկ Ռոսե	3-6, 4-6
Հաղթանակ	3.	2000 հունիսի 12	Gerry Weber Open Հալլե, Գերմանիա	Խոտածածկ	Ռիչարդ Կրայչեկ	6-3, 6-2
Պարտություն	3.	2000 հոկտեմբերի 23	Կրեմլի գավաթ Մոսկվա, Ռուսաստան	Գորգ(i)	Եվգենի Կաֆելնիկով	6-2, 7-5

Զուգախաղ (10+11)

Արդյունք	№	Ամսաթիվ	Մրցաշար	Ծածկույթ	Խաղընկեր	Մրցակիցներ	Հաշիվ
Հաղթանակ	1.	1992 փետրվարի 24	ABN AMRO World Tennis Tournament Ռոտերդամ, Նիդերլանդներ	Գորգ(i)	Մարկ-Քևին Գյոլներ	Մարկ Կուվերմանս Պաուլ Հաարհյուս	6-2, 6-7, 7-6
Հաղթանակ	2.	1992 օգոստոսի 24	Ումագ, Խորվաթիա	Գրունտ	Ռիհարդ Ֆոգել	Սանդեր Գրուն Լարս Կոզլովսկի	6-3, 6-7, 7-6
Պարտություն	1.	1993 մայիսի 24	Ֆրանսիայի բաց առաջնություն Փարիզ, Ֆրանսիա	Գրունտ	Մարկ-Քևին Գյոլներ	Լյուկ Ջենսեն Մերֆի Ջենսեն	4-6, 7-6, 4-6
Հաղթանակ	3.	1992 օգոստոսի 23	Waldbaum's Hamlet Cup Լոնգ Այլենդ, ԱՄՆ	Հարդ	Մարկ-Քևին Գյոլներ	Առնո Բյոչ Օլիվիե Դելատր	6-7, 7-5, 6-2
Պարտություն	2.	1993 հոկտեմբերի 4	Թուլուզա, Ֆրանսիա	Հարդ(i)	Ուդո Ռիգլևսկի	Բայրոն Բլեյք Ջոնաթան Սթարկ	5-7, 6-7
Պարտություն	3.	1993 հոկտեմբերի 18	CA-TennisTrophy Վիեննա, Ավստրիա	Գորգ(i)	Մայք Բաուեր	Բայրոն Բլեյք Ջոնաթան Սթարկ	3-6, 6-7
Պարտություն	4.	1994 փետրվարի 28	Կոպենհագեն, Դանիա	Գորգ(i)	Ուդո Ռիգլևսկի	Մարտին Դամ Բրետ Սթիվեն	3-6, 4-6
Պարտություն	5.	1997 մարտի 17	Սանկտ Պետերբուրգ, Ռուսաստան	Գորգ(i)	Դանիել Վացեկ	Անդրեյ Օլխովսկի Բրետ Սթիվեն	4-6, 3-6
Հաղթանակ	4.	1997 օգոստոսի 18	Waldbaum's Hamlet Cup Լոնգ Այլենդ, ԱՄՆ (2)	Հարդ	Մարկոս Օնդրուսկա	Մարկ Կիլ Թի Ջեյ Միդլտոն	6-4, 6-4
Պարտություն	6.	1997 հոկտեմբերի 6	CA-TennisTrophy Վիեննա, Ավստրիա (2)	Գորգ(i)	Մարկ-Քևին Գյոլներ	Պատրիկ Հելբրայթ Էլիս Ֆերեյրա	3-6, 4-6
Հաղթանակ	5.	1998 հոկտեմբերի 19	Օստրավա, Չեխիա	Գորգ(i)	Նիկոլաս Կիֆեր	Դևիդ Ադամս Պավել Վիզներ	6-4, 6-3
Պարտություն	7.	1999 մարտի 1	Կոպենհագեն, Դանիա (2)	Գորգ(i)	Մարկ-Քևին Գյոլներ	Մաքսիմ Միրնի Անդրեյ Օլխովսկի	7-6⁵, 6-7⁴, 1-6
Հաղթանակ	6.	1999 հոկտեմբերի 11	CA-TennisTrophy Վիեննա, Ավստրիա	Հարդ(i)	Սենդոն Ստոլ	Փիթ Նորվալ Քևին Ուլետ	6-3, 6-4
Հաղթանակ	7.	2000 փետրվարի 28	Կոպենհագեն, Դանիա	Հարդ(i)	Մարտին Դամ	Յոնաս Բյորկման Սեբաստիեն Լարո	6-1, 5-7, 7-5
Պարտություն	8.	2000 հունիսի 12	Gerry Weber Open Հալլե, Գերմանիա	Խոտածածկ	Մահեշ Բհուպատի	Նիկլաս Կուլտի Միքաել Թիլստրյոմ	6-7⁴, 6-7⁴
Պարտություն	9.	2000 հոկտեմբերի 2	Հոնկոնգ	Հարդ	Դոմինիկ Հրբաթի	Ուեյն Բլեկ Քևին Ուլետ	1-6, 2-6
Հաղթանակ	8.	2000 հոկտեմբերի 23	Կրեմլի գավաթ Մոսկվա, Ռուսաստան	Գորգ(i)	Յոնաս Բյորկման	Իրժի Նովակ Դավիդ Ռիկլ	6-2, 6-3
Պարտություն	10.	2001 հունվարի 15	Ավստրալիայի բաց առաջնություն, Մելբուրն, Ավստրալիա	Հարդ	Բայրոն Բլեյք	Յոնաս Բյորկման Թոդ Վուդբրիջ	1-6, 7-5, 4-6, 4-6
Պարտություն	11.	2001 օգոստոսի 6	Cincinnati Masters Ցինցինատի, ԱՄՆ	Հարդ	Մարտին Դամ	Մահեշ Բհուպատի Լեանդեր Պաես	6-7³, 3-6
Հաղթանակ	9.	2001 օգոստոսի 13	Legg Mason Tennis Classic Վաշինգտոն, ԱՄՆ	Հարդ	Մարտին Դամ	Բոբ Բրայան Մայք Բրայան	7-6⁵, 6-3
Հաղթանակ	10.	2002 հունիսի 10	Gerry Weber Open Հալլե, Գերմանիա	Խոտածածկ	Դավիդ Ռիկլ	Յոնաս Բյորկման Թոդ Վուդբրիջ	4-6, 7-6⁵, 7-5

Մասնակցությունը թիմային մրցաշարերի եզրափակիչներին (1)

Հաղթանակ (1)

Թվական	Մրցաշար	Վայր	Թիմ	Մրցակից	Հաշիվ
1998	Power Horse World Team Cup Աշխարհի թիմային գավաթ	Դյուսելդորֆ, Գերմանիա	Բ. Բեկկեր, Ն. Կիֆեր, Դ. Պրինոսիլ, Թ. Հաաս	Դ. Վացեկ, Ս. Դոսեդել, Պ. Կորդա, Ց. Սուկ	3-0

Վարկանիշը տարվա վերջին

Դասակարգ	1992	1993	1994	1995	1996	1997	1998	1999	2000	2001	2002	2003	2004
Մենախաղ	123	74	127	50	39	88	77	66	38	130	233	280	1039
Զուգախաղ	75	31	134	82	86	67	63	21	40	18	32	105	1752

Ծանոթագրություններ

Արտաքին հղումներ

Դավիդ Պրինոսիլը ATP կայքում Դավիդ Պրինոսիլը ITF կայքում Արխիվացված 2016-04-01 Wayback Machine Դավիդ Պրինոսիլը Դևիսի գավաթի մասնակցի կայքում

[1]

[2]

[3]

[4]

Search