Էլ Անացուի
Էլ Անացուի (անգլ.՝ El Anatsui, ծնվել է 1944 թվականին, Գանայում, ապրում և ստեղծագործում է Նիգերիայում), ժամանակակից աֆրիկյան նկարիչ, հայտնի է դարձել հարթեցված ալյումինե կափարիչներից, տարաներից և մետաղական առարկաներից պատրաստված վարագույրի շնորհիվ[8]։
Էլ Անացուի | |
---|---|
Ծնվել է | հունիսի 13, 1944[1] (79 տարեկան) |
Ծննդավայր | Գանա[2] և Anyako, Վոլտա, Գանա[1] |
Ազգություն | Ghanaian? և աֆրոամերիկացի |
Քաղաքացիություն | Նիգերիա և Գանա[3][2] |
Կրթություն | Կվամե Նկրումայի գիտության և տեխնոլոգիայի համալսարան |
Մասնագիտություն | քանդակագործ, նկարիչ, համալսարանի դասախոս, տեքստիլ նկարիչ, խեցեգործ և ինստալյացիոն արտիստ |
Ոճ | ժամանակակից արվեստ[4] |
Ժանր | ինստալյացիայի արվեստ[5] և աբստրակցիոնիզմ[5] |
Թեմաներ | քանդակագործություն |
Պարգևներ | |
Անդամակցություն | Գեղարվեստի թագավորական ակադեմիա և Արվեստների և գիտությունների ամերիկյան ակադեմիա |
Կայք | elanatsui.com(անգլ.) |
El Anatsui Վիքիպահեստում |
Ստեղծագործությունը
Էլ Անացուին որպես նկարիչ հայտնի դարձավ 1960-1970-ական թվականներին՝ իր նորարարական ոճի շնորհիվ[9]։
Նրա ստեղծագործությունների հիմնական թեման աֆրիկական մշակույթի վերափոխումն է՝ արտաքին հզոր ուժերի ազդեցությամբ։ Նրա բարդ և գեղեցիկ աշխատանքները արտացոլում են աֆրիկյան և ժամանակակից արվեստների օրիգինալ միաձուլումը։ Նրա աշխատանքները հայրենի Գանայի, Նիգերիայի և արևմտաաֆրիկյան մշակույթի գեղագիտական ազդեցության կրողն են, վեր են հանում Արևմտյան Աֆրիկային բնորոշ սոցիալական, տնտեսական և մշակութային խնդիրները։ Սակայն, միևնույն ժամանակ արտացոլոմ են գլոբալիզացիայի, մարդկանց սպառողական վերաբերմունքի, թափոնների վերամշակման անհրաժեշտության և մարդու կյանքի անցողիկության գաղափարները՝ Աֆրիկայի սահմանների դուրս։ Իր հարցազրույցներից մեկում Անացուին պատմել է, որ իր ստեղծագործական առաջին փորձը եղել է սովորական տախտակի վրա տառեր նկարելը[10]։
Ստեղծագործական գործունեության ընթացքում Էլ Անացուին աշխատել է տարբեր նյութերով. փայտ, կերամիկա, յուղաներկ և այլն։ Չնայած դրան, հետագայում նա կենտրոնացավ միայն մետաղի վրա՝ հարյուր-հազարավոր կտորներից ստանալով ծավալուն պատկերներ՝ արվեստի տպավորիչ գլուխգործոցներ[11]։
Կենսագրություն
Անացուին ծնվել է 1944 թվականին, Գանայում, Վոլտայի շրջանի Անյակո բնակավայրում։ 1965 -1969 թվականներին սովորել է արվեստի քոլեջում, որն այժմ կոչվում է Կվամե Նկրումայի Գիտությունների և Տեխնոլոգիաների հաալսարան[12]։ Քոլեջն ավարտելուց հետո դասավանդել է Նիգերիայի Էնուգու պրովինցիայում գտնվող Նսուկա (UNN) համալսարանաում։ Մինչ օրս նա ապրում և ստեղծագործում է Նիգերիայում ՝ չխզելով կապերը հայրենի Գանայի հետ։
Անհատական ցուցահանդեսներ
Անացուիի աշխատանքները ցուցադրվում են Աֆրիկայում, Եվրոպայում, ԱՄՆ-ում, Ճապոնիայում[13]։ Նրա քանդակներից տեղադրված են այնպիսի հայտնի հանրային նշանակության վայրերում, ինչպիսին է Փարիզի Պոմպիդու կենտրոնը[14][15]։
|
|
Հանրային նշանակության վայրերում տեղադրված աշխատանքներ
|
|
Ծանոթագրություններ
Արտաքին հղումներ
- El Anatsui: The unstoppable “master in our midst”
- Третья Московская биеннале современного искусства. Эль Анацуи
Վիքիպահեստն ունի նյութեր, որոնք վերաբերում են «Էլ Անացուի» հոդվածին։ |