Հարուկի Մուրակամի

Հարուկի Մուրակամի; ճապ.՝ 村上春樹
Ծնվել է	հունվարի 12, 1949[…] (75 տարեկան)
Ծննդավայր	Կիոտո, Ճապոնիա
Մասնագիտություն	լեզվաբան, վիպասան, գրող, թարգմանիչ, ակնարկագիր, թեթևատլետ, համալսարանի դասախոս, գիտաֆանտաստիկ գրող, արձակագիր և վիպասան
Լեզու	ճապոներեն
Քաղաքացիություն	Ճապոնիա
Կրթություն	Վասադա համալսարան
Ստեղծագործական շրջան	1979 - այժմ
Ժանրեր	վեպ, էսսե, գեղարվեստական գրականություն և հուշագրություն
Գրական ուղղություններ	սյուրռեալիզմ և magic realism?
Ուշագրավ աշխատանքներ	Ոչխարների որս, Նորվեգական անտառ, Լարովի թռչնի ժամանակագրությունը, Կաֆկան լողափին, 1Q84, Սպանել գանձապետին, Ինչի մասին եմ խոսում, երբ խոսում եմ վազքի մասին և Անգույն Ցուկուրու Տաձակին և Հարուկի Մուրակամիի վեպի տարիները
Աշխատավայր	Փրինսթոնի համալսարան և Թաֆթսի համալսարան
Պարգևներ	Նոմայի գրական նոր դեմքի մրցանակ Տանիզակիի պարգև Յոմիուրիի գրական մրցանակ Q11537457? Ֆրանց Կաֆկայի մրցանակ Համաշխարհային ֆենտեզի մրցանակ՝ լավագույն վեպի համար Ֆրանկ Օ'կոնոր կարճ պատմվածքների միջազգային մրցանակ Ասահի մրցանակ Order of Arts and Letters? Երուսաղեմի մրցանակ Կատալոնիայի միջազգային մրցանակ Իգնոտուս մրցանակ Hideo Kobayashi Sho? Թայմ 100 Հանս Քրիստիան Անդերսենի պարգև Չինո դել Դուկա մրցանակ Աստուրիայի արքայազնի պարգև և Լիեժի համալսարանի պատվավոր դոկտոր
	Ներշնչվել է
Կայք	harukimurakami.com
	Murakami Haruki Վիքիպահեստում

Հարուկի Մուրակամի (ճապ.՝ 村上春樹, հունվարի 12, 1949(1949-01-12)^[1]^[2]^[3]^[…], Կիոտո, Ճապոնիա), ճապոնացի գրող, թարգմանիչ։

Կենսագրություն

Հարուկի Մուրակամին ծնվել է 1949 թվականին Կիոտոյում, դասական բանասիրության դասախոսի ընտանիքում։ Սովորել է Վասեդայի համալսարանի թատերական արվեստների բաժնում «դասական դրամա» մասնագիտությամբ։

1950 թվականին գրողի ընտանիքը տեղափոխվել է Ասիա քաղաքը։ 1971 թվականին ամուսնացել է իր համադասարանցի Յոկոյի հետ, որի հետ ապրում է մինչ օրս։ Երեխաներ չունի։ 1974 թվականին Տոկիոյի Կոկունունդզի թաղամասում բացել է իր «Փիթեր Քեփ» ջազ-բարը։ 1977 թվականին բարը տեղափոխել է քաղաքի ավելի հանգիստ թաղամաս՝ Սենդագայա։

1978 թվականի ապրիլին բեյսբոլի խաղի ժամանակ նա հասկացավ, որ կարող է գիրք գրել։ Մինչև հիմա ինքն էլ չգիտի, թե ինչու։ Մուրակամիի խոսքերով. «Ես ուղղակի հասկացա դա և վերջ»։ Նա ավելի ու ավելի հաճախ էր գիշերը բարում մնում փակվելուց հետո ու գրում թանաքագրիչով հասարակ թղթի վրա։

1979 թվականին լույս տեսավ «Լսիր քամու երգը»՝ «Առնետի եռագրության» առաջին մասը, որի համար հեղինակն արժանացավ «Գունդզո սինդզին-սյո» գրական հեղինակավոր մրցանակի, որն ամեն տարի հանձնում է «Գունձո» ամսագիրը ճապոնացի սկսնակ գրողներին։ Քիչ անց արժանանում է նաև «Նոմայի անվան մրցանակի» «Բունգեյ» առաջավոր գրականագիտական հանդեսի կողմից։ Արդեն տարեվերջին գիրքը վաճառված էր դեբյուտի համար անհավանական տպաքանակով՝ ավելի քան 150 հազար օրինակ կոշտ կազմով։ 1980 թվականին հրատարակում է «Առնետի եռագրության» երկրորդ մասը՝ «Պինբոլ 1973»։ 1981 թվականին Մուրակամին վաճառում է բարի կառավարման արտոնագիրը և դառնում պրոֆեսիոնալ գրող։

1982 թվականին ավարտում է իր առաջին վեպը՝ «Ոչխարների որս»՝ «Առնետի եռագրության» երրորդ մասը, որի համար նույն թվականին ստանում է հերթական «Նոմա» մրցանակը։

1983 թվականին լույս են տեսնում պատմվածքների երկու ժողովածուները՝ «Դանդաղ նավակով դեպի Չինաստան» և «Լավ օր կենգուրուի համար», իսկ 1984 թվականին «Lուսատուտիկը, այրել մարագը և ուրիշ պատմություններ» պատմվածքների ժողովածուն։

1985 թվականին լույս է տեսնում «Հրաշքների Աշխարհը առանց արգելակների և Աշխարհի Վերջը» վեպը, որի համար նույն թվականին ստանում է «Տանիձակի» մրցանակը։ Այդ տարին լույս է տեսնում նաև «Սուրբ ծնունդ. Ոչխարները» մանկական հեքիաթների գիրքը Սասակի Մակիի նկարազարդմամբ և «Ձիուկներով կարուսելի մահացու ջերմությունը» պատմվածքների ժողովածուն։

Մատենագիտություն

Վեպեր

№	թվական	Անվանում	Բնագիր անվանում	Անգլերեն անվանում	Ծանոթագրություններ
1	1979	Լսիր քամու ձայնը	風の歌を聴け	Hear the Wind Sing	Առաջին մաս «Առնետների եռերգություն»
2	1980	Փինբոլ 1973	1973年のピンボール	Pinball, 1973	Երկրորդ մաս «Առնետների եռերգություն»
3	1982	Ոչխարների որս	羊をめぐる冒険	A Wild Sheep Chase	Երրորդ մաս «Առնետների եռերգություն»
4	1985	Հրաշքների աշխարհ առանց արգելակների և աշխարհի վերջ	世界の終わりとハードボイルド・ワンダーランド	Hard-Boiled Wonderland and the End of the World
5	1987	Նորվեգական անտառ	ノルウェイの森	Norwegian Wood
6	1988	Դենս, Դենս, Դենս	ダンス・ダンス・ダンス	Dance, Dance, Dance	Շարունակություն «Առնետների եռերգություն»
7	1992	Սահմանից հարավ, արևից արևելք	国境の南、太陽の西	South of the Border, West of the Sun
8	1994, 1995	Լարովի թռչնի ժամանակագրությունը	ねじまき鳥クロニクル	The Wind-Up Bird Chronicle	3 գրքերում վեպ
9	1999	Իմ սիրելի արբանյակը	スプートニクの恋人	Sputnik Sweetheart
10	2002	Կաֆկան լողափին	海辺のカフカ	Kafka on the Shore
11	2004	Հետմահու	アフターダーク	After Dark
12	2009, 2010	1Q84	1Q84	1Q84	3 գրքերում վեպ
13	2013	Անգույն Ցուկուրու Տաձակի և նրա ճամփորդությունների տարիները	色彩を持たない多崎つくると、彼の巡礼の年	Colorless Tsukuru Tazaki and His Years of Pilgrimage
14	2017	Կոմանդորի սպանությունը	騎士団長殺し	Killing Commendatore	2 գրքերում վեպ

Վավերագրական արձակներ

Թվական	Անվանում	Բնագիր անվանում	Անգլերեն անվանում	Ծանոթագրություններ
1997, 1998	Մետրո	アンダーグラウンド	Underground
1998	Ավետյաց երկիր	約束された場所で

Այլ ստեղծագործություններ

Թվական	Անվանում	Բնագիր անվանում	Անգլերեն աանվանում	Ծանոթագրություններ
1985	Ոչխարների ծնունդը	Хицудзи-отоко но Курисумасу	The Sheep Man’s Christmas	Մանկական հեքիաթների գիրք
1997, 2001	Ջազային դիմանկարներ		Portraits in Jazz 1 and 2	Ջազի 55 կատարողների մասին էսսեների ժողովածու՝ 2 հատորներում։
2007	Ինչի մասին եմ խոսում, երբ խոսում եմ վազքի մասին	走ることについて語るときに僕の語ること	What I Talk About When I Talk About Running	«Վազքի մասին էսքիզների ժողով, բայց ոչ առողջ ապրելակերպի գաղտնիքներ»։
2010	Ռադիո Մուրակամի			Ժամանակակից ճապոնական գրականության ամենահայտնի վարպետի նոր գիրքը՝ գրված կանանց "ան-ան" նորաձևության ամսագրի համար։ Ֆիրմային անկաշկանդությամբ, Մուրակամին խոսում է ռեստորանների և հագուստի, վինիլային սկավառակների և Վիմ Վենդերսի «Բուենա-Վիստա Ակումբ» ֆիլմի հավաքման, կատուների և ֆեմինիզմի, պոնչիկների և երեկոյան սափրման, վազքի և գոլֆի հանդեպ անպատասխանատու չսիրման մասին։

Ծանոթագրություններ

Արտաքին հղումներ

Վիքիպահեստն ունի նյութեր, որոնք վերաբերում են «Հարուկի Մուրակամի» հոդվածին։

[1]

[2]

[3]

[7]

[4]

[5]

[6]

[8]

[9]

[10]

[11]

[12]

[13]

Search