Պատրիս Լումումբա

Պատրիս Էմերի Լումումբա (ֆր.՝ Patrice Émery Lumumba, ծնված որպես ՝ Էլիաս Օկիտ՛Ասոմբո Élias Okit'Asombo, հուլիսի 2, 1925(1925-07-02)^{[1][2][4][…]}, Կատակոկոմբե, Congo-Kasaï, Բելգիական Կոնգո - հունվարի 17, 1961(1961-01-17)^{[1][2][3][…]}, Լուբումբաշի, Կոնգոյի Հանրապետություն), Կոնգոյի Հանրապետության (այժմ՝ Կոնգոյի Դեմոկրատական Հանրապետություն) ազատագրական շարժման գործիչ։ Մասնագիտությամբ՝ լրագրող։ Հիմնել է «Ուհուրու» («Ազատություն») թերթը և ղեկավարել «Ինդիփենդենս» շաբաթաթերթի հրատարակումը։ Մասնակցել է Բրյուսելում (1960) «Կլոր սեղանի» կոնֆերանսի աշխատանքներին, որտեղ որոշվեց անկախություն շնորհել Բելգիական Կոնգոյին։ 1960 թվականի հունիսից ստանձնել է Կոնգոյի Հանրապետության վարչապետի պաշտոնը։ Պայքարում էր երկրի ներսում անջատողական շարժման և բելգիական գաղութարարների զինված ագրեսիայի (հուլիս, 1960) դեմ։ 1960 թվականի սեպտեմբերին հեռացվել է իշխանությունից, ձերբակալվել և տեղափոխվել Կատանգա, որտեղ սպանվել է։ 1966 թվականին պաշտոնապես հռչակվել է որպես ազգային հերոս։

Պատրիս Լումումբա Patrice Lumumba
Լումումբան 1960 թվականի հունվարի 26-ին
(1-րդ) Կոնգոյի Հանրապետության վարչապետ
Հունիսի 24, 1960 - Սեպտեմբերի 14, 1960
Նախորդող	—
Հաջորդող	Ժոզեֆ Իլեո
Կուսակցություն՝	Կոնգոյի ազգային շարժում
Մասնագիտություն՝	քաղաքական գործիչ և հեղափոխական
Ազգություն	աֆրո-բրազիլացի
Դավանանք	Հռոմի Կաթոլիկ եկեղեցի
Ծննդյան օր	Հուլիսի 2, 1925
Ծննդավայր	Կատակոկոմբե, Բելգիական Կոնգո (այժմ՝ Կոնգո-Կինշասա)
Վախճանի օր	Հունվարի 17, 1961 (35 տարեկան)
Վախճանի վայր	Էլիզաբեթվիլ, Կատանգա (այժմ՝ Լուբումբաշի, Կոնգո-Կինշասա)
Քաղաքացիություն	Կոնգոյի Հանրապետություն
Ամուսին	Պոլին Օպանգո
Զավակներ	Ֆրանսուա Լումումբա, Գայ-Պատրիս Լումումբա, Ջուլիանա Ամատո Լումումբա և Roland Lumumba?
Պարգևներ	և
Patrice Lumumba

Սպանությունից հետո Լումումբան լայնորեն ընկալվում էր որպես համաաֆրիկյան շարժման մարտիրոս։

2002 թվականին Բելգիայի կառավարությունը պաշտոնապես ներողություն է խնդրել սպանության գործում իր մասնակցության համար^[5]։

1961 թվականից մինչև 1992 թվականը Լումումբայի անունով է կոչվել Ռուսաստանի ժողովուրդների բարեկամության համալսարանը։