Լիլի Սոբեսկի

Լիլի Սոբեսկի; անգլ.՝ Leelee Sobieski
	Լիլի Սոբեսկին 2009 թվականին
Ծնվել է	1983 թվականի հունիսի 10
Ծննդավայր	Նյու Յորք, ԱՄՆ
Կրթություն	Բրաունի համալսարան
Քաղաքացիություն	ԱՄՆ
Ազգություն	ամերիկացի
Կրոն	քրիստոնեություն և հուդայականություն
Այլ անուն(ներ)	Լիլիան Ռուդաբեթ Գլորիա Էլսվեթա «Լիլի» Սոբեսկի; Liliane Rudabet Gloria Elsveta «Leelee» Sobieski
Մասնագիտություն	դերասանուհի
Ակտիվ շրջան	1994 - այժմ
Ծնողներ	հայր՝ Jean Sobieski?
Ամուսին(ներ)	Մեթյու Դևիս (2008-2009); Ադամ Կիմել (2010 թվականից)
Երեխա(ներ)	Լուիզանա Ռեյ Կիմել (2009 թվական դեկտեմբերի 15); Մարտին Կիմել (2014 թվականի հուլիս)
Պարգևներ և մրցանակներ	Young Hollywood Awards?
	leeleesobieski.com
	Լիլի Սոբեսկի՝ Վիքիպահեստ

Լիլիան Ռուդաբեթ Գլորիա Էլսվեթա «Լիլի» Սոբեսկի (անգլ.՝ Liliane Rudabet Gloria Elsveta «Leelee» Sobieski, հունիսի 10, 1983(1983-06-10)^[1]^[2], Նյու Յորք, Նյու Յորք, ԱՄՆ^[3]^[4]^[5]^[…]), ամերիկացի դերասան։

Կենսագրություն

Ծնվել է Նյու Յորքում, ֆրանսիացի նկարիչ և նախկին դերասան Ժան Սոբեսկիի և ամերիկուհի գրող Էլիզաբեթ Սալոմոնի ընտանիքում։

Մայրական գծով պապը՝ ԱՄՆ ռազմա-ծովային ուժերի կապիտան Ռոբերտ Սալոմոնը, հրեա էր։ Սոբեսկին մեծանում է «համակրոնական ընտանիքում», ըստ նրա խոսքերի, նա հպարտ է իր հրեական արմատներով^[6]^[7]։

Լիլիի դերասանական նորամուտը կայանում է մանուկ ժամանակ, երբ նա մասնակցություն էր ունենում մանկական ներկայացումներում։ Մի անգամ նրան հրավիրում են մասնակցություն ունենալ կինոփորձերի։ Դրանից հետո հետևում է դեր 1994 թվականի «Հանդիպում» ֆիլմում, այդ ժամանակ նա 12 տարեկան էր։ Այնուհետև նա կարճատև ժամանակով հայտնվում է «Չարլի Գրեյս» սերիալում։ Դրանից հետո նա մասնակցություն է ունենում բազմաթիվ ցածրաբյուջե սերիալներում։ Լիլիի առաջին լուրջ դերը եղել է Disney կինոընկերության «Ջունգլիներից ջունգլի» ֆիլմը, որը թողարկվել է 1997 թվականին։ Շուտով Սթենլի Կուբրիկը տասնչորսամյա Լիլիին դեր է առաջարկում իր «Լայն փակված աչքերով» ֆիլմում։ Լիլին կատարում է Միլիչի՝ հագուստների վարձույթի բյուրոյի տիրոջ, դստեր դերը։

Լիլիի համար լուրջ դեր է դառնում Ժաննա դ'Արկի դերը Կրիստիան Դյուգեի համանուն ֆիլմում (1999 թվական)։ Նա դառնում է միակ դերասանուհին, ով Ժաննային խաղում է այն նույն տարիքում, որում վերջինս մեկնել էր պատերազմ՝ տասնյոթ տարեկանում։ Բացի այդ, ըստ սեփական խոստովանության, Լիլին դառնում է առաջին դերասանուհին, ով քաղացել է նրան, լինելով կույս։ Էկրաններին Դյուգեի հեռուստատեսային ֆիլմը թողարկվել է Լյուկ Բեսոնի Ժաննա դ'Արկ նմանատիպ նախագծի հետ միաժամանակ։

2005 թվականին Լիլին նկարահանվում է միանգամից մի քանի ֆիլմերում՝ «Անիծված վայր», «Լոնդոն», «Լավատես», ինչպես նաև ԱՄՆ-ի և Նոր Զելանդիայի համատեղ արտադրության «Հերկուլես» մինի-սերիալում։ 2007 թվականին, «Dungeon Siege» համակարգչային խաղի հիման վրա, թողարկվում է «Հանուն թագավորի։ Ստորերկրի պաշարման պատմությունը» ֆիլմը։

Անձնական կյանք

2002 թվականի սեպտեմբերի սկզբին Լիլին հայտարարում է, որ վեց ամսով դադարեցնում է կինոյում նկարահանումները և կանգնեցնում է քոլեջում ուսումը, որպեսզի ստուգի իր առաջին լուրջ սիրո՝ երիտասարդ ճարտարապետ Մանհեթեն Պերիի հետ իր հարաբերությունների ամրությունը, ում հետ նա ծանոթացել էր 2001 թվականի աշնանը Բրաունի համալսարանի առաջին կուրսեցիների համար ընդունելության ժամանակ։ Սակայն երկու տարի անց երիտասարդ մարդիկ այնուամենայնիվ բաժանվում են, իրենց հարաբերությունների խզման պատճառը թողնելով մամուլից գաղտնի։

2004 թվականի ձմռանը Լիլին ծանոթանում է Շոն Լենոնի՝ Ջոն Լենոնի որդու, հետ և նրանց միջև սիրավեպ է սկսվում։ Հանուն Լիլիի Շոնը դադարեցնում է իր երկարամյա հարաբերությունները դերասանուհի Բիժու Ֆիլիպսի հետ, սակայն մի քանի ամիս անց նրանք բաժանվում են։

2008-2009 թվականներին Լիլին ամուսնացած էր դերասան Մեթյու Դևիսի հետ։

2010 թվականի օգոստոսի 31-ին Լիլին ամուսնացած է մոդելյոր Ադամ Կիմելի հետ, ում հետ նա հանդիպում էր իրենց ամուսնությունից 19 ամիս առաջվանից։ Ամուսիններն ունեն երկու երեխա՝ դուստր Լուիզիանա Ռեյ Կիմել (ծնված 2009 թվականի դեկտեմբերի 15-ին) և որդի Մարտին Կիմել (ծնված 2014 թվականի հուլիսին)^[8]։

Ֆիլմագրություն

Թվական	Անվանում	Բնօրինակ անվանում	Դեր
1994	Հաշտեցում	Reunion	Աննա Յաթս
1995	Նժույգ Դենիի համար	A Horse for Danny	Դեննի Բարա
1996	Գրեյսը կրակի մեջ	Grace Under Fire	Լյուսի
1996	Գլխավոր դատ	The Home Court	Լեսլի
1995-1996	Չարլի Գրեյս	Charlie Grace	Ջենի Գրեյս
1996	Ռադիոլուրեր	NewsRadio	աղջիկ
1997	Ջունգլիից ջունգլի	Jungle 2 Jungle	Կարեն Կեմպստեր
1998	Սպեցէֆեկտներ	F/X: The Series	Տանյա
1998	Բախում անդունդի հետ	Deep Impact	Սառա Հոթչներ
1998	Ռազմիկի դուստրը երբեք չի լացում	A Soldier's Daughter Never Cries	Շառլոտ Էն Ուիլիսը 14 տարեկանում
1999	Չհանմբուրվածը	Never Been Kissed	Էլիս
1999	Ժաննա դ'Արկ	Joan of Arc	Ժաննա դ'Արկ
1999	Լայն փակված աչքերով	Eyes Wide Shut	Միլիչի դուստրը
2000	Այստեղ Երկրի վրա	Here on Earth	Սամանթա
2001	Իմ առաջին տղամարդը	My First Mister	Ջենիֆեր
2001	Տարօրինակ ճամփորդություն	Joy Ride	Վեննա
2001	Ապակե տուն	The Glass House	Ռուբի Բեյքեր
2001	Խռովություն	Uprising	Տոսյա Ալտման
2002	Կուռք	L'idole	Սառա Սիլվեր
2002	Մաքս	Max	Լիզլոր ֆոն Պելց
2002	Ֆրեյզեր	Frasier	Շեյլա
2003	Վտանգավոր կապեր	Les liaisons dangereuses	Սեսիլ դը Վոլանժ
2005	Հերկուլես	Hercules	Դեևնիրա
2006	Խաբուսիկ	Lying	Սառա
2006		Heavens Fall	Վիկտորիա Պրայս
2006	Անիծված վայր	In a Dark Place	Աննա Վայ
2006	Կյուսած մարդ	The Wicker Man	Հոնիի քույրը
2006	Հավաքույթ	Coven	պատմիչ
2006	Ավագ որդի	The Elder Son	Լոլիտա
2007	Հանուն թագավորի։ Ստորերկրի պաշարման պատմությունը	In the Name of the King: A Dungeon Siege Tale	Մյուրիելլա
2007	88 րոպե	88 Minutes	Լորեն Դուգլաս
2007	Զբոսանք ինձ հետ	Walk All Over Me	Ալբերտա
2009	Երանության որոնումները	Finding Bliss	Ջոդի Բելեբեն
2009	Անտեսանելի ճեպընթաց	Night Train	Քլոե Ուայթ
2009	Ջոննի Դ.	Public Enemies	Պոլի Համիլտոն
2010	Բռնության գործողություններ	Acts of Violence	Օլիվիա Ֆլին
2010	Գեղեցիկ մինչ մահ	Drop Dead Diva	Սամանթա Կոլբի
2011	Լավագույն կինը	The Good Wife	Ալեքսիս Սիմանսկի
2011	Վերջին կինոփառատոնը	The Last Film Festival	Ստալկեր
2012	Մոսկվա 2017	Branded	Էբբի Գիբոնս
2012	Նյու Յորք 22	NYC 22	Ջենիֆեր «Սպիտակ տուն» Պերրի

Ծանոթագրություններ

Արտաքին հղումներ

Официальный сайт
Լիլի Սոբեսկին (անգլ.) Internet Movie Database կայքում

Վիքիպահեստն ունի նյութեր, որոնք վերաբերում են «Լիլի Սոբեսկի» հոդվածին։

[1]

[2]

[3]

[4]

[5]

[6]

[7]

[8]

Search