Կիոտոյի համալսարան
Կիոտոյի համալսարան (ճապ.` 京都大学 կյոիտո դայգակու), Ճապոնիայի կարևորագույն ազգային համալսարաններից մեկը, որը գտնվում է Կիոտո քաղաքում։ Նախկինում մտնում էր թագավորական համալսարանների մեջ և հանդիսանում է երկրում հնագույններից երկրորդը, Տոկիոյի համալսարանից հետո[8]։ Կիոտոյի համալսարանում սովորում են շուրջ 22000 ուսանողներ[9]։
Կիոտոյի համալսարան | |
|---|---|
 | |
| Տեսակ | ազգային համալսարան, համալսարան, լրիվ համալսարան և ակադեմիական հրատարակիչ |
| Կարգախոս | 自由の学風 |
| Հիմնադրված է | հունիսի 18, 1897[1][2] |
| Անդամակցություն | IIIF Consortium[3], Dryad?[4], ArXiv[5], ORCID[6] և Open Education Global?[7] |
| Երկիր |  Ճապոնիա |
| Տեղագրություն | Sakyō-ku? և Կիոտո (պրեֆեկտուրա) |
| Կայք | kyoto-u.ac.jp/ja(ճապոներեն) |
  Կիոտոյի համալսարան, Ճապոնիա | |
 Kyoto University Վիքիպահեստում | |
Համալսարանն ունի 3 մասնաճյուղ, որոնցից գլխավորը Յոսիդան է։ Ճանաչվել է Ճապոնիայի երկու լավագույն բուհերից մեկը` մրցակցելով միայն Տոկիոյի համալսարանի հետ[10]։
Պատմություն
Համալսարանի նախորդը եղել է 1869 թվականին Օսակայում հիմնված քիմիայի Դպրոցը (ճապ.` 舎密局 սեյմիկյոկու)։ Հետագայում` 1886 թվականին, նրա տեղում հիմնադրվեց Երրորդ բարձրագույն դպրոցը (ճապ.` 第三髙等學校 դայսան կո:մո: գակկո:), որը նույն տարում փոխադրվեց ներկայիս համալսարանի գլխավոր մասնաշենք։ 1897 թվականին Երրորդ բարձրագույն դպրոցի շենքում հիմնադրվեց Կիոտոյի կայսերական համալսարանը, որպես կայսերական համալսարանների համակարգի մաս, հիմնադրվեց գիտության և տեխնիկայի քոլեջ։ 1899 թվականին ստեղծվեցին իրավաբանական և բժշկական քոլեջները, իսկ 1906 թվականին գրականության քոլեջը։
2004 թվականից, նոր օրենքի համաձայն, Կիոտոյի համալսարանն ընդգրկվեց երկրի ազգային համալսարանների համակարգի մեջ։ Չնայած այս կարգավիճակին, հաստատության ֆինանսական անկախությանը և ինքնավարությանը, Կիոտոյի համալսարանը դեռևս մասնակիորեն վերահսկվում է երկրի կրթության նախարարության կողմից։ Համալսարանի գեոֆիզիկայի դեպարտամենտի, ինչպես նաև նրա բնական աղետների կանխարգելման հետազոտական ինստիտուտում ներկայացված է երկրաշարժի կանխատեսման ազգային կոմիտեում[11]։
Նախագահներ
Գոյության ժամանակահատվածում համալսարանը ունեցել է 25 նախագահ, հինգ մարդ կատարել են նախագահի պարտականությունները, բայց նախագահ չեն դարձել[12]։ Ներկայիս նախագահը` Հիրոսի Մացումոտոն, իր պաշտոնը զբաղեցնում է 2008 թվականի հոկտեմբերի 1-ից։
- Կիկուտի Դայրոկու (1908-1912)
- Կոսակու Խամադա (1937-1938)
Ֆակուլտետներ
- Ինտեգրացված մարդկային ուսումնասիրությունների ֆակուլտետ
- Գրականության ֆակուլտետ
- Կրթության ֆակուլտետ
- Իրավաբանության ֆակուլտետ
- Տնտեսագիտության ֆակուլտետ
- Գիտության ֆակուլտետ
- Բժշկության ֆակուլտետ
- Դեղագործական գիտությունների ֆակուլտետ
- Ճարտարագիտական ֆակուլտետ
- Գյուղատնտեսության ֆակուլտետ
Բարձրագույն դպրոցներ[13]
- Գրականության բարձրագույն դպրոց
- Կրթության բարձրագույն դպրոց
- Իրավաբանության բարձրագույն դպրոց
- Տնտեսագիտության բարձրագույն դպրոց
- Բժշկության բարձրագույն դպրոց
- Դեղագործական գիտությունների բարձրագույն դպրոց
- Ճարտարագիտության բարձրագույն դպրոց
- Գյուղատնտեսության բարձրագույն դպրոց
- Մարդու և շրջակա միջավայրի ուսումնասիրության բարձրագույն դպրոց
- Էներգետիկայի գիտությունների բարձրագույն դպրոց
- Ասիական և աֆրիկյան տարածաշրջանի ուսումնասիրությունների բարձրագույն դպրոց
- Ինֆորմատիկայի բարձրագույն դպրոց
- Բիոուսումնասիրությունների բարձրագույն դպրոցը
- Գլոբալ բնապահպանական ուսումնասիրությունների բարձրագույն դպրոց
- Կառավարության դպրոց
- Կառավարման բարձրագույն դպրոց
- Կիոտոյի համալսարանի իրավաբանական դպրոց
- Կիոտոյի համալսարանի հանրային առողջության դպրոց
Ծանոթագրություններ
Արտաքին հղումներ
 | Վիքիպահեստն ունի նյութեր, որոնք վերաբերում են «Կիոտոյի համալսարան» հոդվածին։ |