Ռոբին Գոսենս
Ռոբին Գոսենս (գերմ.՝ Robin Gosens, հուլիսի 5, 1994[1], Emmerich am Rhein, Կլևե, Դյուսելդորֆ, Հյուսիսային Հռենոս-Վեստֆալիա, Գերմանիա), գերմանացի պրոֆեսիոնալ ֆուտբոլիստ։ Ներկայումս հանդես է գալիս Ատալանտայի կազմում։ Խաղում է ձախ կիսապաշտպանի դիրքում[2]։
 Robin Gosens | |||
|---|---|---|---|
 Գոսենսը 2018 թվականին | |||
| Անձնական տվյալներ | |||
| Քաղաքացիությունը |  Նիդերլանդներ Գերմանիա | ||
| Ծննդյան ամսաթիվ | հուլիսի 5, 1994[1] (29 տարեկան) | ||
| Ծննդավայր | Emmerich am Rhein, Կլևե, Դյուսելդորֆ, Հյուսիսային Հռենոս-Վեստֆալիա, Գերմանիա | ||
| Հասակ | 183 սմ | ||
| Քաշ | 76 կգ | ||
| Դիրք | ձախ կիսապաշտպան | ||
| Ակումբային տեղեկություններ | |||
| Ներկա ակումբ |  Ատալանտա | ||
| Համար | 8 | ||
| Պատանեկան կարիերա | |||
| 2000-2007 | Ֆորտունա Էլտեն | ||
| 2007-2009 | Բոխոլտ | ||
| 2009-2012 | Ռեդե | ||
| 2012-2013 | Վիտես | ||
| Մասնագիտական կարիերա* | |||
| Տարի | Ակումբ | Խաղ (գոլ) | |
| 2014-2015 | Վիտես | 0 | (0) |
| 2014-2015 | → Դորդրեխտ | 47 | (3) |
| 2015-2017 | Հերակլես | 60 | (4) |
| 2017-ներկա | Ատալանտա | 65 | (10) |
* Մասնագիտական կարիերայում ընդգրկված են միայն առաջնության խաղերը և գոլերը | |||
Ակումբային կարիերա
Դորդրեխտ
Գոսենսը հանդես է եկել տարբեր ակումբների երիտասարդական թիմերում։ 2012 թվականի հուլիսի 4-ին նա միացավ Վիտեսի ակադեմիային[3]։ Իր առաջին պրոֆեսիոնալ պայմանագիրը կնքեց 2013 թվականի օգոստոսի 13-ին[4]։ 2014 թվականի հունվարի 14-ին Գոսենսը մինչև մրցաշրջանի ավարտը վարձավճարով տեղափոխվեց Դորդրեխտ։ Իր պրոֆեսիոնալ դեբյուտը նշեց հունվարի 17-ին՝ թիմի մեկնարկային կազմում խաղադաշտ դուրս գալով Էքսելսիոր Ռոտերդամի դեմ խաղում[5][6]։ Առաջին գոլը խփեց փետրվարի 7-ին՝ Էմմենի դեմ խաղում[7][8]։ Իր առաջին մրցաշրջանում Գոսենսը անցկացրեց 20 հանդիպում՝ դառնալով 1 գոլի հեղինակ և օգնելով Դորդրեխտին տեղափոխվել Էրեդիվիզի։
2014 թվականի մայիսի 29-ին Դորդրեխտը երկարաձգեց Գոսենսի վարձավճարը 1 տարով։ Առաջին հանդիպումը Էրեդիվիզիում գերմանացին անցկացրեց օգոստոսի 9-ին՝ թիմի մեկնարկային կազմում խաղադաշտ դուրս գալով Հերենվենի դեմ խաղում[9][10]։ Իր առաջին գոլը Նիդերլանդների առաջնությունում խփեց սեպտեմբերի 20-ին՝ Էքսելսիոր Ռոտերդամի դեմ խաղում[11][12]։ Դեկտեմբերի 20-ին նա գոլ խփեց Գրոնինգենի դեմ հանդիպման 83-րդ րոպեին՝ փրկելով իր թիմին պարտությունից[13]։ Դորդրեխտի կազմում Գրոսենսը անցկացրեց 53 հանդիպում՝ դառնալով 3 գոլի հեղինակ։
Հերակլես
2015 թվականի հունիսի 4-ին Գոսենսը ազատ գործակալի կարգավիճակում միացավ Հերակլես Ալմելոյին[14][15]։ Իր դեբյուտը նշեց օգոստոսի 16-ին՝ փոխարինման մտնելով ՆԵԿ-ի դեմ խաղում[16]։ Իր առաջին գոլը ակումբի կազմում Գոսենսը խփեց սեպտեմբերի 23-ին՝ Նիդերլանդների գավաթի Վիտեսի դեմ խաղում[17]։ Առաջին հանդիպումը եվրոպական առաջնություններում անցկացրեց 2016 թվականի հուլիսի 28-ին՝ Եվրոպայի Լիգայի որակավորման 3-րդ փուլի Արոկայի դեմ խաղում[18]։ Օգոստոսի 28-ին Գոսենսը գոլի հեղինակ դարձավ ԱԴՕ Դեն Հաագի դեմ խաղում, իսկ հանդիպումն ավարտվեց 1-1 հաշվով[19]։ 2017 թվականի ապրիլի 8-ին նա 2 գոլային փոխանցում տվեց Գո Ըհեդ Իգլզի դեմ խաղում[20]։ Հերակլեսի կազմում Գոսենսը անցկացրեց 70 հանդիպում՝ դառնալով 5 գոլի և 7 գոլային փոխանցման հեղինակ։
Ատալանտա
2017 թվականի հունիսի 2-ին Գոսենսը 2 տարվա պայմանագիր կնքեց Ատալանտայի հետ[21][22][23][24]։ Իր դեբյուտը Սերիա A-ում նշեց օգոստոսի 20-ին՝ թիմի մեկնարկային կազմում խաղադաշտ դուրս գալով Ռոմայի դեմ խաղում[25]։ Իր առաջին գոլը Ատալանտայի կազմում խփեց նոյեմբերի 23-ին՝ Եվրոպայի Լիգայի Էվերտոնի դեմ խաղում[26]։ Առաջին գոլը Իտալիայի առաջնությունում խփեց 2018 թվականի ապրիլի 22-ին՝ Տորինոյի դեմ խաղում[27]։ Հոկտեմբերի 21-ին Գոսենսը գոլի և գոլային փոխանցման հեղինակ դարձավ Կիևոյի դեմ խաղում[28][29]։ Մայիսի 15-ին նա փոխարինեց Տիմոտի Կաստանին Իտալիայի գավաթի եզրափակչի Լացիոյի դեմ խաղում[30], սակայն Ատալանտան պարտվեց 2-0 հաշվով[31][32]։ 2018-19 մրցաշրջանում Գոսենսը անցկացրեց 36 հանդիպում՝ դառնալով 3 գոլի ու 2 գոլային փոխանցման հեղինակ[33], և օգնելով իր թիմին զբաղեցնել 3-րդ հորիզոնականը առաջնությունում ու վաստակել տեղը Չեմպիոնների Լիգայում[34][35]։
Իր դեբյուտը Չեմպիոնների Լիգայում Գոսենսը նշեց 2019 թվականի սեպտեմբերի 18-ին՝ մեկնարկային կազմում խաղադաշտ դուրս գալով խմբային փուլի Դինամո Զագրեբի դեմ խաղում[36]։ Հոկտեմբերի 6-ին՝ Լեչեի դեմ խաղում գերմանացին դարձավ գոլի և գոլային փոխանցման հեղինակ՝ 3-1 հաշվով հաղթանակ պարգևելով իր թիմին[37]։ Չեմպիոնների Լիգայում իր առաջին գոլը խփեց դեկտեմբերի 11-ին՝ խմբային փուլի Շախտյոր Դոնեցկի դեմ խաղում[38][39]։ 2020 թվականի հունվարի 6-ին Գոսենսը գոլի և գոլային փոխանցման հեղինակ դարձավ Պարմայի դեմ խաղում[40]։ Հունվարի 11-ին նա գոլ խփեց Ինտեր Միլանի դեմ խաղում, իսկ հանդիպումն ավարտվեց 1-1 հաշվով[41][42]։
Կարիերայի վիճակագրություն
Ակումբային վիճակագրություն
2020 թվականի հունվարի 13-ի դրությամբ[43]
| Ակումբ | Մրցաշրջան | Առաջնություն | Գավաթ | Եվրոպա | Այլ | Ընդհանուր | ||||||
|---|---|---|---|---|---|---|---|---|---|---|---|---|
| Դիվիզիոն | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | ||
| Դորդրեխտ (վարձավճար) | 2013–14 | Էրստե Դիվիզի | 16 | 1 | 0 | 0 | — | 4 | 0 | 20 | 1 | |
| 2014–15 | Էրեդիվիզի | 31 | 2 | 2 | 0 | — | 33 | 2 | ||||
| Ընդհանուր | 47 | 3 | 2 | 0 | 0 | 0 | 4 | 0 | 53 | 3 | ||
| Հերակլես Ալմելո | 2015–16 | Էրեդիվիզի | 32 | 2 | 3 | 1 | — | 3 | 0 | 38 | 3 | |
| 2016–17 | 28 | 2 | 2 | 0 | 2 | 0 | — | 32 | 2 | |||
| Ընդհանուր | 60 | 4 | 5 | 1 | 2 | 0 | 3 | 0 | 70 | 5 | ||
| Ատալանտա | 2017–18 | Սերիա A | 21 | 1 | 2 | 0 | 3 | 1 | — | 26 | 2 | |
| 2018–19 | 28 | 3 | 3 | 0 | 5 | 0 | 36 | 3 | ||||
| 2019–20 | 16 | 6 | 0 | 0 | 5 | 1 | 21 | 7 | ||||
| Ընդհանուր | 65 | 10 | 5 | 0 | 13 | 2 | 0 | 0 | 83 | 12 | ||
| Կարիերայի ընդհանուր | 172 | 17 | 12 | 1 | 15 | 2 | 7 | 0 | 206 | 20 | ||
Նվաճումներ
Ակումբային
Ատալանտա
- Իտալիայի գավաթ. երկրորդ տեղ. 2018–19[31]
Ծանոթագրություններ
Արտաքին հղումներ
- Գոսենսի պաշտոնական Ինստագրամի էջը
- Գոսենսը transfermarkt-ում
- Գոսենսը soccerbase.com-ում
- Գոսենսը WhoScored.com կայքում
- Գոսենսը Դորդրեխտի պաշտոնական կայքում
- Գոսենսը Ատալանտայի պաշտոնական կայքում Արխիվացված 2021-04-23 Wayback Machine
- Գոսենսը Սերիա A-ի պաշտոնական կայքում Արխիվացված 2018-12-09 Wayback Machine
- Գոսենսը ՈՒԵՖԱ-ի պաշտոնական կայքում
 | Վիքիպահեստն ունի նյութեր, որոնք վերաբերում են «Ռոբին Գոսենս» հոդվածին։ |