Ջո Գոմես

Ջո Գոմես; Joe Gomez
	Գոմեսը Լիվերպուլի կազմում 2017 թվականին
Անձնական տվյալներ
Ամբողջական անուն	Joseph David Gomez
Քաղաքացիությունը	Անգլիա ; Գամբիա
Ծննդյան ամսաթիվ	մայիսի 23, 1997 (26 տարեկան)
Ծննդավայր	Catford, Լուիշեմ, Մեծ Լոնդոն, Անգլիա, Միացյալ Թագավորություն
Հասակ	188 սմ
Քաշ	77 կգ
Դիրք	պաշտպան
Ակումբային տեղեկություններ
Ներկա ակումբ	Լիվերպուլ
Համար	12
Պատանեկան կարիերա
Մասնագիտական կարիերա*
Ազգային հավաքական‡
	* Մասնագիտական կարիերայում ընդգրկված են միայն առաջնության խաղերը և գոլերը ; ըստ հոկտեմբերի 18-ի, 2019:; ‡ Ազգային հավաքականի խաղերն ու գոլերը ըստ հոկտեմբերի 18-ի, 2019

Ջո Գոմես (անգլ.՝ Joe Gomez, մայիսի 23, 1997(1997-05-23)^[1]^[2], Catford, Լուիշեմ, Մեծ Լոնդոն, Անգլիա, Միացյալ Թագավորություն), անգլիացի պրոֆեսիոնալ ֆուտբոլիստ։ Ներկայումս հանդես է գալիս Լիվերպուլի և Անգլիայի ազգային հավաքականի կազմում։ Խաղում է պաշտպանի դիրքում^[3]։

Ակումբային կարիերա

Չառլտոն Ատլետիկ

Գոմեսը Չառլտոն Ատլետիկի ակադեմիայի սան է^[4]^[5]։ 13 տարեկանից սկսել է հանդես գալ Չառլտոնի մինչև 18 տարեկանների թիմի կազմում^[6]^[7]։ Իր պրոֆեսիոնալ դեբյուտը Գոմեսը նշեց 2014 թվականի օգոստոսի 12-ին՝ թիմի մեկնարկային կազմում խաղադաշտ դուրս գալով Անգլիայի լիգայի գավաթի Կոլչեստեր Յունայթեդի դեմ խաղում^[8] և այս խաղում խաղալով աջ պաշտպանի դիրքում^[9]^[10]։ Առաջին հանդիպումը Չեմպիոնշիպում Գոմեսը անցկացրեց օգոստոսի 19-ին՝ Դերբի Կաունտիի դեմ խաղում^[11]^[12]։ Իր առաջին պրոֆեսիոնալ պայմանագիրը կնքեց հոկտեմբերի 7-ին^[13]^[14]։ Չառլտոն Ատլետիկի կազմում Գոմեսը անցկացրեց 24 հանդիպում՝ դառնալով 1 գոլային փոխանցման հեղինակ^[15]։

Լիվերպուլ

2015 թվականի հունիսի 20-ին Գոմեսը 5 տարվա պայմանագիր կնքեց Լիվերպուլի հետ^[16]^[17]^[18]։ Ակումբը նրա համար վճարեց 3․5 միլիոն ֆունտ ստերլինգ^[19]^[20]^[21]։ Իր դեբյուտը Պրեմիեր Լիգայում նշեց օգոստոսի 9-ին՝ թիմի մեկնարկային կազմում խաղադաշտ դուրս գալով Ստոկ Սիթիի դեմ խաղում և այս խաղում դառնալով գոլային փոխանցման հեղինակ^[22]^[23]։ Առաջին հանդիպումը եվրոպական առաջնություներում անցկացրեց սեպտեմբերի 7-ին՝ Եվրոպայի Լիգայի խմբային փուլի Բորդոյի դեմ խաղում^[24]^[25]։ Հոկտեմբերի 13-ին՝ Անգլիայի մինչև 21 տարեկանների հավաքականի կազմում խաղալու ժամանակ Գոմեսը ստացավ ծնկի ծանր վնասվածք՝ բաց թողելով ավելի 14 ամիս^[26]^[27]^[28]^[29]։ Իր առաջին մրցաշրջանում անգլիացին անցկացրեց 7 հանդիպում՝ դառնալով 1 գոլային փոխանցման հեղինակ^[30]։

Վնասվածքից վերադառնալուց հետո Գոմեսը առաջին անգամ խաղադաշտ դուրս եկավ 2017 թվականի հունվարի 8-ին^[31]^[32]՝ Անգլիայի գավաթի Պլիմութ Արգայլի դեմ խաղում^[33]^[34]։ Հունվարի 27-ին նա 5 տարով երկարաձգեց իր պայմանագիրը Լիվերպուլի հետ^[35]^[36]^[37]։ 2016-17 մրցաշրջանում անգլիացին չանցկացրեց ոչ մի հանդիպում Պրեմիեր Լիգայում^[38]։ Իր դեբյուտը Չեմպիոնների Լիգայում Գոմեսը նշեց 2017 թվականի սեպտեմբերի 13-ին՝ խմբային փուլի Սևիլյայի դեմ խաղում՝ այս խաղում ստանալով երկու դեղին քարտ և հեռացվելով խաղադաշտից^[39]^[40]։ 2017-18 մրցաշրջանում անգլիացին անցկացրեց 31 հանդիպում՝ դառնալով 2 գոլային փոխանցման հեղինակ^[41], իսկ Լիվերպուլը հասավ Չեմպիոնների Լիգայի եզրափակիչ^[42]^[43], որտեղ 3-1 հաշվով պարտվեց Ռեալ Մադրիդին^[44]^[45]։

2018-19 մրցաշրջանի սկզբում Լիվերպուլի կենտրոնական պաշտպաններ Դեյան Լովրենը և Ժոել Մատիպը ունեին վնասվածք, և Գոմեսը դարձավ թիմի հիմնական կենտրոնական պաշտպանը՝ Վիրջիլ Վան Դեյկի կողքին^[46]^[47]։ Դեկտեմբերի 10-ին անգլիացին երկարաձգեց իր պայմանագիրը Լիվերպուլի հետ մինչև 2024 թվականը^[48]^[49]^[50]^[51]։ 2019 թվականի հունիսի 1-ին նա փոխարինեց Սադիո Մանեին Չեմպիոնների Լիգայի եզրափակչի Տոտենհեմ Հոտսպուրի դեմ խաղում^[52]՝ օգնելով Լիվերպուլին հաղթել 2-0 հաշվով և նվաճել գավաթը^[53]^[54]։ 2018-19 մրցաշրջանում Գոմեսը անցկացրեց 25 հանդիպում^[55]։

2019 թվականի օգոստոսի 4-ին Գոմեսը մասնակցեց Անգլիայի սուպերգավաթի Մանչեսթեր Սիթիի դեմ խաղին^[56], սակայն Լիվերպուլը պարտվեց հետխաղյա 11-մետրանոցների հարվածաշարում^[57]^[58]։ Օգոստոսի 14-ին անգլիացին թիմի մեկնարկային կազմում խաղադաշտ դուրս եկավ ՈՒԵՖԱ Սուպեր գավաթի Չելսիի դեմ խաղում^[59]՝ օգնելով իր թիմին հաղթել հետխաղյա հարվածաշարում և նվաճել գավաթը^[60]^[61]։

Միջազգային կարիերա

Գոմեսը ներկայացրել է Անգլիան տարբեր տարիքային երիտասարդական հավաքականներում^[62]^[63]^[64]։ 2014 թվականի մայիսին Գոմեսը մինչև 17 տարեկանների հավաքականի կազմում մասնակցեց Եվրոպայի առաջնությանը^[65]՝ մասնակցելով թիմի բոլոր 5 խաղերին և ընդգրկվելով մրցաշարի խորհրդանշական հավաքականում^[66]։ Անգլիան հաղթեց մրցաշարը^[67]^[68]՝ հետխաղյա 11-մետրանոցների հարվածաշարում պարտության մատնելով Նիդերլանդներին^[69]^[70]։

Անգլիայի ազգային հավաքական Գոմեսը առաջին անգամ հրավիրվեց 2017 թվականի նոյեմբերի 2-ին՝ Գերմանիայի և Բրազիլիայի դեմ ընկերական խաղերի համար^[71]^[72]^[73]^[74]։ Իր դեբյուտը ազգային հավաքականում նշեց նոյեմբերի 10-ին՝ փոխարինելով Ֆիլ Ջոնսին Գերմանիայի դեմ խաղում^[75]^[76]։ Առաջին հանդիպումը հավաքականի մեկնարկային կազմում անցկացրեց հունվարի 14-ին՝ Բրազիլիայի դեմ խաղում^[77]^[78] և այս խաղում ճանաչվելով հանդիպման լավագույն ֆուտբոլիստ^[79]^[80]։

2018 թվականի մայիսի 16-ին Գոմեսը վնասվածքի պատճառով դուրս մնաց Անգլիայի՝ աշխարհի առաջնության համար վերջնական կազմից^[81]^[82]^[83]։ 2019 թվականի հունիսին նա մասնակցեց ՈՒԵՖԱ Ազգերի Լիգայի եզրափակիչ փուլին^[84]^[85]՝ օգնելով իր թիմին զբաղեցնել 3-րդ հորիզոնականը այս մրցաշարում^[86]^[87]։

Կարիերայի վիճակագրություն

Ակումբային վիճակագրություն

2019 թվականի հոկտեմբերի 18-ի դրությամբ^[88]

Ակումբ	Մրցաշրջան	Առաջնություն			Գավաթ		Եվրոպա		Այլ		Ընդհանուր
Ակումբ	Մրցաշրջան	Դիվիզիոն	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր
Չառլտոն Ատլետիկ	2014–15	Չեմպիոնշիպ	21	0	1	0	—		2	0	24	0
Լիվերպուլ	2015–16	Պրեմիեր Լիգա	5	0	0	0	2	0	0	0	7	0
	2016–17		0	0	3	0	0	0	0	0	3	0
	2017–18		23	0	1	0	6	0	1	0	31	0
	2018–19		16	0	0	0	9	0	0	0	25	0
	2019–20		2	0	0	0	1	0	3	0	6	0
	Ընդհանուր		46	0	4	0	18	0	4	0	72	0
Կարիերայի ընդհանուր			67	0	5	0	18	0	6	0	96	0

Միջազգային վիճակագրություն

2019 թվականի հոկտեմբերի 18-ի դրությամբ^[88]

Անգլիա
Տարի	Խաղեր	Գոլեր
2017	2	0
2018	4	0
2019	1	0
Ընդհանուր	7	0

Նվաճումներ

Ակումբային

Լիվերպուլ

ՈՒԵՖԱ Չեմպիոնների Լիգա. 2018–19^[53]; երկրորդ տեղ. 2017–18^[42]
ՈՒԵՖԱ Սուպեր գավաթ. 2019^[60]

Միջազգային

Անգլիա Մ17

ՈՒԵՖԱ Եվրոպայի Մ17 առաջնություն. 2014^[67]

Անգլիա

ՈՒԵՖԱ Ազգերի Լիգա. երրորդ տեղ. 2018–19^[86]

Անհատական

ՈՒԵՖԱ Եվրոպայի Մ17 առաջնության խորհրդանշական հավաքական. 2014^[66]

Ծանոթագրություններ

Արտաքին հղումներ

Վիքիպահեստն ունի նյութեր, որոնք վերաբերում են «Ջո Գոմես» հոդվածին։

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]

[26]

[27]

[28]

[29]

[30]

[31]

[32]

[33]

[34]

[35]

[36]

[37]

[38]

[39]

[40]

[41]

[42]

[43]

[44]

[45]

[46]

[47]

[48]

[49]

[50]

[51]

[52]

[53]

[54]

[55]

[56]

[57]

[58]

[59]

[60]

[61]

[62]

[63]

[64]

[65]

[66]

[67]

[68]

[69]

[70]

[71]

[72]

[73]

[74]

[75]

[76]

[77]

[78]

[79]

[80]

[81]

[82]

[83]

[84]

[85]

[86]

[87]

[88]

Search