Պոլ Ռոբսոն
Պոլ Ռոբսոն (անգլ.՝ Paul LeRoy Bustill Robeson, ապրիլի 9, 1898[1][2][3][…], Փրինսթոն, Մերսեր շրջան, Նյու Ջերսի, ԱՄՆ[4] - հունվարի 23, 1976[1][2][3][…], Ֆիլադելֆիա, Փենսիլվանիա, ԱՄՆ[5]), ամերիկացի սևամորթ երգիչ (բաս), դրամատիկ դերասան, հասարակական գործիչ։
| Պոլ Ռոբսոն | |
|---|---|
 | |
| Հիմնական տվյալներ | |
| Բնօրինակ անուն | Paul LeRoy Bustill Robeson |
| Ծնվել է | ապրիլի 9, 1898[1][2][3][…] Փրինսթոն, Մերսեր շրջան, Նյու Ջերսի, ԱՄՆ[4] |
| Երկիր |  ԱՄՆ |
| Մահացել է | հունվարի 23, 1976[1][2][3][…] (77 տարեկան) Ֆիլադելֆիա, Փենսիլվանիա, ԱՄՆ[5] |
| Գերեզման | Ֆերնկլիֆ |
| Մասնագիտություն | երգիչ, փաստաբան, գրող, երաժիշտ, բասկետբոլիստ, Ամերիկյան ֆուտբոլիստ, կինոդերասան, թատրոնի դերասան, քաղաքական գործիչ, դերասան և երաժշտագետ |
| Երգչաձայն | բաս-բարիտոն |
| Գործիքներ | վոկալ |
| Լեյբլ | Columbia Records, Philips Records և EMI |
| Կրթություն | Rutgers University–New Brunswick?, Կոլումբիական համալսարանի իրավագիտության ֆակուլտետ, Լոնդոնի համալսարանի Արեւելագիտության եւ աֆրիկյան հետազոտությունների դպրոց և Somerville High School? |
| Անդամակցություն | Alpha Phi Alpha և Phi Beta Kappa |
| Ամուսին | Eslanda Goode Robeson?[6] |
| Պարգևներ | |
 Paul Robeson Վիքիպահեստում | |
Ավարտել է Նյու Յորքի Կոլումբիական համալսարանի իրավաբանական ֆակուլտետը (1923 թվականին)։ 1921 թվականից հանդես է եկել որպես դրամատիկ դերասան, 1925 թվականից՝ որպես երգիչ։ Ամերիկյան և անգլյական թատրոններում խաղացած դերերից լավագույնը Օթելլոն է (Շեքսպիրի «Օթելլո», 1930 թվականին, «Սավոյ» թատրոն, Լոնդոն)։ Սևամերթ ժողովրդական երգերի և սպիրիչուեսների կատարումով համաշխարհային ճանաչման է արժանացել Եվրոպայի երկրներում համերգային շրջագայությունից հետո (1926-1928 թվականներին)։ ՍՍՀՄ-ում առաջին անգամ եղել է 1934 թվականին։ Երկրորդ համաշխարհային պատերազմի տարիներին (1939-1945 թվականներն) Ռոբսոնի համերգներն ուղեկցվել են ֆաշիզմի դեմ կոչերով։ Օժտված էր փափուկ տեմբրի, լայն դիապազոնի ձայնով։ Երգացանկում (երգել է մոտ 20 լեզուներով)՝ սևամորթ, ամերկյան ժողովրդական, իսպանացի և գերմանացի հակաֆաշիստների, ՍՍՀՄ ժողովուրդների և սովետական կոմպոզիտորների երգեր։ Նկարահանվել է կինոֆիլմերում (1933 թվականից)։ Խաղաղության համաշխարհային խորհրդի անդամ, Մոսկվայի կոնսերվատորիայի պատվավոր պրոֆեսոր (1958 թվականից)։ Արժանացել է Խաղաղության միջազգային մրցանակի (1950) և «Ժողովուրդների միջև խաղաղության ամրապնդման համար» լենինյան մրցանակի (1952)։
Ծանոթագրություններ
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։  |